Suomelane gaziettu kylviä defaitizmua karjalazih

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
muakondii

Suomelane gaziettu kylviä defaitizmua karjalazih

Viesti Kirjuttai muakondii »

http://www.hs.fi/ulkomaat/a1436934011806
Midäbo on "defaitizmu"?
Karjalazes Wikipediis ( https://incubator.wikimedia.org/wiki/Wp ... %C3%A4sivu ) ei ole sellitysty, suomelazes sanotah nenga:
https://fi.wikipedia.org/wiki/Defaitismi

Käyttäjän avatar
mp
Viestit: 2108
Liittyi: 05 08 2008, 19:45

Re: Suomelane gaziettu kylviä defaitizmua karjalazih

Viesti Kirjuttai mp »

Jygeihäi sidä kirjutustu oli lugie. Suomelaine kaččou karjalastu ainos suomelazil očkil, ezimerkikse häi kuulou karjalan kieles vaikuttehii päivännouzusuomen murdehis - ei toizinpäi, da pagizutettavu ihailou suomie, eigo ellendä mindäh bunukku opastui yliopistos karjalan kieldy. Toivottavasti toimittau azettuu kodimatkal Vieljärves da suau pagizutettavaksi toizinduumaiččijoi buaboloigi. Helsingin Sanomis oli 11.7. saman toimittajan kirjutus Petroskoispäi, kudaman teemannu oli Nuori Karjala yhtistyksen panemine ulgomuan agentakse, kudamas ozutettih Mirja Hotejevan opastustu Lumikellozes da pagizutettih Natalja Antonovua. Tavallah samua juttučieppii on HS:n kirjutus 19.3. kudamas Nikolai Patrušev varaittau suomelazis natsionalistois da revanšistois. Ga aforizman mugah vaiku mieletöi rubieu pagizemah sormes, konzu ozutat sormel kuudamua. Libo sidä, ku ei pie ambuo pahan viestin tuojua. Mi täs on tagan? Nuožarven buaban pagizuttelusgi se sanotah ku vahnembii kiellettih opastamas lapsile karjalan kieldy, ven'a on dorogu parembah elämäh. Buabogi ellendi vallan viestin: opastamal lapsile karjalan kielen luajitto pillan, ku valdu yhtellä ei suvaiče sidä kieldy, karjalazen pidäy ruveta ven'alazekse. Patruševan paginat liitytäh sih, ku Kijev oppiu piästä välläle Moskovan vallaspäi, vähembistöt da Nuori Karjala maksetah sit hindua.

Sinilind

Re: Suomelane gaziettu kylviä defaitizmua karjalazih

Viesti Kirjuttai Sinilind »

Toimittajan pidäs čusvuija omua vastuttu da tarkah duumaija, mih tabah da mis perspektiivas kirjuttau. Ku stokanas ollou maiduo viizikymmen protsentua, ongo se puolekse täyzi libo puolekse tyhjy? Ongo kieli läs kuolluh libo vie elos? Nygöi kirjutus andau kuvan, ku kieli viruu surman pardahal; terväzeh kuolou, nimidä et voi ruadua. Uudizes eulluh niyhty sanastu 25-vuodehizeh elävytändyruadoh näh. Ku ken ei moizes ruavos tiedäne, suannougo kirjutukses tovellizen kuvan kielen tilandehes? Motiviiruiččougo nostattamah kieldy?

Tämä muakondien mainittu defaitizmu on ylen paha. Sidä myrkyy syödyy hulluat, eigo nimin nimes pidäs sidä toizile tarita, ei kylviä omah eigo susiedan peldoh. Sežo ei pidäs ruveta kahten ristikanzan pagizuttelun pohjalpäi kielen hiästymisty suuriman suomelazen gazietan sivuloil rubriekas kirgumah. Kirjutushäi enämbi koskou ihan muudu, migu kielen tovellizen tilandehen sellittämisty.

