Tiedotehniekku-cdrom

Piälkaččojen Tiedotehniekku-cdrom sizäldäy operuattorusistieman da net ohjelmistot, kudamii sellitetäh Tiedotehniekku kniigas. Syväindön puoles Tiedotehniekku-cdrom on enämbi, se on ruadobruja da kieliresursu karjalan kielen opastundah niškoi.

Live-cdrom

Tiedotehniekku-cdrom on muga sanottu "live-cdrom". Se tarkoittau nengomua: Ku liččuat sen asetettuh tiedokoneheh da käynnistät konehen, tiedokoneh lugou operuattorusistieman cdromalpäi da rubeiu toimimah sen mugah, kaččomattah mittuine operuattorusistiemu da mittustu tieduo tiedokonehel on. Tiedokonehes rippumattah kaikil live-cdroman käyttäjil on yhtenjyttyine ruadoymbäristö. Täs on mondu hyviä puoldu:

Operuattorusistiemua da tiedosyväindyö voi cdromal huogieh jagua
Ruadoymbäristö ozutahes kaikile yhtenjyttymänny
Vierahal tiedokonehel ruadajes tälle konehele ei jiä nimittumua jälgie (käyttäjän tahtomattah)

Ga on huonuogi puoldu.

Erähien tiedokonehien käynnistämine live-cdromal voi olla estetty
Kai ruavon tulokset hävitäh loppies, ku käyttäi ei tahtone libo maltane niilöi tallendua
Ohjelmat ruatah hillembah migu kovalevylpäi, sendäh ku luvendu cdromalpäi on hillembi migu kovalevylpäi.

Live-cdromas voi luadie live-mustopuikkozen - ohjehet on kirjutettu cdromale. Se on raviembi da sille voi ruavon tuloksii tallenduagi. Ga sil voi ohjelmat da tiijot hävittiägi, eigo se ole muga huogei juattavakse.

Tiedokonehen käynnistämine, ku BIOS andanou

Live-cdrom pidäy ličata tiedokoneheh enne tiedokonehen käynniständiä. Ku kai ollou hyvin, ekruanal jiävihes mustu/ruskei "debian gnu/linux" splash-kuva nenga kolmen sekundan peräs linux operuattorusistiemu rubieu käynnistymäh. Kodvan aigua ekruanal vilistäh tekstat, kudamat ozutetan käynnistyndän eistyndiä, kuni nägyvih tulou linuxan ruadostola. Se on tyhjy stola, kudaman taustukuvannu on rattahankeksiiukkozii. Viemäl hiiri ekruanan yläreunah, jiävih käynnistyspanelu. Ku Linux ei ruvenne käynnistymäh, voi olla ku sen voi kohendua muuttamal BIOS-azetuksis käynnistysmeedien valličendua. Enimis tiedokonehis BIOS-azetuksii muuttamah piäzöy painamal F2 nybliä virdunyblän painaldannan aigah. Men'us pidäy vallita Boot da ielleh panna meedien luvendujälletyksekse 1) cd/dvd 2) irroitettavu mustovehkeh (mustopuikko) 3) kovalevy, ku voinnou. Tämä ei muuta tiedokonehen normualua käynnistysty: konzu cdromua ei ole azemas eigo mustopuikkuo ole kiini konehes, se rubieu kaččomah kovalevyy, kudamal koneheh azendettu operuattorusistiemu on tallendettu. Kuvas on ozutettu BIOSan ekruanu, kudamas luvendujälletys vallitah.

Ruadostola

Tiedotehniekku-cdroman ruadostola on minimualine. X-window graafizen käyttöliittymän piäl on Openbox ikkunmanageru da sen piäl vie tint2 panelu, kudamal on joukko ohjelmunyblii.

Kuvas yläreunas nägyy panelu, ekruanan keskel on kaksi käynnistettyy ohjelmua. Panelas huralpäi oigiele voi nähtä:

