Akkuzatiivu (Vastuando)
Yksikös akkuzatiivan sijapiäteh sama kui
genetiivan sijapiäteh libo nominatiivan sijapiäteh.
Monikos akkuzatiivan piäteh on sama kui nominatiivan sijapiäteh.
Akkuzatiivua käytetäh tevon objektannu.
Muamo syötti lapsen. Minä pezen lattien. Tyttö kirjutti kirjazen.
Brihačču azui hyvän pillin koivus. Anton, luve tämä kniigu. Vie
kirjaine poštah. Hyvä pilli pidäy azuo koivus. Brihačču azui
pillit koivus. Tyttö kirjutti kirjazet. Vie kirjazet poštah.
Akkuzatiivan muodoloin käyttö
-
yksikön piättehettömiä akkuzatiivua da monikon akkuzatiivua
käytetäh:
-
käskyverbilöinke: Kirjuta sana oigieh. Tuo hallot pertih.
Työ luvekkua kniigat. Tytöt, peskiä lattiet.
-
monikon 3. persounan verbilöinke: Opastujat kirjutettih sanelu
ylen hyvin. Tytöt terväzeh pestäh astiet.
-
verbinke pidäy: Pidäy kirjuttua kirjaine. Pidäy ruadua ruavot
aijoin aijal.
-
yksikön -n -loppuhistu akkuzatiivua käytetäh kaikis toizis tapahtuksis:
Buabo laski kažin pertih. Sizär osti pal'ton. Tuatto kohendi levon.
Brihačču sai ongeh havvin. Minä hävitin kirjuttimen. Runoniekku
kirjutti runon. Keittäi keitti murginan.