YLE-uudizet karjalakse

kuulitgo uudizen, tulijoi tapahtumii, ...

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

YLE-uudizet karjalakse

Viesti Kirjuttai mp »

Tänäpäi 27.2.2015 Yle algau työndiä Pohjas-Karjalaspäi uudizii karjalakse, piätenčöin 13:45 da 17:45. Yle Pohjas-Karjalan puaksuvuot ollah 106.9 (Joensuu), 99.6 (Koli), 97.2 (Kiihtelysvaara) da 97.7 MHz (Kerimäki). Muijalgi voi kuunnella internetači ozuttehes http://yle.fi/pohjois-karjala/karjalakse/

Uudizien syväindön toimittau Yle, net kiändäy da lugou Natalja Gilojeva. Uudislähetyksien allandas suammo passiboija Karjalan Kielen Seuran pitkyaigaistu, sitkiedy da heittelemätöindy borčuičendua Ylen johtopordahanke.
Jälgimäi muutti 1 päivänny mp, muutettu kaikkiedah 30 kerdua

Pedrunnybly

Re: YLE-uudizet karjalakse

Viesti Kirjuttai Pedrunnybly »

Tiä on enzimäinen programmu, kuunnelkua vai! http://areena.yle.fi/radio/2680555?post ... 3517359987#_=_

Sinilind

Re: YLE-uudizet karjalakse

Viesti Kirjuttai Sinilind »

Passibo, Karjalan Kielen Seuru!

Kuunnelles duumaičin, ”lugijannu Hiloin Natoi? Eigo olegi Natalja Giloeva?” Sit ellendin. Töhlö minä! :D

Pekoi
Viestit: 356
Liittyi: 18 09 2008, 20:54

Re: YLE-uudizet karjalakse

Viesti Kirjuttai Pekoi »

Probliemoi oli,ga kuulin.Natalja ylen tarkah iändäy!Hyvä,hyvä!
Viestii vai pidäy työndiä kaikil,ku vai ei jiä kuundelemattah!

Pekoi
Viestit: 356
Liittyi: 18 09 2008, 20:54

Re: YLE-uudizet karjalakse

Viesti Kirjuttai Pekoi »

Tänäpäi Uudizet kuulimmo Öllöläsgi! Hyvä,hyvä! Pahavai gu viideh minuuttah nedälis ei äijiä dieluo synnyh.
Nygöi: Pidäy löyhkiä Pohjois-Karjalan radivuo! Työnäkkiä heil icel passibuo!Työnäkkiä YLEle passibuo vai pacitelgua gu ei Helsinkih ajajes eiga muijal Suomes sua kuunelta!

No toven icegi smietin: Nenet uudizet suomekse tiijän ammui,vai hyvä on kuulta karjalakse.Tahtongo kuulta sportua,politiekkua,kultuurua i m.i? Minuu tärgevämbigo on tiäpäi eläjiin tiediä gu moine kieli on? Abo tiäeläjät karjalazet ket ollah Ven´an Karjalaspäi tulluot?
Kenel nämmät uudizet pidäy?
Sanokkua bradanat!Gu piäzemmö yhteh tolkuh rubiemmo yhtes toimittamah.

Käyttäjän avatar
mp
Viestit: 2108
Liittyi: 05 08 2008, 19:45

Re: YLE-uudizet karjalakse

Viesti Kirjuttai mp »

Iče vastuatgi omih kyzymyksih. Karjalazet kuulemmo hyvin lugiettuu karjalua tämän päivän teemois. Ven'an karjalaspäi tulluot suahah kuulta tämän muan uudizii tämän muan tabah, eruo on. Suomelazet suahah kuulta karjalan kieldy. Harvahgo kuulemmo ku ei ole Suomes sen kielen pagizijua, libo sehäi on vaiku suomen murreh libo se on täyzin ellendämätöi.Nygöi se kieli voi petties korvih puuttuo da panou tarkistamah omii varmoi tiedoloi.

Pekoi
Viestit: 356
Liittyi: 18 09 2008, 20:54

Re: YLE-uudizet karjalakse

Viesti Kirjuttai Pekoi »

Sih emmo vastannuh mit pidäy olla uudiziin syväimes."Karjalaziin lugu vähenöy.Kielipezii ei suvaija Karjalan hallindos.Karjalan kielen kodi on nostettu.Veskelykses ylen hyvät rahvas.Uuttu kielikursua Helsinkis,Nurmekses da Priäzäs.Professoru yliopistoh on vallittu.- - -"
Vai pidäygö:Liperin kartohkankazvattajiin tuotokset lizävyttih 4 protsentua vuodeh 2013 näh da puudu viettih UPMKymmeneh sama miäry gu ammuigi? Tuaste upoi kalaniekan motorkelku lambeh.Hukat pahat jo ambuttih,gulaikkuavai rahvas hyväs mieles! :lol:

Pekoi
Viestit: 356
Liittyi: 18 09 2008, 20:54

Re: YLE-uudizet karjalakse

Viesti Kirjuttai Pekoi »

Tänäpäi työnin viestii Pohjois-Karjalan radivoh.Enimyölleh suomekse,a nygöi vaste ellendin,min däh en karjalakse? Olgua voikoimbat!

Sinilind

Re: YLE-uudizet karjalakse

Viesti Kirjuttai Sinilind »

Tottu sanuo, minule enämbäl olis mieldy myö kuulta dieloloi karjalah da Karjalah nähte, migu levoloil pakkujah lumeh libo bandiittuhukkah. Nygöi net ollah vaiku alovehellizet uudizet, a karjalakse, ga kaikin karjalan pagizijat sie ei ni eletä. A onnuako suurindu ozua maltajii interesuijah karjalan kielen tilandeh da Ven’an karjalazien ruavot. Nih nähte vois sanelta, ga sit pidäs iče i toimittua, ei vaiku kiändiä.

Sinilind

Re: YLE-uudizet karjalakse

Viesti Kirjuttai Sinilind »

Kačo vai, unohtin kogonah kirjuttua dielon mindäh avain tieman. Statistiekkua: Enzimäzen nedälin aigua enzimäzii uudiizi kuunneltih läs 1300 kerdua. Nygöi niidy on kuunneltu 1492 kerdua, toizii - 13 kerdua. Uuzi hommu tiettäväine ainos suau huomavuo, a kodvazen mendyy ei ni musteta. Kuibo mondu kerdua kuunnellah nedälin aigannu toizii, kuibo kolmanzii i m.i? Suau nähtä, äijängo rodieu alallistu kuundelijua.

E: Pahoi tänäpäi kirjutan, äijän hairehtu.

BUTTON_POST_REPLY