Karjala, kuibo ielleh?
Puoletah sinun poijat,
Hävitäh sinun hierut.
Ken nygöi omal kielel
Tuatanke tarattau?
Kenbo täl uvvel aijal
Tänäpäi, huomei, aiven
Oman rahvahan pajuo
Muamanke pajattau?
Sygyzy kätty andau
Kurgiloi siivet kandau
Loitokse omas rannas
Lennetäh nygöi hyö.
Keviäl järilleh tullah,
Siivet myös heidy tuvvah.
Tullahgo hieruh poijat?
Näimmögo heidy myö?
Mikse on ainos atkal
Kaimata kurgiloi matkah?
Karjala, kuibo ielleh?
Sinus vai meijän huolet.
Kunnebo matku sinun?
Midä tiä rodieu huomei?
Kurret ei vaihteta muadu,
Eigo muuteta iändy.
Muaman da oman muan kieldy
Lähtiego eččimäh Suomeh?
18.09.2010
Zinaida Dubinina