OM-testan testiiruiččijale

OM-testu on yksinkerdaine, yhtelläh tovelline karjalan kielen luvendumalton da ellendyksen testu. A sil on arvuo vaiku sil ehtol, ku testu pietäh kaikile tarkah standartan mugah.
  1. Tämän testan tarkoituksennu on kuhkuttua lugemah karjalan kielel da löydiä uuzii lugijoi Omua Mua -gazietale da toizile karjalankielizile julgavoloile.
  2. Testiiruiččijal pidäy kuitahto tovestua oma kielenmalto OM-testan koordinuattorale, kudai on Karjalan Kielen Koin emändy. Nenga häi voi suaha koordinuattoran allekirjutettuloi kunnivokirjazii testas läbipiässyzile annettavakse. Suomes kunnivokirjazii da materjualoi voi kyzyö Martti Penttozel (tf. +358 45 1372486).
  3. Testiiruiččijal pidäs olla keral tukku koupieloi (bumuagal libo tiedokonehel) vereksen Oma Mua lehten kirjutuksis, kudamii kandiduattu tovennägözesti ei ole edukädeh harjoitelluh. (Lyydin, tverin da suvikarjalan kohtal pidäy duumaija kus löydiä pättäviä kirjutustu.) Tekstan piduhus pidäs olla nenga 1000 kirjaindu, libo vajai Oma Mua lehten palstu.
  4. Kandiduatan pidäs maltua se lugie kudakui sulavah da kudakui putilleh iändiä nenga ku luvendu olis hyvin ellendettäviä.
  5. Kandiduatan pidäs maltua oigein vastailla puolehkymmeneh syväindyö koskijah kyzymykseh da nenga tovestua ellendämine. Ihan jogahistu sanua ei vältämättäh tarviče ellendiä, ga uuttuhäi opastutah lugemal.
  6. Testas ei sua käyttiä sanakirjua libo muudu abuvälinehty libo abuniekkua. Testah ei pidäs mennä aigua enämbi nelländesčuassuu.
  7. Ku kandiduattu lugenou da ellendänöy hyväksyttävästi, testiiruiččii kirjuttau hänen nimen kunnivokirjazeh da allekirjuttau sen. Sit pidäy kyzyö, tahtougo häi Oman Muan pdf-lehtenny vai bumuagulehtitukunnu, libo muudu julgavuo, da ozutehtiijot, ankiettu tämän sivun lopus.
  8. Ku kandiduattu ei piässe läbi testas, hänele voibi andua testutekstan da kirjaimikkokartin da kuhkuttua ielleh opastumah.
  9. Testiiruiččii työndäy tiijot testas läbipiässyzis Karjalan Kielen Kodih, oz.
    Республика Карелия 186143 Пряжинский район с. Ведлозеро ул. Советская, 8
    Suomes tiijot voi työndiä Martti Penttozele (tf. piäl).
Palkindokse tahton: ( ) Oma Mua pdf-lehten; ( ) Oma Mua bumuagulehten; ( ) muun julgavon

Adressitiijot: Sähköpoštu libo poštuadressi vältämätöi, telefon fakul'tativnoi:

Nimi: __________________________________________________________________

Sähköpoštu: ____________________________________________________________

Poštu: _________________________________________________________________

Telefon: _______________________________

Tämä lippuine työnnetäh Karjalan Kielen Kodih da siepäi ielleh.