Syväindö

Karjalan Kielen Koin ezittely
 Kui voin avvuttua?
 Toimindu - lyhyt histourii
 Pluanoi da idejoi
 Muijalgi
 KKK meedies
 Sponsorat
 Dengat
 Kielitoimindan algu
Kerhot sygyzyl 2015
 Toimindu vuonnu 2015
 Toimindu vuonnu 2016
 Toimindupluanu vuvvele 2017
 Toimindu vuonnu 2017
 Ruadopluanu vuvvele 2018
 Ruadopluanu toiminduvuvvele 2019-2020: KKK kielipezä
Toimindu vuonnu 2019
 Toimindu vuonnu 2020
OM-testu
 KKK:n kniigulaukku

Karjalan Kielen Koin ezittely ( )

Luadie Vieljärven kyläs Karjalan kielen kodi tuli mieleh kaksi vuottu tagaperin 2011. Täs aijas on äijäl ruattu: on pietty vastavundoi, ečitty partneroi da den'goi koin perustandah niškoi, on suadu da kogonah riičitty vahnu kodi da zavodittu uvven koin srojindu. Azuimmo Vieljärves Karjalan kielen kodi-yhtistyksen, kuduas nygöi on jo q30 hengie - Karjalan da Suomen karjalazii.

Karjalan kieli on pättävy kieli kaikkeh käyttöh. Nimi kieli ei kehity ku sil ei olle opastundua da käytösty koin ulgopuolel. Muamankielel on ylen tärky vuitti jogahizen ristikanzan elaijas, oman kielen da kul'tuuran kunnivoičendu nägyy kaikis elaijan puolis. Sendäh tulies Karjalan kielen kois tahtommo kehittiä karjalan kieldy, suaha sen käytöksen leviembäkse, nostua sen stuatussua.

Tulies Karjalan kielen kois piemmö karjalan kielen kursoi, fiskul'tuurua, kaikenmoizii kursoi karjalan kielel (syömizien luajindu, käziruavot, tiedokonehruavot i m.i.). Sie suau kuunnella karjalankielizii audiokniigoi, lugie karjalankielizii lehtii da kniigoi libo kižata binguo karjalan kielel. Karjalan kielen kois rubieu ruadamah sobienpezendypertti, sil aigua ku mašin pezöy sobii, ristikanzu voi lugie lehtii libo kuduo kangastu.

Syvyskuus 2013 luajimmo uvven koin fundamentan. Sen jälles zavodimmo srojie uuttu karkassukodie. Den'goi täh ruadoh suammo myömäl šipainiekkoi, kniigoi da vahnoi sobii pruazniekoil Karjalas dai Suomes. Olemmo suannuh abuu Petroskoin dorogoin kohendusfirmalpäi (GUP RK ”Most”), arhitektuurufirmalpäi (A-Real) da raudulaukalpäi (TD Gloster). Erähät karjalazet sežo annetah den'goi podarkannu.

Suuret passibot Karjalan Tazavallan kultuuruministerstvale, kudai pidäy sygyzyl 2013 kolmen kuun aigah kaikenmoizii ozutteluloi da kontsertoi Karjalan kielen koin hyväkse. Kai nämä ruavot mennäh Karjalan Piämiehen kačondan ual. Karjalan volont'oruruavonkeskučču tulou täh ruadoh abuniekakse.

Voizitgo Sinägi avvuttua täs ruavos? Vähäs avusgi voi olla äijy tolkuu. Ku Sinul ollou mielii srojindah libo ruavon kehittämizeh näh, voit kirjuttua täh ozutteheh: olga.gokkoeva@pp.inet.fi libo zvonie noumerah +79214503549, +358400 166737.

Ven'al den'guabuu voi andua Karjalan kielen kodi-yhtistyksen bankučotale: 

Suajan banku: Ven'an Sberbankan ozasto № 8628, Petroskoi
BIK:               048602673
Kor. čottu:        30101810600000000673
INN:               7707083893
KPP:               100102001
Suajan maksučottu: 40703810225000152813
Klijentan INN:     1021000275
Suajan nimi:       Karjalainen alovehelline yhtistys Karjalan kielen kodi
Suomes voi andua den'guabuu bankučotale: 
Suaju: Karjalan Kielen Koin abuniekat ry.
IBAN:  FI07 5072 0520 1026 19
BIC:   OKOFIHH
Tule terveh Karjalan kielen kodi -projektah!

Karjalan Kielen Koin toimindu - lyhyt histourii

Midä on ruattu, midä rubiemmo ruadamah

Stahanovilazet udarnikat 17.11.2012 subotniekal.

Toimindupluanoi da idejoi

KKK:n ustuavah on kirjutettu koin tarkoitus. On olemas selgielöi pluanoi, mittustu toimindua vediä koin seinis. Jogahine kyläläine da gost'u voijah ezittiä omii idejoi da omal aktiivizuol kehittiä koin toimindua.
Erähii idejoi:

Karjalan Kielen Kodiloi muijalgi?

Kus vai on karjalastu, sie voi nostua Karjalan Kielen Kodi. Vieljärvi on kylä, kus eläy karjalastu, kuduat maltetah paista karjalakse, on tarkoitukseh pädii kodi, on ruadajua. On toiziigi kylii kudamih yhtenjyttyöh vois nostua KKK: Veškelys, Jessoilu, Nuožarvi, Priäžy, Kotkatjärvi, Anus, Tuuksi, Videl, Petroskoi, Jovensuu, Nurmes, Helsinki,... Ei joga kohtas voi ruadua Vieljärven jyttyöh. Ku ei olle mahtuo suaha omua kodii, ga toinah voi vuograta zualua kursoih niškoi. Ku ei voinne kerävyö yhteh tukkuh - Suomen karjalazethäi ollah levitty ymbäri Suomie - toinah voi kerävyö virtualizeh kodih Internetas.

