Karjalan Kielen Kodi (KKK) alovehelline yhtistys

Syväindö

KKK:n tarkoitus da perustamine

Karjalan Kielen Koin roindupäivy on 22.7.2012 Vieljärven kluubal. Ol'ga Gokkoevan kučuttuh kerähmöh tuli hyvin paikale kyläläzii, kuduat ruvettih kannattamah KKK idejua da piätettih ruveta ruadamah. Lopukse kerähmörahvas käydih kaččomas tulijua kodii da sovittih enzimäzes subotniekas.

Toine roindupäivy on viijes suboniekku 26.10.2012. Silloin piätettih perustua yhtistys kannattamah Karjalan Kielen Kodii da haldivoiččemah käytändöllizii da hallindollizii dieloloi. Silloi sežo vallittih halličus yhtistyksele.

Kolmas roindupäivy on 17.11.2012. Silloi Karjalan Kielen Koin halličus pidi enzimäzen vastavundan da sen jälgeh oli vie yhtistyksen kerähmö, kudai hyväksyi halličuksen ezitykset.

KKK:n halličus

• Valeri Ivanov, paginanvedäi
• Nadežda Stafejeva, varapaginanvedäi
• Natalja Ivanova
• Nadežda Kalmykova
• Vasili Zaharov

KKK halličuksen vastavundu 17.11.2012

• Kačottih da hyväksyttih KKK yhtistyksen ustuavu.
• Jo enne KKK yhtistyksen perustandua oli suadu suulline lubavus Priäžän piirin hallindol, ku se andau hyllätyn koin KKK käyttöh da vie ruadajan. Piätettih kyzyö Priäžän rajonan hallinnos mil ehtoloil nengoman ruadajan suau da midä hänes Priäžän rajonan hallindo vuottau.
• Yhtistys jatkau subotniekoin pidämisty, tulii subotniekku on 2.12.2012. Valeri Ivanov da Nadja Stafejeva kučutah rahvas
• Olga Gokkoeva saneli Kinnermäen ystävät Ry:n ruavos, yhtesruavon organizuindas da heijän roulis. Piätettih sellittiä oman saitan perustamisdieloloi , ongo parembi olla oma saitu, libo tiijot voi riputtuo vedlozero.ru, kinnermaki.fi libo opastajat.net-saitoil.
• Piätettih sellittiä kui voi luadie pakičuksen Norden-progruammah.

KKK:n kerähmöt

KKK yhtistyksen kerähmö 17.11.2012

• Hyväksyttih uuzi ustuavu
• Vallittih Natalja Ivanova yhtistyksen kassirakse da Nadežda Kalmykova yhtistyksen sekretarikse.
• Piätettih jäzenmaksus: 200 rubl'ua ruadajat, 100 rub'lua penziel olijat da opastujat, 1000 rubl'ua yhtistykset da järjestöt.
• Hyväksyttih 15 jäzendy.

Ustuavu

• Yleiset kohtat. KKK:n zakonalline stuatussu. KKK:n azieloi voi hoidua kahte kielel - ven'akse da karjalakse.
• Tarkoitus da ruado: karjalazen kul'tuuran säilyttämine da kehittämine, rahvahan eloksen parandamine Vieljärvel, koin perustamine. Koin dielot: kielen opastamine, tervehellinen eloksentaba, joudoaijan kehittämine karjalan kielel, paikallizen biznesan kannattamine, kylan kunnostamine, palveluksien kehittämine kylän rahvahile.
• Yhtistyksen oigevuot. Kui yhtistys suau ruadua
• Yhtistyksen vellallizuot: Ven'an zakonoin da kanzoinvälizen oigevuon periuattehien mugah. Pidäy sellittiä valdivoh päi talohuos da toimindas.
• Yhtistyksen perustajat da jäzenet. Ket perustettih, ket voijah liittyö, konzu voi eroittua.
• Yhtistyksen elimet. Kerähmön valdu, halličuksen ruavot, piälikön ruavot. Piälikkö vallitah nelläkse vuvvekse.
• Yhtistyksen talohuon tarkastus. Ylimiäräine tarkastus, konzu 1/3 jäzenis sidä prizmitäh.
• Omazus da varat. Sua omistua, kui sua kerätä varoi, kui niilöi sua käyttiä.
• Yhtistyksen kirjanpido. Zakonoin mugah, piälikkö kaččou, pidäy ozuttua kaikile ket tahtotah kaččuo.
• Ustuavan muutokset. Kui niidy suau muuttua.
• Yhtistyksen loppemine. Sidähäi emmo vuota, a kui se tapahtus.

KKK Yhtistyksen perustamistovestukset

Karjalan Kielen Koin dokumentat

Договор оферты / Sobimus denguavun ehtolois:

Linkit

• Karjalan Kielen Seura
• Kinnermäen ystävät r.y.
• vedlozero.ru
• opastajat.net