Pidäygo karjalankielisty forumua?
Valvoi: verkomuagari
Re: Pidäygo karjalankielisty forumua?
Ziäli olizi foruma salbavua. Nygöi olizi hyvä jogahizen koheta, i algua toven tevol kirjuttamah. Onhäi tämä foruma ainavoluaduine, tahtomme taki sil jatkumistu? Ga tiettäväine jogahizel omat ruadot on i monenmostu hommua, vai onhäi vihmupäiviigi...
Re: Pidäygo karjalankielisty forumua?
Muga, ylen žiäli ollus hyviä forumua salbavua, hos vähäzeh kirjuttajua ongi olluh Ylen äijäl toivon gu kandujäzenii kudakus löydynys..
Re: Pidäygo karjalankielisty forumua?
Terveh! A voi voi, olis ylen žiäli gu forumu salbavuttas. Minä olen nygöi uuzi kirjuttai da tahtozin opastuo karjalan kieldy täh tabah. Prostikkua minuu gu minä en vie malta hyvin kieldy.
- ylläpidäi
- Ylläpitäjä
- Viestit: 103
- Liittyi: 05 08 2008, 19:30
Kezäkuun 2010 statistiekku
Kezäkuun statistiekku:
forumua lugiettu 1284 kerdua
forumale kirjutettu 35 kerdua
kirjuttajua (minuttah) Suomes da Ven'al 9+0
Palkindokse uskaldettu P. Sem'onov: Rodinjärvi (Vallitut kerdomukset) puutui Pekoile.
Tämän vuozi tagaperin alletun teeman kirjutuksien mugah kaikin tahtotah ku toizet kirjutettas forumale. Täs kuus "ollago libo ei" tilandehes kaikin ollah kirjutettugi, a kunne lienne kogonah hävitty Ven'an karjalazet? Puolen kuudu tagaperin ehtotin, ku jäzenet ruvettas "kandujäzenikse", kuduat kirjutetah hos kerran kuus, sikse ku joga nedälii forumal olis hos vähä uuttu. Ei kuhkuta uuzii jäzenii, ku nedäli nedälin peräh forumu ozutahes ihan samale, vie pahembi ku sie möllöttäy vaiku yksi mp libo ylläpidäi. Viestilöis ellendin, ku Maria, Ruisräkäččy da Pedrunnybly uskaldettih ruveta kandujäzenikse, niken muu?
Minul ičel sananvällytty on forumattahgi. Oma Mua on hyvin jullannuh minun kirjutuksii da opastajat.net sivustolegi minul on ylläpidäjän valdu kirjuttua. A kuibo toizet? Hyväs mieles olen kaččonuh, ku uvvet kirjuttajat kyzytäh andiekse kielenmaltuo, a kuukauzi kuukavven jälgeh ainos vai parembi kirjutetah. Vuotan ku heinykuus tänne kirjutettas foruman roulis muudugi ku vaiku "pidäy".
forumua lugiettu 1284 kerdua
forumale kirjutettu 35 kerdua
kirjuttajua (minuttah) Suomes da Ven'al 9+0
Palkindokse uskaldettu P. Sem'onov: Rodinjärvi (Vallitut kerdomukset) puutui Pekoile.
Tämän vuozi tagaperin alletun teeman kirjutuksien mugah kaikin tahtotah ku toizet kirjutettas forumale. Täs kuus "ollago libo ei" tilandehes kaikin ollah kirjutettugi, a kunne lienne kogonah hävitty Ven'an karjalazet? Puolen kuudu tagaperin ehtotin, ku jäzenet ruvettas "kandujäzenikse", kuduat kirjutetah hos kerran kuus, sikse ku joga nedälii forumal olis hos vähä uuttu. Ei kuhkuta uuzii jäzenii, ku nedäli nedälin peräh forumu ozutahes ihan samale, vie pahembi ku sie möllöttäy vaiku yksi mp libo ylläpidäi. Viestilöis ellendin, ku Maria, Ruisräkäččy da Pedrunnybly uskaldettih ruveta kandujäzenikse, niken muu?
Minul ičel sananvällytty on forumattahgi. Oma Mua on hyvin jullannuh minun kirjutuksii da opastajat.net sivustolegi minul on ylläpidäjän valdu kirjuttua. A kuibo toizet? Hyväs mieles olen kaččonuh, ku uvvet kirjuttajat kyzytäh andiekse kielenmaltuo, a kuukauzi kuukavven jälgeh ainos vai parembi kirjutetah. Vuotan ku heinykuus tänne kirjutettas foruman roulis muudugi ku vaiku "pidäy".
Re: Pidäygo karjalankielisty forumua?
Onnuako Manuttarengi pidäy ruveta kandujäzenekse. Kirjutan sih luaduh gu maltan.
- ylläpidäi
- Ylläpitäjä
- Viestit: 103
- Liittyi: 05 08 2008, 19:30
Re: Pidäygo karjalankielisty forumua?
