Päiväine pimenöy 20.3., oletgo valmis?

kuulitgo uudizen, tulijoi tapahtumii, ...

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Päiväine pimenöy 20.3., oletgo valmis?

Viesti Kirjuttai mp »

Ku päiväine pimennöy huomei 20.3.2015, se ei vältämättäh ole muailmanloppu. (Gai eihäi sidägi edukädeh voi tiediä.) Nenga sen pidäs nägyö:
Kuva
Huras kuvas on Kilpisjärven pimendys 94% diametras, keskimbäzes Kuopion nägymy 79% da oigies kuvas Virolahten 76%, suurimas pienimbäh. Meil Kuopios se algavuu 11:05, on pimevin 12:12 da lopeh 13:19. Ravvanjuottajan viziran st'oklan jo ečiin.

Gagarin

Re: Päiväine pimenöy 20.3., oletgo valmis?

Viesti Kirjuttai Gagarin »

Huomei taki i päiväini pastau ga sid suahai sidä oppie kaččuo.

Sinilind

Re: Päiväine pimenöy 20.3., oletgo valmis?

Viesti Kirjuttai Sinilind »

Nygöi mustakkua muumiloin nevvuo da luajikkua ičele kačelendubrujua. Vie ehtiy. Libo ostakkua net mp:n mainitut ravvanjuojan očkat, ku ei olle lazipalastu, kudamas luadie vehkehty. Ga net mustakkua ottua i iäre jälles pimendysty, sendäh ku mustat očkat piäs kai muugi ozuttau tavallistu syngembäkse.

Maria

Re: Päiväine pimenöy 20.3., oletgo valmis?

Viesti Kirjuttai Maria »

Muumiloin nevvoloin vuoh ei pidäs kaččuo, ga kaikenjyttymiä muudu voibi iče varustua, ku suaha nähtä pimendys, ezimerkikse ozuttua kuva bumuagale binoklin vuoh.

Käyttäjän avatar
mp
Viestit: 2108
Liittyi: 05 08 2008, 19:45

Re: Päiväine pimenöy 20.3., oletgo valmis?

Viesti Kirjuttai mp »

Pimeni päiväine ga ozakse täl kerdua vie sytyi uvvessah. Otin kuvua kahtel taval:
a) Panin ravvanjuottajan st'oklan kameran objektiivan edeh. Nenga ei tulluh ihan terävy kuva, kirkas oza suureni da pimendys ozutahes tovellisty vähäzembäl.
b) Čökkäin nieglal loukon kartonah da kačoin da fotokuvain kuvua sanomalehten piäl, muurinpäin. Loukkokamera luadi tovellizemban kuvan pimendyksen suuruos.
Kuva Kuva

Sinilind

Re: Päiväine pimenöy 20.3., oletgo valmis?

Viesti Kirjuttai Sinilind »

Pidigi kyzyö, tuligo muailmanloppuu. Vesselät kuvat, mp! Ozutetah ihan nägymättömän Irvikažin muhelukse.

Päiväzenpimendykses tuli mieleh eräs starin Lönnrotah nähte. Lapis olles kummua kulgijua uskottih koldunakse, eigo hänel olluh nimidä syömisty. Häi kačoi kalenduaras, tulou päiväzenpimendys. A vot, muga tiedovoičči päiväzen iäreh. Hänele kerras uskaldettih syömisty, ku vai andas päiväzen järilleh.

Käyttäjän avatar
mp
Viestit: 2108
Liittyi: 05 08 2008, 19:45

Re: Päiväine pimenöy 20.3., oletgo valmis?

Viesti Kirjuttai mp »

Sinilind kirjutti: Päiväzenpimendykses tuli mieleh eräs starin Lönnrotah nähte. Lapis olles kummua kulgijua uskottih koldunakse, eigo hänel olluh nimidä syömisty. Häi kačoi kalenduaras, tulou päiväzenpimendys. A vot, muga tiedovoičči päiväzen iäreh. Hänele kerras uskaldettih syömisty, ku vai andas päiväzen järilleh.
Onhäi tämä foukussi ennegi tietty: Luka 23:44

Maria

Re: Päiväine pimenöy 20.3., oletgo valmis?

Viesti Kirjuttai Maria »

Minä kačoin päivästy binoklin vuoh kartočkalpäi da kuvuagi sit otin. Ga ei minul ollu nikunne kiinittiä binoklii, sit kartočkua opin panna kunnetah meijän tagapihal, sit toizel käil binoklii pidiä toizel käil kamerua. Ga enhäi dogadinuh ku puolen päivän aigah päiväne pastau muga, ku koivun oksat tullah edeh. Pidi astuo aijan tuakse, ga sie ei olluh nimidä kunne panna kartočkua. Pidi siiričikulgijii kyzyö sidä pidämäh :lol:

Käyttäjän avatar
mp
Viestit: 2108
Liittyi: 05 08 2008, 19:45

Re: Päiväine pimenöy 20.3., oletgo valmis?

Viesti Kirjuttai mp »

Pimendyksien čotaičendas on videokursu opastajat.net:an opastusvideolois, ga tänäpäi on hyvä mustella, kui se on.
Horoskopan lugijat tietäh ku päiväine kävelöy tiähtitaivahal elättiraizivuo myö - se on muan kierdotazo päiväzen ymbäri. Kuun raizivon tazo muan ymbäri on sih nähte vähäzen vil'čallah. Puolen kuudu kuu on elättiraizivon "yläpuolel", puolen kuudu alapuolel.
Pimendys voi tapahtuo vaiku uvven kuun aigah, da vai silloi konzu kuu on nouzemas elättiraizivon yläpuolele libo laskemas sen alapuolele. Aigu uvves kuus uudeh kuuh on 29.530589 päiviä (libo synodinen kuukauzi) da kuun kierdoaigu muan ymbäri (libo raizivoloin leikkavukseh nähte) on 27.212221 päiviä (libo drakonine kuukauzi). Täs voi huomata ku kuukauzi pimendyksen jälgeh uvven kuun aigah kuu ei ole elättiraizivon tazos, a ku čotaičemmo tilandehen 1,2,3,4,5,... synodizen kuukavven peräs, huomuammo, ku 135, 223 da 358 kuunkierron jälgeh uuzi kuu on aiga tarkah elättiraizivon tazos. Nämmii sanotah Tritos, Saros da Inex jaksoloikse. Mesopotamies, kus ISIS nygöi ozuttau omua kul''tuuran tazuo, jo tiettih Saros jakso. Nygöi tiijättö konzu voitto rahvastu pöllästyttiä päiväzen pimendämizel.

Sinilind

Re: Päiväine pimenöy 20.3., oletgo valmis?

Viesti Kirjuttai Sinilind »

Ainos duumaičin, ku päiväzen hubenemizen tagan ollou kenlienne samua roduu olija olendo kui se, kudai joga kuudu i kuudaman reunua jyrziy. A nygöi sie taivahal ongi milienne elättiraiživo, kudamua myö päiväine kävelöy. Ei pidäs ni raiživol kulgie. A gu elättitramvai tulou i ajau viilettäy päiväzes piäliči? Onnuako rodieu kosmiičeskoi omliettu.

BUTTON_POST_REPLY