Panelan huras reunas on men'unybly. Se tuou nägyvih ohjelmuluokkii da men'urivin painamine tuo nägyvih joukon ohjelmii, kudamii hiirel painaldamal voi käynnistiä. Menun sežo suau nägyvih painaldamal hiiren oigiedu nybliä kustahto ekruanal.
Panelan toine ikonaine salbuau linuxan da tiedokonehen.
Panelan toine ikonaine avua tiijostomanageran pcmanfm, kudaman vuoh voi ečitellä, mittustu tiijostuo tiijostosistiemas on. Avuamal kaksi managerua, voi hiirel siirdiä tiijostoloi paikas toizeh.
Televizor-ikonaine avuau piätehikkunan, kudamas voi suorittua komendoloi. Kuvas nägyy piätehikkun.
Iellehpäi, koivunlehti-ikonaine avuau leafpad tekstuedittoran. (Toizii tekstuedittoroi, jed, vi da nano voi käyttiä piätehikkunas.)
Näppäimistön kuva avuau virtualizen näppäimistön. Sie voi vallita eri kielizii näppäimistölöi.
Alfa-kirjain kirjuttimenke avuau abiword tekstankäzittelyn.
Xfig-on tehnilline piirdo-ohjelmu.
Kistin kuva avuau yksinkerdazen gpaint pikselukartu piirdo-ohjelman.
Koiru kisti suus avua kehitynnyön gimp kuvaedittoran.
Taulukko piiraidiagrammanke avuau gnumeric taulukkočotaičendan.
Pordimoi muamiäčyn piäl on iceweasel alias firefox livain.
Kyzymysmerkin tagua löydyy ohjehii Bluetooth-yhtevyksien da live-puikkozen luajindah.
Tyttözen kuva (opastajat.net:aspäi) ezittelöy, mittustu syväindyö cdromal löydyy - men'uspäigi niilöih piäzöy.
Ielleh oigiele nävytäh avatut soveldukset, kuvas piätehikkunan da pcmanfm:n ikonazet.
Oigies reunas ezmäi nägyy kaksi televizorua - sil nybläl voi avata WiFi yhtevyön Internettah.
Flagul voi vaihtua näppäimistöjälletyksen suomi, usa libo ven'a. Suomelazel da amerikkalazel näppäimistöl voi luadie kirjaimet čšžäö painamal AltGr da senke cszoa.
Protsentat kerrotah, täyzigo on batarei. Ku koneh ei olle kiini verkos, al nägyy jällelolii ruadoaigu.
Oigies nägyy aigu da päivy. Sidä kohtua painaldamal tulou nägyvih kalendari.

Soveldukset

Ruadostolan kohtas jo sellitettih erähii sovelduksii, kudamii cdromal on. Terväzeh sanojen cdromal on enimät soveldukset midä tavalline ristikanzu tarviččou. Sovelduksii ollah

Edittorat leafpad, jed (kui emacs), nano da vi. Leafpad on yksinkerdaine edittoru, a senke voi kirjuttua karjalakse. Senke tekstua voi ekruanal kirjuttua suurennugi. (Tiettäväine pidäy mustua, ku edittoral kirjutettu tekstu on muodoilematoindu, tiijostoh tallendettu tekstu ei ole suurdu libo piendy, se on vai kirjaimii jällekkäi.) Jed:as voi emacs:an jyttyö miäritellä makroloi.
Abiword on tekstankäzittelyohjelmu, kudamal voi kirjuttua muodoiltuu tekstua. Se voi lugie da kirjuttua Word-dokumentoi. Men'ulois ei nävy, a piätehikkunoin kauti voi käyttiä LaTeX tehnillizen tekstan lad'd'uanduohjelmua. Senke olen ičegi kirjuttanuh tukun kniigoi.
Gimp on aiga tävvelline kuvankäzittelyohjelmu. Perusoperatsiet voi tervähgi opastuo, a kaikkien foukussiloin opastumizeh igä ei tävvy. Xfig ohjelmal voi luadie monimutkaziigi piirroksii. Kuvii voi kaččuo feh-ohjelmal.
Xpdf ohjelmal voi kaččuo pdf-tiijostoloi, kui i gv ohjelmal kudamal sežo voi kaččuo Postscipt tiijostoloi. Skanniruittuloi djvu-dokumentoi voi kaččuo djview ohjelmal (kui i livaimel, kudamas on djvu-plugin).
Gnumeric on pättävy taulukkočotaičenduohjelmu da sqlite on sql-tiedokandu, kudamua voi kaččuo sqlitebrowser livaimel.
Tiijostoloin siirdelyh on gftp pättävy ohjelmu. Livaimennu on firefox, kudai Debian-Linuxas tundietah nimel iceweasel. Tiedotehniekku-cdroman firefoxah on valmehekse azendettu java da djvu pluginat, kudamii tarvitah al luveteldavis opastussyväindölöis.
mountpy da umountpy ohjelmil tiedokonehen mustovehkehet voi avata kirjuttamizeh niškoi da salvata kirjuttamizen jälgeh.
Enimis linuxois, mugai täs, tulou keral Python ohjelmoindukieli.

Unixan tabah tieduo ohjelmien käytös on manualisivuloil. Ezimerkikse feh ohjelmas suat tieduo kirjuttamal man feh piätehikkunas.