Rakkahal liziän Manuttaren kandukirjah. Vältämättäh inehmizel, kudual on Hovinahon muldua varbahien välis, pidäy kuuluo kandujäzenih
- ylläpidäi
- Ylläpitäjä
- Viestit: 103
- Liittyi: 05 08 2008, 19:30
Re: Pidäygo karjalankielisty forumua?
Kandujäzenii nygöi on viizi: Ruisräkäččy, Pedrunnybly, Maria, Manutar da AnneMari. Viegi syndys! Kandujäzenys tarkoittau vaiku morualistu uskalmuo kirjuttua joga kuudu. Yhtelläh, hos i kirjutustu ei rubie kuulumah enne kuun loppuu, en rubie työndämäh mototsiklistoin perindytoimistuo kirjutustu ottamah
- ylläpidäi
- Ylläpitäjä
- Viestit: 103
- Liittyi: 05 08 2008, 19:30
Re: Pidäygo karjalankielisty forumua?
Nedälin peräs forumale tulou igiä kaksi vuottu. Pitkin kevätty da vie kezälgi olen ičel da toizilgi kyzellyh, pidäygo loppie forumu ku ei ole kirjuttajua. Opastajat.net sivustuo en duumainnuh loppie, ga sidägi on tarkoitus kehittiä enämbi opastusresursakse migu školien ozuttelukse sendäh ku školasivut on ruvettu vahnenemah - en ole kerrinnyh joga školal uvvelleh ajella da opastajat iče ollah vähä viestii työnnetty. Ga kielen opastujua en voi arbata, kus heidy on. Toinah Sumatran viidakos (džunglas) on brihačču libo neidine, kudai tahtos karjalan kieldy opastuo. Lähimbäl kioskal karjalan opastundukniigua ei myvvä, a Internettua voi kaččuo heinykodazesgi. Sendäh opastundusivuloi tahton kehittiä. Tämä tarkoituksen muuttumine nägyy sivuston ezisivulgi - opastumine nygöi nägyy piälimäzenny. Kävyi mieles moinegi ajatus, ku sivuston nimekse pidäs muuttua "karjalakse.net" ga nimilöin muutokses ainos on se varavo ku endizet net kaimatah da uvvet ei lövvetä.
Forumu on enimyölleh aiga hil'l'u. Karjalan tazavallaspäi ei ole tulluh kirjutustu sulakuun jälgeh, Suomespäi jälgiaijal on tulluh kirjutustu 5-10 kirjuttajalpäi kuus. Foruman lopetandukyzymykseh kaikin vastatah ku ei pie loppie. Sendäh kezäkuul kyzyin, ketbo uskaldetah kirjuttua. Viizi foruman jäzendy ilmoitettihes moizikse "kandujäzenikse", kuduat uskaldetah kirjuttua joga kuudu. Viizi ristikanzua ei ole ylen levei joukko, a vikse ei ole äijiä enämbi mostu ristikanzua, kuduat maltetah karjalan kieldy da Internettua. Egläzen lehten (HS) mugah russian.fi sivuloil on läs kahtukymmendy tuhattu käyttäjiä. Toizet kul'tuurat nägöjäh ollah toizii vägevembät. Ei muga ammui samas lehtes kirjutettih, ku diasporas roinnuot toizen libo kolmanden polven karjalazet kuduat ollah ruvettu "juuriloi eččimäh" da toizii ečitäh facebookas. Eibo olla minun silmih puututtu facebook-joukot, kudamis pagin menis kogonah karjalakse, ei Suomes eigo Karjalan tazavallas.
Foruman sivuloile on suittunuh kirjutustu da linkua, kudamii ei ole olluh tarkoitus hävittiä. Tiettäväine ičekseh kirjuttamine olis kebjiembi mihtah opastajat.net sivuston čuppuh, a kuni kandujäzenet kirjutetah libo vie parembi, ku jiävitähes uvvet kirjuttajat, olgah forumu. Iče en ole facebook-tiippua, minule ičele parembi sobiu kudakui azielline tiijoittamine avvonazel forumal. Olis hyvä, ku KT:sgi olis "korrespondentat", a nikedä käskie et voi kirjuttamah.
Forumu on enimyölleh aiga hil'l'u. Karjalan tazavallaspäi ei ole tulluh kirjutustu sulakuun jälgeh, Suomespäi jälgiaijal on tulluh kirjutustu 5-10 kirjuttajalpäi kuus. Foruman lopetandukyzymykseh kaikin vastatah ku ei pie loppie. Sendäh kezäkuul kyzyin, ketbo uskaldetah kirjuttua. Viizi foruman jäzendy ilmoitettihes moizikse "kandujäzenikse", kuduat uskaldetah kirjuttua joga kuudu. Viizi ristikanzua ei ole ylen levei joukko, a vikse ei ole äijiä enämbi mostu ristikanzua, kuduat maltetah karjalan kieldy da Internettua. Egläzen lehten (HS) mugah russian.fi sivuloil on läs kahtukymmendy tuhattu käyttäjiä. Toizet kul'tuurat nägöjäh ollah toizii vägevembät. Ei muga ammui samas lehtes kirjutettih, ku diasporas roinnuot toizen libo kolmanden polven karjalazet kuduat ollah ruvettu "juuriloi eččimäh" da toizii ečitäh facebookas. Eibo olla minun silmih puututtu facebook-joukot, kudamis pagin menis kogonah karjalakse, ei Suomes eigo Karjalan tazavallas.
