Kinnermy tukkunah ei palannuh!

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Kinnermy tukkunah ei palannuh!

Viesti Kirjuttai mp »

Kinnermy ei tukkunah palannuh da on hil'l'akkazeh piäzemäs normal'noih tilah, hos ei ihan endizeh. Kyläs viegi kävyy čiistijöi, vikse Vieljärven hallindon työttylöi, kačo kuvii da kuvien sellityksii:

Kuva
Kinnermän rahvahalline uinduallikko / sanuakuulemattomien lapsien upotuskohtu

Kuva
Tämä aittu jäi poltamattah.

Kuva
Täs oli poltettavu kodi.

Kuva
Kuva Pannilan suundahpäi. Hurual oli poltettavu sivuhuonus, käymäl jäi poltamattah.

Kuva
Käymäl, tagan nägyy vähäzen dorogua.

Kuva
Dorogu poltettavas agjaspäi keskikyläle. Tagan nägyy Kinnermy 17 seinyčomenduksienke.

Kuva
Toppua jäi. VIkse Mihalkov ei joudannuh niilöi keriämäh. Tämä on doroguoja poltetun koin da allikon välis.

Kuva
Nengomua toppua on suurel alal. Tämä eihäi ole ainavoluadustu Ven'al. Vieljärven keskučasgi paikoitellen on enämbigi, ga enne täs ei olluh.

Kuva
Tämä kuva on otettu randah vedäjäl dorogal. Hurual Nad'an hotelli. Tagan, časounan oigiel puolel on Van'an kodi, kudaman levuo helikopteru murendi. Se kohendettih jo nedäli polton jälgeh.

Kuva
Kuvas oigiel nägyy heinykubo, kudamii mindählienne luajittih moneh kohtah, happanemah. Vikse fil'manluadijoin mieles jälgehjiännyzis kylis nengomii pidäy olla. Doroguvarres nägyy vahnu kaivo. Peškumätäs juuri tuodih uvven kaivon srojindah niškoi.

Kuva
Poltetun bokkuhuonuksen ymbäril on muadu kuorittu. Pidäs erähien sotkien ala tazoitella, ku meinatanneh iellehgi peldonnu käyttiä.

Kuva
Vahnan kyläläzien yhtehizen kaivon sijah rodih 5.9.2019 uuzi kaivo. Se oli onnuako Vieljärven hallindon hyvittelylahju kyläläzile.

Käyttäjän avatar
mp
Viestit: 2108
Liittyi: 05 08 2008, 19:45

Re: Kinnermy tukkunah ei palannuh!

Viesti Kirjuttai mp »

Tilandeh 23.9. Allikko endizelleh, kodiloin poltopaikal palamattomat puut kabrastettu, sarai da käymäl endizelläh, topat dorogal da ojas endizelläh, heinykuvot endizelläh, uvves kaivos väliaigaine kanzi, Van'a-diädön levo toizel puolelgi oli kohendettu, vihmal oli vajatannuh, Kinnermy 10:n da Kinnermy 17:n "čomendukset" ozittain vie paikallah, ku čiistindy on vie kesken. Ku moskovalazil kinon luadijoil onnuako jo ei ole inressua sih hommah, pidäsgo kuhkutusdengoi suannuzien kyläläzien Vieljärven piämiehen ottavuo kylän čiistindäh?

BUTTON_POST_REPLY