Oma kieli kul'tuuruozutuksis

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Oma kieli kul'tuuruozutuksis

Viesti Kirjuttai mp »

Puutui minule kävvä Keziäjäine (?) horan konsertah 13.11. Petroskois, passibo kunnivoitetule ystäväle kudai sinne minuu juohatti. Pajatettih vahnua da uuttu pajuo da ozutettih Brendojevan "Kaglakkai istundu", ylen minuu miellytettih. Oli pajattajis nuorembuagi, ruadoigähisty ristikanzua. Pajot da ozutelmu mendih karjalakse, a sen jälgeh hyvittely- da muut paginat enimyölleh ven'akse. (Pidäy mainita, P. Sem'onov da P. Zaikov saneltih omat hyvittelyt karjalakse.)

Kuibo tämän olis ellendännyh Mars-planietal tulluh tutkii, ken ečč­iy älyllisty elostu Muan piäl? (Minun oma nimigi Marsah viittuau.) Karjalankielizet pajot da ozutelmu oldih kui ozutteluezinehet kudamii kač­ottih ven'ankielizes tovellizuospäi. Pajattajat ič­e libo ei maltettu karjalan kieldy libo sulettih kaččomos istunnuon ministran nähtyy da unohtettih oma kieli?

Minun mieles moizes kielipruazniekas välttämättäh ozutuksien da paginoin pidäs mennä omal kielel, ku se ollou arvos. Ku tullou tärgiedy erikielisty gost'ua, pidäs käyttiä tulkii. Mugai gostien paginat pidäs tulkita omale kielele. Sit minägi ellendännyzin.

ozakas

Re: Oma kieli kul'tuuruozutuksis

Viesti Kirjuttai ozakas »

Olen ihan samua mieldy kirjuttajan kel. Meile karjalazil pidas joga kohtas kaccomattah sih, ongo sie keda muudu rahvastu paista tah kieleh. Eihai minun tuatto minun ven'alazen muaman kel paissuh ven'ua da sit jo muamo meijan suaduu meijanke ven'akse, a pagizi vaiku karjalakse, da nygoi ezimerkikse Marih mendyy, marilazet opitah vai omal kielel paista, mugai meile pidas tuaste harjavuo omal kielel paista, hos ylen aijal meidy vieraitettih tas. Hyvat rahvas, oppiet vai ice ruveta pagizemah karjalkse, sit kacot i ymbari olijat ruvetah meidy vie enambal kunnivoimah dai heile roihes himo opatuo meijan kieldy.

ozakas

Re: Oma kieli kul'tuuruozutuksis

Viesti Kirjuttai ozakas »

31. pakkaskuudu Petroskois oli pietty Paras tazavallan karjalaine da vepsalaine pereh. Kilbah yhtyttih perehet seicces Karjalan Tazavallan piiris. Perehet jo edukadeh varustuttihes: ommeltih, poimittih, nieglottih, kuvottih, tuodih kilbah tukun kaiken ualastu comua sobua. Ehki mittuzet comat, nerokkahat ollah meijan karjalazet da vepsalazet naizet, joga ruadoine kais pyzyy, ukko dai lapset kunnos ollah, a ice meijan naizet ollah pippurin jyvazii.
Tal kerdua voittajakse rodih Heinozien pereh Sellispai Anuksen piiris, padoy perehen izandal gu hanen mucoil riehtil ramizoy, a poijat - raviet brihat kai kylaruavot maltetah dai karjalua ellendetah.
Kai oli hyva sina pian vai yksi tusku jai, gu emmo myo karjalazet viekse ylen aijal toine tostu suvaice, hos meidy nappine jai. Kilban kaccoju suomelaisugrilazeh skolah tuli pikoi vahaine, passibo heile, gu kai hommat hyllattih da tuldih, a kilbuniekoil oli ylen targei gu heidy kannatetah, gu hyo ollah oigiel tiel, gu harjatetah lapsii muaman kieleh. sit i duumaikkua ken on tas viary vallasolijat vai hevolajajat, da tovengo myo tahtommo gu karjalan rahavahal olis tulii aigu, omii lapsirukkii myo vikse emmo tahto hyval sanal kannatua.

BUTTON_POST_REPLY