Foruman sivuloile on suittunuh kirjutustu da linkua, kudamii ei ole olluh tarkoitus hävittiä. Tiettäväine ičekseh kirjuttamine olis kebjiembi mihtah opastajat.net sivuston čuppuh, a kuni kandujäzenet kirjutetah libo vie parembi, ku jiävitähes uvvet kirjuttajat, olgah forumu. Iče en ole facebook-tiippua, minule ičele parembi sobiu kudakui azielline tiijoittamine avvonazel forumal. Olis hyvä, ku KT:sgi olis "korrespondentat", a nikedä käskie et voi kirjuttamah.
- ylläpidäi
- Ylläpitäjä
- Viestit: 103
- Liittyi: 05 08 2008, 19:30
Re: Pidäygo karjalankielisty forumua
Uudine: forumal tulou kaksi vuottu, da forumu on vie hengis 1. elokuudu 2010.
Tänny aijannu viestii on suittunuh 646 da niidy on kačottu 14274 kerdua. Al on statistiekkua jälgikuukauziloin aijal. Jäzenmiäry toinah vois olla viizikymmendy, ga olen pyhkinyh "zombinnu" net ket ei olla kirjutettu kahteh kuuh.(Sen jälgeh tiettäväine voi registriiruijakseh uvvessas, samal tunnuksel da peittosanalgi.) Läs uskomatoi dielo on, ku registriiruičendan antibot-kyzymyksen jälgeh viagran myöjät kerras da kogonah hävittih - vikse ei ellendetä karjalua libo muite ollah vähä-älyzet eigo tiijetä, mi oli Iivanan poigien tuatan nimi. Taulukos on kirjuttajis enzimäi mainittu Suomespäi da sit Ven'alpäi kirjuttanuot, mp/ylläpidäi ei ole luvus. Hos i kačondumiärät ollahgi kazvettu, jäzen- da kirjuttailuvun mugah foruman hengilangu on hočoi hoikkaine.
Huom. 2011/02 algajen statistiekku siiryy omakse teemakse.
Tänny aijannu viestii on suittunuh 646 da niidy on kačottu 14274 kerdua. Al on statistiekkua jälgikuukauziloin aijal. Jäzenmiäry toinah vois olla viizikymmendy, ga olen pyhkinyh "zombinnu" net ket ei olla kirjutettu kahteh kuuh.(Sen jälgeh tiettäväine voi registriiruijakseh uvvessas, samal tunnuksel da peittosanalgi.) Läs uskomatoi dielo on, ku registriiruičendan antibot-kyzymyksen jälgeh viagran myöjät kerras da kogonah hävittih - vikse ei ellendetä karjalua libo muite ollah vähä-älyzet eigo tiijetä, mi oli Iivanan poigien tuatan nimi. Taulukos on kirjuttajis enzimäi mainittu Suomespäi da sit Ven'alpäi kirjuttanuot, mp/ylläpidäi ei ole luvus. Hos i kačondumiärät ollahgi kazvettu, jäzen- da kirjuttailuvun mugah foruman hengilangu on hočoi hoikkaine.
Koodu: Valliče kai
kuu jäzenii kirjutti kirjutustu kačottu
2011/01 18 10+0 80 4049
2010/12 14 8+0 78 3768
2010/11 15 9+1 94 2453
2010/10 15 7+0 43 2022
2010/09 17 9+1 67 1811
2010/08 17 8+0 82 2130
2010/07 15 7+0 38 1432
2010/06 13 9+0 35 1284
2010/05 26 5+0 28 1328
2010/04 29 5+3 40 1143
2010/03 16 6+0 52 1338
2010/02 15 3+1 43 1026
2010/01 17 >2+2 25 436
2009/12 14 9 44 740
2009/11 14 ? 37 674
Re: Pidäygo karjalankielisty forumua?
Terveh,
tämä forumu on ylen tärgei, vaiku käyttäjii on vähä.
Iče sain tiediä täs forumas tämän vuvven kezäkuus Oma Mua - lehten kauti. Terväzeh työnnin tiijon täs forumas omale rodnále.
Ylläpidäjäl on äijy ruaduo tämän foruman kel. Da tämä forumu vie karjalan kielen kehitysty edehpäi da andau mahtonalazuon kaikile harjavuo kirjuttamah karjalakse.
Passibot ylläpidäjäl,
Olói
tämä forumu on ylen tärgei, vaiku käyttäjii on vähä.
Iče sain tiediä täs forumas tämän vuvven kezäkuus Oma Mua - lehten kauti. Terväzeh työnnin tiijon täs forumas omale rodnále.
Ylläpidäjäl on äijy ruaduo tämän foruman kel. Da tämä forumu vie karjalan kielen kehitysty edehpäi da andau mahtonalazuon kaikile harjavuo kirjuttamah karjalakse.
Passibot ylläpidäjäl,
Olói