Karjalankielisty syväindyö

Tiedotehniekku-cdromal on vägi äijy karjalankielisty syväindyö, semmite karjalan kielen opastundumaterjualua. Nengomua on:

Gilojeva, Rudakova: Livvin algukursu. Tävvendetty iäninäyttehil da tiedokonehel tarkastettavil harjoituksil.
Markianova: Karjalan kielioppi. Lyhendetty, tävvendetty tiedokonehel tarkastettavil harjoituksil (kačo kuvua)
riputandupačas sanakiza da samansizäldöine kuvasanakniigu
tukku erilazii kieliharjoituksii
Karjalan paikannimet javascript sovelduksenke

Kirjutuksii on kolmes tukus, enämbi 6500 sivuu:

Kieliopit (djvu-formuatas)

Genetz: Tutkimus Venäjän Karjalan kielestä. 254 s.
Genetz: Tutkimus Aunuksen kielestä. 194 s,
Ahtia: Karjalan kielioppi. 144 s.
Бубрих: Грамматика карельского языка. 79 s.
Анисимов: Карельскоин киелен грамматика. 157 s.
Ригоев, Сергеев: Карельскойн киэлен грамматика, II, 151 s.
Virtaranta: Haljärven lyydiläismurteen muoto-oppia, 183 s.
Markianova: Karjalan kielioppi, 293 s.
Zaikov: Karjalan kielioppi, 207 s.

Muudu kirjua (djvu-formuatas)

Ojansuu: Karjalan kielen opas. 129 s.
Härkönen: Laululoi anukselazil. 229 s.
Ahtia: Rahvahan kandeleh. Karjalan lauluo, virttä, suarnoa da tieduo. 141 s.
Ahtia: Vieron virret. 229 s.
Leskinen: Karjalan kielen näytteitä I. 165 s.
Leskinen: Karjalan kielen näytteitä II. 145 s.
Leskinen: Karjalan kielen näytteitä III. 202 s.
Beljakov, Gribkov, Smirnov, Smirnova: Ruamma urhakaldi. 286 s.
Miloradova: Bukvari. 64 s.
Miloradova, Smirnov: Karielan kielen ucebnikka_alguškolalla. 52 s.
Beljakov, Bubrih: Karielan kielen ucebnikka alguškolalla varoin. 71 s.
Neverov: Pikkarazet raskuazat. 32 s.
Perro: Šuarnat. 29 s.
Andersen: Tuhmapäivälline utjane. 30 s. L
Шестаков: СССР:н историэн лухут курса. 248 s.
Шестаков: СССР:н историэн лухут курса. Kuvat da kartat.
Фокин et al.: Кариелан киелен учебникка. 94 s.
Киселев: Алгебра. 130 s.
Барков et al.: Физической география. 150 s.
Иванов: Муан чуастилоин география. 228 s.
Тетюрев: Эстествознания. Ензимане чуасти. 84 s.
Тетюрев: Эстествознания. Тойне чуасти, 120 s.
Анисимов: Буквари. 105 s.
Фортунатова: Лувенда книйга, ензимане оза, 104 s.
Терехова, Эрдели :География. 146 s.
Карельскойн АССР Наркомпроса: Карельскойн киэлен программа. 36 s.
Смирнова: Лувенда книйга, тойне чуасти. 105 s.
Дудкиина: Лувенда книйга, колмас чуасти. 104 s.
Смирнова: Лувенда книйга, неллас чуасти. 154 s.
Дисней: Колме поччистя. 32 s.
Гауфф: Пиккаране Мук. 28 s.
Свифт: Гулливер лиллипутойн луона. 64 s.
Белова (toim.): Карелиян рахвахан суарнат. 175 s.
Чуковский: Доухтури Аикибие. 136 s.
Кассиль: Вилу Йиапала. 25 s.
Мамин-Сибиряк: Аленушкан суарнат. 39 s.
Рыклин: Храбнойх пограничникках Карацупах и ханен миелевах Индус коирах нах. 26 s.
Чехов: Каштанка. 55 s.
Афанасьев: Царевна лотто. 13 s.
D.Erde: Pistyh nouzendah. 63 s
Маяковский: Кенена олла. 14 s.
Горкий: Макар Чудра. 27 s.
Горкий: Зазубрина. 22 s.
Булатов: Венялайзет рахвахан суарнат. 119 s.
Тургенев: Муму. 33 s.
Пушкин: Туху. 24 s.
Толстой: Расскуазат жийваттойх нах. 47 s.
Катаев: Мие - руадаян рахван пойга. 113 s.
Харрис: Дядя Римусан суарнат. 136 s.
Молотов: Советскойн Союзан внешнейх политикках нах. 32 s.
Бубрих: Происхождение карельского_народа. 53 s.

Kirillizes latinalazeh kirjaimikkoh translitteroittuu kirjua (html)

Čukovskij: Douhturi Ajkibiè. 137 s.
Disnej: Kolme poččista. 32 s.
Karjalazet sananpolvet.
Belova: Karjalan rahvahan suarnat. 175 s.
Molotov: Sovestkojn Sojuzan vnešnejh politikkah näh. 32 s.