Karjalan kielen kodi Vieljärveh?

Täl forumal kirjutetah karjalankielizien yhtistyksien ruavos, karjalakse

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Karjalan kielen kodi Vieljärveh?

Viesti Kirjuttai mp »

Karjalan kielele kodi Vieljärveh?

Suabigo Karjalan kieli koin Vieljärveh? Olga Gokkojeva kučui aktiivizii vieljärveläzii kerähmöh 22.7.2012 panemah alguh moizen projektan. Tuligi rahvastu läs kahtukymmendy, enimät vieljärveläzii da vie erähii Petroskois da Suomespäigi.

Kodi tarkoittau seinii da toimindua seinien sydämes. Seinikse on kačottu endine päivykodi (vie aijembi suudo) joven suus. Tilat ollah hyvät, a kohendettavua on äijy, ezmäi levo. (Kačo kuvat). Kylän piälikkö, karjalaine mužikku, uskaldi kerras kirjuttua Priäžän piirin johtajile, ku taloi virallizesti annettas täh käyttöh - suullizesti jo on uskaldettugi da vie ruadai ku toimindu alganou. Kerähmön mugah kyläl löydyy subbotnikoi (talkooruadajii) kohdendusruadoh, dai Kinnermäin ystävät nevvotah. Materjualoih tiettäväine jengua pidäy.

Midäbo tapahtuu taloin seinis, konzu sinne piäzöy? Kaikenjyttymiä, karjalakse. Voijah pestä sobii, juvva čuajuu, pläššie libo muite jalgoi da käzii oijendella, käyttiä tiedokonehtu da kävvä Internetas, voijah tulla školniekat školan jälgeh lämmäh pertih. Kerähmös vallittih kaksi ruadojoukkuo, toine taloidu kohendamah, toine toimindua suunnittelemah. Pidäy olla ohjelmallistugi toimindua, ezim. kursoi. Tiettäväine kielikursoi, a muudugi: käziruaduo, teatrua, pajuo, tiedokonehen käyttyö da muudu. Talois on tilua, kudamah Suomesgipäi tulijat kursulazet voijah majoittuo kursan aijakse.

Toimindua pidäs kehittiä yhtehizenny ruavonnu Suomen karjalazien ker. Nygöi, konzu Päivännouzu-Suomeh rubie nouzemah karjalazien kodirandualoveh, siegi pidäy ruveta kehittämäh yhtenjyttymiä toimindua kui Vieljärvel da vaihtua maltoloi da kogemuksii kodiloin kesken. Suomes mostu toimindua vois kehittiä KKS:n keskukseh Jovensuus da Nurmeksen Bombah. Suomes karjalan kielen kodirandualovehen perustusbumuagas sanotah, gu muijalgi eläjät karjalazet kannatetah kodirandualovehtu, mugai Karjalan tazavallas eläjät karjalazet ruvetah Vieljärven kodii kannattamah.

Äijän voi ruadua jengattah da jälgimäi kai toimindu, kielen pidäminegi, rippuu omas aktiivizuos. A alguhpanendah, kui i kursiloin pyörittämizeh tarvittas vähä jenguagi. Toivommo lykkyy projektupakičeksele.

Kuva
Kuva

Olói

Re: Karjalan kielen kodi Vieljärveh?

Viesti Kirjuttai Olói »

Ylen suuret passibot ku kirjutit hyvin projektah näh da vie hyvii fotokuviigi panit! Vie suurembat passibot ku tulit ice Kinnermäl da Vieljärvel! Suomespäi vie oli Sanna-Riikka Knuuttila brihacunkel. Hänelgi suuret passibot. Minul oli hyvä mieli ku rahvastu tuli Vieljärvelpäi, Suomespäi, Nuozärvelpäi da Petroskoispäi. Nuori Karjalan paginanvedäigi Alina Chuburova tuli ukonkel. Lena Filippova oli Oma mua-lehtespäi. Mironovan sizärekset oldih vastavukses - toine nygöi eläy Petroskois, toine - Nuozarvel, da avvutetah yksikai omua kieldy da hieruu.

Olói

Re: Karjalan kielen kodi Vieljärveh?

Viesti Kirjuttai Olói »

Ezmäizen subotniekan piemmö Vieljärvel 26.8, tulgua ruadamah da kohendamah karjalan kielen kodii!

Pekoi
Viestit: 356
Liittyi: 18 09 2008, 20:54

Re: Karjalan kielen kodi Vieljärveh?

Viesti Kirjuttai Pekoi »

Ezmäiarrennu kävyimmö Vieljärveh,vai netše kohtas eulluh aigua käyvä.Duumuan,gu levo ollou ezmäne kohendettavu,tiijetähgo pidäygö se riittšie da srojie uuzi vai kui? Tiäpäi äijän varatah netše vahnua "minerit" -levuo,kus sanotah - asbestua äijy on.Netsidä riittšimäh ei pie ruveta.Pikkaraine pölyine gu kouhkoih piässöy - tappau.
Vai n'eruogi löyvämmö gu etšimmö.Lykkyy vai ruadajil da koil!

