EN:n ramkusobimus vähembistölöis

[mp]

Ristikanzanoigevuksien, kielioigevuksiengi, todevundu eistyy čiepis

1. kanzoinvälizet jullistukset da sobimukset, enne muidu YK:n ristikanzanoigevuksien jullistus
   (http://opastajat.net/luvekkua/muut/oigevukset.html)
2. Europan Nevvoston (EN) sobimukset, niilöin joukos
   • vähembistökielien peruskirju (tämägi pidäs kiändiä karjalakse, kerran jo alloin a sil kerdua väzyin)
   • vähembistölöi koskii ramkusobimus
3. mualoin zakonat
4. mualoin hallindo

Toinah net oigevukset todevutahgi täs čiepis ylähäl alahpäi, ga yksityzel ristikanzal voi olla kebjiembi ajua aziedu EN:n kauti migu oman valdivon kauti. Suurembii halličukses rippumattomii järjestölöi toinah parembi omas muasgi kuunnellah.

Tädä sistiemua on sellitetty opastusvideos http://opastajat.net/opastus/videot/oigevukset.webm da sen tekstas http://opastajat.net/opastus/videot/oigevukset.html

Piäl mainittih kaksi EN:n sobimustu: vähembistökielien peruskirju da vähembistölöi koskii ramkusobimus. Enzimäine puolistau kielien säilymisty kodirannal, toine vähembistölöi kus eletähgi. Peruskirju puolistau karjalan kieldy Suomen da Ven'an valdivolois, kudamien alovehel on karjalan kielen kodirandu (hos Ven'a vie ei sobimustu ratifiiruinnuh). Ramkusobimus puolistau karjalazen, čečeenieläzen, ven'alazen, tataarilazen, suomelazen, jeyrein, vepsäläzen, valgoven'alazen vähembistölöin oigevuksii yhtenjyttyöh. Tiettäväine, eroloi on, erähil vähembistölöil on vägevy kodivaldivon tugi, toizii joga kohtas vuarretah.

Ramkusobimuksen http://www.conventions.coe.int/Treaty/e ... ml/157.htm todevundas suau lugie EN:N sivuloil, ezim. nämis dokumentois:

• http://www.coe.int/t/dghl/monitoring/mi ... age_en.pdf
• http://www.coe.int/t/dghl/monitoring/mi ... ion_en.pdf
• http://www.coe.int/t/dghl/monitoring/mi ... ion_en.pdf

Aiga jygiet lugiettavat.