Definiittupronominat (Miärypronominat)
Definiittupronominat ollah kai, joga, jogahine, toine yksikös da
kaikin, jogahizet, toizet, mollei, mollembat monikos.
Definiittupronominat viitatah mihtah tiettäväh ezinehen libo azien
miäräh:
Kai loppih ylen terväh. Kaikin oli jo ammui lähtietty iäre.
Jogahine tiedäy sen. Toine oli karjalaine. Toizet oldih jo pihal.
Mollei maltettih paista karjalakse. Mollembat tuldih järilleh.
Joga ristikanzu on persounu. Jogahizes urokas on suuri hyödy.
Jogahizet kerrat varain ylen äijäl. Myö elämmö toizes kois.
Toizet linnat jiädih nägemättäh. Mollembat lapset oldih sinisilmäzet.
Definiittupronominoin taivutus
Taivutammo pronominat kai, kaikin, jogahine, jogahizet:
Nominatiivu | kai | kaikin | jogahine | jogahizet |
Genetiivu | kaiken | kaikkien | jogahizen | jogahizien |
Partitiivu | kaikkie | kaikkii | jogahistu | jogahizii |
Essiivu | kaikennu | kaikinnu | jogahizennu | jogahizinnu |
Translatiivu | kaikekse | kaikikse | jogahizekse | jogahizikse |
Inessiivu | kaikes | kaikis | jogahizes | jogahizis |
Elatiivu | kaikespäi | kaikispäi | jogahizespäi | jogahizispäi |
Illatiivu | kaikkeh | kaikkih | jogahizeh | jogahizih |
Adessiivu | kaikel | kaikil | jogahizel | jogahizil |
Ablatiivu | kaikelpäi | kaikilpäi | jogahizelpäi | jogahizipäi |
Allatiivu | kaikele | kaikile | jogahizele | jogahizile |
Abessiivu | kaikettah | kaikittah | jogahizettah | jogahizittah |
Komitatiivu | kaikenke | kaikkienke | jogahizenke | jogahizienke |
Definiitturonominu toine taibuu mugaže, kui pronominu jogahine,
a toizet - kui jogahizet. Pronominat joga, mollei ei taivuta.