KKK verkos voimmo opastuo toine toizes:

KKK meedies

Videoloi Karjalan Kielen Kois Internetas

Subotniekat (OO)
Fundamentan valandu (AG)
Фундамент Международного центра обучения карельскому языку
Karjalaine suarnu Vieljärves (OK)
Priäžän presskonferentsii
Дом Карельского языка в Ведлозере нуждается в поддержке
Petroskoin hyvyönluajinduaksii (OO)
Oma pajo- da Terveh, briha -horien konsertu (AG)
Rodn'ugo?
Vintažnii tseh karjalaksi (OO)
KKK:n srojindu ven'akse (SM)
Karjalan kielen koin rakendusruavot (OK?)
Vieljärven KKK-aktivistat (OO)
Интервью с председателем КРОО «Дом карельского языка» Ольгой Гоккоевой
Karjalan kielen kodi Vieljärves (OK)
Karjalan kielen kodi 2014 (OG)
Vieljärves piettih Karjalan kielen koin roindupäivy (OO)

Sponsorat

Koin srojinduruadolois ollah avvutettu:

Dengua da ruadoabuu ollah annettu:

Passibo kaikile Karjalan Kielen Koin kannattajile. Enämbi tuhattu rubl'ua ollah annettu:
Ahonen Raimo, Anhimova Anna, Anisimov Arseni, Barmina Nina, Barysev Jevgeni, Bogdanova Jelena, Čistjakova Sofia, Drobaha Natalja, Devjatajev, Enkkelät Erkki da Pirjo, Friis Valentina, Gagarin Sergei, Gagarin Juri, Gavrilova Julja, Giloeva Natalia, Gokkoeva Inna, Goljatin, Haimakainen Pekka, Haimakainen Rauno, Hirviniemi Helena, Hints Anna, Isoniemi Jenni, Ivanov Timofei, Ivanovat Valeri da Vera, Jegorova Nadežda, Jegorova Jevdokia, Jekaterina (Moskova), Jelkänen Hannu, Jermolajeva L, Jersov Iivan, Kalmykova Nadezda, Kaniševa, Kansijeva Tatjana, Karjalaini Jegor, Kemppainen Rita, Kiiski Artur, Kielen da Kirjallizuon Instituutan ruadajat, Kirillov Kirilä, Koigerov Aleksei, Korjukajeva Ljubov, Koski Tuula, Kozlova Dina, Krasovskaja Tatjana, Krugov, Kundozjorova Maria, Kuznetsov Vladimir, Kuznetsova Anna, Kähäri Maria da Mikko, Lampivuo Ritva, Latypov Rais, Lutoškina Tamara, Markkinen Eila, Maskojeva T, Mattila Pirkko, Miksujev & Kettunen, Murzinat Natalja da Dmitri, Mullonen Irma, Myllyselkä Benjam, Nesterova Ljubov, Nieminen Ape, Niikko Petri, Ogneva Olga, Orlova Tatjana, Parpolat Sisko da Simo, Pavilainen N, Petrova Tatjana, Pimenov Sergei, Poleshuk Ivan, Popov, Popova Natalja, Pritup Nikita, Redkina Nina, Romanov Aleksandr, Salo Anastasia, Salmela Risto, Sinitskaja Olga, Sivonen Pirjo, Smirnovat K da A, Smirnova Irina, Sorohov Jevgeni, Stafejevat Andrei, Igor da Nadezda, Sumkinat Aleksei da L.S., Sysganov Vasili, Taskinen Sinikka, Talja Ljudmila, Tihonov Stanislav, Todua Juri da Natalja, Vinokurova Lidija, Vsevolodova (Jessoilu), Zaharovan pereh, Žarinova Olga
da vie toizet kuduat tahtotah peittiä oman nimen.

Srojindu

Syvyskuul 2014 Karjalan Kielen Kodi on tämän nägöine

Kevätkuul 2016 tämän nägöine:

Vuozi 2016

Vuozi 2017

Vuvvet 2013-2017

Kielitoimindan algu

Vastavundat, dengoin suittamine da subotniekat ollah KKK:n ustuavun mugastu toimindua, a piädielo ei olla koin seinät, a toimindu koin seinis.

Väheksimättäh aijembii tapahtumii, toinah enzimäzeksi koin syväindötoimindakse pidäy lugie 14.9.2014 pietty seminuaru "Uuzien toimindutavoin kehittämine karjalan kielel". Seminuaru keräi yhteh 49 ozanottajua Vieljärvel, Nuožarvel, Alavozes, Kotkatjärvel, Petroskois, Jessoilas da Veškelyksespäi. Seminuaras ezitettih idejoi toimindutavoikse da otettih ruattavakse kodiruado enne seminuaran tostu ozua 9.11.2014. Kuvas joukko seminuaran ozanottajii, kuvattu Karjalan Kielen Kois.

Paginkanzu vastavundoih kučutah tundiettuloi karjalan kielen maltajii pagizemah omas ruavos da elaijas, paikalle tulluzien paginkanzakse. Kahtes enzimäzes paginkanzas gost'annu oldih toimittajat Ol'ga Ogneva 28.9.2014 (ylembi kuva) da Natalja Sinitskaja 12.10.2014 (alembi kuva). Nämmä tapahtumat vie piettih Vieljärven kluubutaloil.


Enzimäine paginkanzu, Zinaida Dubinina, omas kois, 4.1.2015

Kerhot on allettu

Vuvven 2015 allus Karjalan Kielen Kois ruvettih toimimah almainitut kerhot: Tervehtulgua!

Kerhot sygyzyl 2015