ystävystestu

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2105
Liittyi: 05 08 2008, 19:45

ystävystestu

Viesti Kirjuttai mp »

Kirjutan nämii rivilöi Petroskoispäi Karjalazien VIII kerähmöspäi. Kerähmö on mennyh tavallizeh tabah. Päivän lopukse yksi paginanvedäjis kyzyi, voisgo vie piättiä, ket lähtietäh kezäl Lahtes piettäväh suomelas-ugrilazien rahvahien muailmankonferensieh. Häi sanoi ku tazavallan halličus on uskaldanuh maksua viijen edustajan kai matkukulut. Sit häi kuvaili, mittuzii ominazuksii edustajil pidäs olla, da lopukse sanoi plakkai viizi nimie ket hänen mieles sinne pidäi työndiä. Sen arbuatto, midä sit tapahtui. Juohtui mieleh suarnu, kui koirat perustettih Ystävyön Kluubu. Sie ylistettih mittuine hyvä dielo on ystävys, kui ozakkahat ollah net kel on ystävii. A sit ken lienne kadal lykkäi luun heijän keskeh.

Maria

Re: ystävystestu

Viesti Kirjuttai Maria »

Äijätgo paginat sie piettih karjalakse?

Käyttäjän avatar
mp
Viestit: 2105
Liittyi: 05 08 2008, 19:45

Re: ystävystestu

Viesti Kirjuttai mp »

Toinah puolikse ven'ua, puolikse karjalua. Herroin paginat da virrallizet dielot ven'akse, "karjalazil ainos vai parembi mennäh dielot". Rahvahan paginat karjalakse: "ainos vai pahembi, karjalan kielen opastandu luajitah mahtottomakse i m.i." Jälgimäzien paginat uskottavembat. Moskovu ahtistelou. Kirjutan vähäzen liziä konzu kergien.

BUTTON_POST_REPLY