Popul'arnoin vkontakte meedien perustai Pavel Durov potkittih omas perustetus firmaspäi, nenga se puutui kogonah Kremlan ystävien valdah. Aijembien yričyskaupoin kauti halličuksen paginanvedäjäkse oli piässyh Rosneftan halličuksen paginanvedäi, endine varapiäministru Igor Sečin. Toine piäomistai on Megafonan halličuksen paginanvedäi Ališer Usmanov, kudamale Durov iče möi 12% VK:s. Durovan riähky oli, ku häi ei andanuh FSB:le ukrainalazen Euromaidanin ylläpidäjän da käyttäjien tiedoloi ku pidi sidä zakonattomannu. Toizen kerran häi puutui valdua vastah, konzu Kreml tahtoi salvata Aleksei Navalnyin sivut. Da toiziigi yhtenjyttymii konfliktoi. Duran iče sanou, ku on sit hyväs mieles, ku seiččie puolenke vuottu voidih tölmiä Kremlan kontrol'ua vastah. (Uudizen luvin Helsingin Sanomis 23.4.2014)
P.S: Jo lähti ulgomumualoile da ei meinua mennä järilleh Ven'ale sendäh, ku "mua nygöi on pädemätöi internettubiznesan harjoittamizeh". (HS 24.4.)
vkontakten perustai potkittih omas firmaspäi
Valvoi: verkomuagari
- mp
- Viestit: 2108
- Liittyi: 05 08 2008, 19:45
Re: vkontakten perustai potkittih omas firmaspäi
Nygöi onnuako Yandex da Googlegi ollah meedielöi kuduat pidäs ottua kontrol'ah, ku muanitetah Ven'an rahvastu.
Re: vkontakten perustai potkittih omas firmaspäi
Stalin sanoi omah aigah: Tovarissu, ole tarku, vihaniekkoi on muan ulgopuolel da meijän keskes
- mp
- Viestit: 2108
- Liittyi: 05 08 2008, 19:45
Re: vkontakten perustai potkittih omas firmaspäi
VK:n uuzi paginanvedäi, "siloviekku" Igor Sečin on puuttunuh Amerikan Yhtysvaldoin pakoitehluvetteloh.
- mp
- Viestit: 2108
- Liittyi: 05 08 2008, 19:45
Re: vkontakten perustai potkittih omas firmaspäi
Ainos vai uuttu uudistu sananvällyös Ven'al. Nygöi blogankirjuttajien, kudamil on kolmetuhattu lugijua päiväs, pidäy registriiruijakseh tiijoitusvälinehien tarkastusvirrastole. Ven'a on ruvennuh astumal ainos vai rutombah sananvällyön dorogal, loitombi vällyös. Libo kohti "slavnoidu mennytty aigua" kui ironizesti sanotah. Ken tahtou monipuolizembua tieduo muailman tapahtumis, ezim. Ukrainas, voi vie internetači lugie BBC:n libo toizien mualoin tiedotoimistoloin uudizii, ga enimät rahvas, muga Ven'al kui toizisgi mualois, suahah uudizet televideenien kauti. Ven'al tiijoitusvälinehet ruvetah olemah poliittizen vallan kontrol'as. Piädielo ei ole se, ongo uudine tozi vai ei, a se, mi on uudine da se, mi puoli "toves" ozutetah, mi jätetäh peittoh. Uskot uudizih libo et, yhtelläh rubiet ajattelemah sih tabah kui propagandan levittäi tahtou. En kyzele rahvahal nengomii dieloloi, yhtelläh kuulen kyzelemättägi kui moine tiijoitus toimiu - karjalazen ravahangi mieles Ukrainas torua nostatetah "fašistat". Ei hyö kyzellä, ket ollah net "fašistat" da midä ukrainalazet iče duumaijah guazan hinnas da Euraazien liitos.
-
- Viestit: 356
- Liittyi: 18 09 2008, 20:54
Re: vkontakten perustai potkittih omas firmaspäi
Puikkolas yöcis olin enne Pervomaijua. Sie nägyy Suomen televiizor da izändygi kacoi uudizie.En tarrennuh kyzyö mieldy hos häi aijombi Putinua cakkaigi. Ammui oli demonstratsiedu Putinah näh, torua gu luadiu, vot on hyvä Suari!