Grigorjevan kirrahtus

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Grigorjevan kirrahtus

Viesti Kirjuttai mp »

"Maaseudun Tulevaisuus" lehtes 24.10.2014 oli rubrikku "Hädäkirrahtus Karjalaspäi Tuomiojale". Kirrahtai oli "Karjalan kongressu" yhtistyksen paginanvedäi Anatoli Grigojev, kudai on rodužin Lambiselläs. On häi jo äijän kerdua ennegi kirrahtanuh Petroskoin, Moskovan da Helsinkin piämiehile. Täl kerdua viesti algau: "Karjal on läs tävvellizesti ven'alastettu. Spetsial'no pahale tunduu suomenkielizen Carelia lehten kučistamine, toven tovelleh lopettamine." Ielleh häi kirjuttau ku Petroskoin Suomelazen teatran ohjelmistos 80 protsentua on ven'ankielisty. Da "moine poliitiekku ei vastua yleiseuroppalazii arvoloi da normoi, kudamat on lujattu Suomen da Ven'an federatsien allekirjutettulois deklaratsielois." Uudizes ei sanota mittuzis deklaratsielois.

Mindäh ainos tunnen ebämugavakse lugijes hänen kirrahtuksii engo iče tahtos tyrmäh mennä hänen mielis tuači? Opin sellittiä.
- Hänen zobottu on suomen kieli - ei karjalan libo vepsän kielet, net muga kui hyövyttäs automuattizesti suomen kielen nostandas.Häi muga kui igävöiččöy Gyllingan aigua. Tiettäväine pikoi pienen suomelazen vähembistön oigevuksii, kui ezimerkikse ukrainalazen da čečenu vähembistlöin oigevuksii pidäy puolistua, kui toiziengi muahmuuttajien. Sidävastoi karjal da vepsä ollah kodoperäzet vähembistöt, kudamis Ven'a osobenno on vastuolline. Sidä paiči Suuren Suomen, olgah valgei libo ruskei, kartil kižuamine on varattavua poliitiekkua - ven'alaine natsionalizmu terväh nostau fašistukartin da mustoittau rajantagazes vihaniekas.
- "Hyvä tsuari pahat pajarit" poliitiekku, työndiä kirjazii libo kävvä šupettamas piämiehen korvah, ei johta pitkän tiähtävyksen, eigo ni lyhyön tiähtävyksen tuloksih. Pidäs olla rahvas tavoittehien tagan da pidäs voittua oigevus poliittizes protsesas.
- Dielon läbimenemine ei ole korrelatsies kirrundan iänen korgevuonke. Parembi olis suaha suuret joukot omua vähembistyö, toizii vähembistlöi da enimistyögi aziellizien argumentoin tuakse.

Tiettäväine, hyvä olis se, ku Suomen poliittine luokku suas tieduo Karjalan Tazavallan kandurahvahis, muusgi kui suuren Suomen perspektiivas. Suomelazet läs nimidä ei tietä karjalazis da vepsäläzis, da konzu tietänneh, pietäh heidy muga kui suomelazuon resursannu.

BUTTON_POST_REPLY