Olói

Re: Karjalan kielen kodi Vieljärveh?

Viesti Kirjuttai Olói »

Neruo pidäygi löydyö, déngoi materjualah vie kuito lövvämmö, palkkoih on jygiembi löydie. Hyvä olizi suaha rahvastu oman kielen koin kohendamizeh

Käyttäjän avatar
mp
Viestit: 2108
Liittyi: 05 08 2008, 19:45

Re: Karjalan kielen kodi Vieljärveh?

Viesti Kirjuttai mp »

Enzimäine Karjalan Kielen Koin (K3) subotnikku oli 26.8.2012 12-16. Kerävyi paikale Vuhtajoven suuh 19 stahanovilastu udarnikkua sparieliloi da eristyksii riiččimäh, seinyparzii paljastamah da levuo paikkuamah. Ozutihes, ku seiny enimyölleh on terveh, ga erähäs kohtas kabieldi ihan hapannuh. Ruado eistyi hyvin, a tädägi ruaduo jäi vie toizeh subotnikkah 16.9. 12 čuasul. Pagin subotnikas meni karjalakse.

Levobriguadas ruadoi kyläpiälikkö valgies pindžakos.
Kuva
opastajat.net:gi ruadoi subotnikas
Kuva
Puolivälis aigua ruadorahvas kerävyi čuajule. Arbajazetgi oli
Kuva
Ongo Tahvana talois vai murennammogo päčin?
Kuva
Hyviä vai hapannuttu?
Kuva

Olói

Re: Karjalan kielen kodi Vieljärveh?

Viesti Kirjuttai Olói »

Käimmö Martti Penttozen kel subotniekal. Suuret passibot Martile ku sain hänen kel tulla Kinnermäl da järilleh Kuopioh. Subotniekku meni ylen hyvin. Rahvas uskou Karjalan kielen kodi-projektah da tahtou omua kieldy säilyttiä. Subotniekal sai kuulta karjalan kieldy da vie hyvii paginoi. Karjalazethäi ku kerävytäh yhteh sit ei pie nimittustu kultuuruprogruammua, pidäy vai kuccuo tutkii keral, kudai kirjuttau mustoh kaikkii paginoi.

Käyttäjän avatar
mp
Viestit: 2108
Liittyi: 05 08 2008, 19:45

Re: Karjalan kielen kodi Vieljärveh?

Viesti Kirjuttai mp »

Toizeh subotnikkah 16.9.2012 rahvastu tuli kuvas čotaijen ei vähembi 21, hos erähät kyläläzet vikse oldih pahoi ellendetty da uskaldetah tulla nedälin peräs. Levobriguadu kudakui endine, riičindybriguadas rahvas lizeni, transportubriguadu enämbäl vaihtui, kui i syömisbriguadu. Subotnikku keskityi ruadoh, kaččelu jäi vähembäle. Sen verran omil silmil näin, ku levo jo ei pahembi vajata da pahenda kodii. Ulgoseinien sizäpuoli enimyölleh on riičitty parzih sah, ga ei vie ihan kogonah. (Kuvii myöhembi). Vähä vie jäi tädä ruaduo. Sit ku hapannuh pala seiniä on kohendettu da parzii nostettu erähis kohtis, suau jo ruveta ajattelemah valmistumistu da huaveilemah, mis čupus ezmäi algua toimindu. Vieljärven veziviilendys toimi parembi migu elokuul. Kenel himoittau kävvä kaččomas tädä kodii, ozuteh on Sovetskaja uuličču 8, koordinuatat N61.57209 E32.83310.

P.S. Kolmandeh "välisubotniekkah" 23.9. oli tulluh seiččie kylälästy.
Jälgimäi muutti 1 päivänny mp, muutettu kaikkiedah 22 kerdua

Käyttäjän avatar
mp
Viestit: 2108
Liittyi: 05 08 2008, 19:45

Re: Karjalan kielen kodi Vieljärveh?

Viesti Kirjuttai mp »

Kuvii toizes subotnikas:
Kuva
Tagua otetus kuvas nävytäh sen puolen uvvet levolevyt. Koivun tagan olijas kohtas seiniä pidäy nostua.
Kuva
Täsgi čuppupertin kuvas nägyy ku seinyparret ollah hyväkundozet, hos eristykset da sparielit oldih pahas kunnos.
Kuva
Ruadorahvas čuajun jälgeh.

Pedrunnybly

Re: Karjalan kielen kodi Vieljärveh?

Viesti Kirjuttai Pedrunnybly »

Moloccat oletto, ruadorahvahat, maltajat! :D I vie kyläpiälikkögi tahtoi teijänke ruadua - tiä nikonzu et nengomastu sua nähtä...

BUTTON_POST_REPLY