Ga kirjutukses nägyy kieliruavon suuri probliemu. Kui buabo, mugai bunukku gor’uiččou kielen tilandehtu, da uudizes hedi peräh lugou, opastujat ei paistu karjalakse välläl aijal. Vie sanottih, bunukku allun perin tahtoi ei omua kieldy a suomie opastumah, no ei piässyh. Karjalan kielen tilandehes tulou piäh, buitegu kai karjalazet istutah yhtes venehes, kudai vähin vähäzin täyttyy viel. Erähät pahas mieles lekutetah piädy da sanotah: ”Uskon, veneh uppuou”, toizet — sovvetah da lykitäh vetty liuhuloil venehespäi, ku piästä uppuomattah randassah. Da nygöi vie rannas seizoi susieduhierulaine menöy omah hieruh kerdomah, kui susiedat ollah läs kuolluot. :roll:

Voizihäi toimittajale työndiä viestii, ku kävvä Vieljärves. Ongo HS vie kirjutannuh Karjalan Kielen Kodih näh?

Ola

Re: Suomelane gaziettu kylviä defaitizmua karjalazih

Viesti Kirjuttai Ola »

Karjalazet istutah venehes da vaiku erähät kauhal vetty lykätäh, eiga ole ni yhty kudai jagas kauhoi kaikile da sanoizi kui puaksuh pidäy kauhal vetty lykätä venehespäi. Toizet lykätäh luzikal kerran vuvves, toizet kauhal toici. Toizet ei lykätä nivouse da kirrutah rannal olijale: kaco, olemmo uppuomas, Sinun pidäy suaha meidy randah, ei se ole meijän ruado. Ket kauhal lykätäh keskenäh toratah: pahoi lykkiät da pahoi kauhua piet.
Suomelazet/ven´alazet toimittajat kirjutetah nenga karjalan kielehnäh sissäh kuni ice karjalazet ei lövvetä sobuu keskenäh. Suomen ruocilazis niken ei kirjuta nimidä pahua eiga kielioigevuksii heilpäi niken ei leikkua. Suomen ruocilazet eletähgi pitkembäh sendäh ku yhty pietäh da maltetah keskenäh paista da sobuh piästä.

Käyttäjän avatar
mp
Viestit: 2108
Liittyi: 05 08 2008, 19:45

Re: Suomelane gaziettu kylviä defaitizmua karjalazih

Viesti Kirjuttai mp »

Luvin uvvessah sen kirjutuksen. Minä lövvän kirjutukses kolme roulipersounua. Piärouli on buabal - häi on karjalazuospäi kaččojen hävivönlieččoi, suunnanmiäriäjän edujoukon peräsastui, midä se "edujoukko" tarkoittanougi (hos omua eduu tavoittelijoin oligarkoin joukkuo, kudai miärittelöy midä tarkoittau "patria" - omua kormanii). Hänele suomelazetgi pättäs edujoukokse, tilandehen mugah, a karjalazus joudau hävitä, hos iče ongi parahii karjalaksepagizijoi. Nengomua buabua on äijy - moizen idejolougien kannattamine oli da on kanzalashyve. Bunukan rouli on pragmuattine, kai pädöy, karjalgi, ku vai senke vois menestyö. Toimittai ei tunne dieluo, kudamas kirjuttau, a händy miellyttäy buaban, primitiivizen rodn'an, pagin, kudamas häi nostau suomen karjalua parembakse. Toimittai sežo suau hyvän ezimerkin Ven'an vähembistöpoliitiekas.

Ga ei pie yksitysty ristikanzua suudie, konzu häi oppiu pyzyö hengis - päivittäzis piätöksis leibypala nouzou tärgiembäkse elaijan tolkullizuttu. Mittuzeh por'atkah vähembistön dielot pidäs panna pitkembäs perspektiivas, ajatuksii voi selgendiä ezimerkikse Hintonan (http://opastajat.net/forum/viewtopic.ph ... nton#p3415) tekstal.

Toruandua vältämättäh on, ga pidäs maltua nenga torata, ku se ei passivoiččis. Toratenhäi kai kirjukieletgi ollah roittu. Konzu vähembistö äijäl rubie kučistumah, toizet upotah apaatieh, toizet pilkovutah jyrkymielizikse pellastuskruugoikse. Ga apaaties libo piä hiilavannu, ruavon pidäs jatkuo. Pahal ilmal pertiruadoloi, hyväl ilmal ulgoruadoloi.

BUTTON_POST_REPLY