ELDIAn loppukirjaine

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2105
Liittyi: 05 08 2008, 19:45

ELDIAn loppukirjaine

Viesti Kirjuttai mp »

ELDIA projektu, kudai loppih elokuun lopus, työndi 7-sivuhizen (pdf) yhtehvevon projektas. Lövvin vaiku suomenkielizen versien ozuttehes
https://phaidra.univie.ac.at/detail_object/o:306651
Pidäy mainita yksi kohtu. Tutkittulois kielis pahimbas tilas ollah kveeni Norveegies, meänkieli Ruočis da karjal Suomes. Nenga menöy kielipoliitiekku pohjazis demokruatien mallimualois.

Gagarin

Re: ELDIAn loppukirjaine

Viesti Kirjuttai Gagarin »

Karjalan kieli ei Suomen nygöizis rajois ole alguperäini kieli da sendäh dielo on vähäzel erijyttyni kui "kveenih" da "meänkieleh" nishkoi Norjas dai Ruoččis.

Käyttäjän avatar
mp
Viestit: 2105
Liittyi: 05 08 2008, 19:45

Re: ELDIAn loppukirjaine

Viesti Kirjuttai mp »

Karjalan kieli on nygözisgi rajois alguperäine (Ilomantsi, Suomussalmi). Suuri vuitti Suomen valdivoh kuulujis alovehis (Karjalat) enne oldih karjalankielizet. Valdivon toimes Raja-Karjalaspäi evakuittuloi karjalazii pidäy pidiä Suomes kandurahvahinnu, hos jo ei alovehellizinnu. Kodirandualoveh oppiu tädägi muuttua. Kui ELDIA raportan allus sanotah, karjal on Suomes autoktonine (kodoperäine) kieli.

Gagarin

Re: ELDIAn loppukirjaine

Viesti Kirjuttai Gagarin »

Ga mugahai sua sanuo, a karjalan kielel eule enie omua alovehta Suomes da sendäh kveenin da "meänkielen" säilyttämini on hoivumbi ruado.

Käyttäjän avatar
mp
Viestit: 2105
Liittyi: 05 08 2008, 19:45

Re: ELDIAn loppukirjaine

Viesti Kirjuttai mp »

En rubie verdailemah eri vähembistölöi eri mualois. Orehovetskoin rauhan koillispuolizien alovehien suomelastamine oli "Suomi-Ruočin" anzivuo. Vienan pagolazien, Raja-Karjalan pagolazien da pikkarazien karjalankielizien nygözeh Suomeh kuulujien alovehien karjalankielizien suomelastamine ollah nygözen Suomen valdivon ruaduo da Suomen halličus on sit vastuolline. Voinan jälgeh ei olluh ristikanzanoigevuksii puolistajii järjestölöi da sobimuksii. Nygöi Suomen valdivo on tunnustannuh karjalan kielen Europan Nevvoston vähembistökielien peruskirjas mainitukse kielekse, kudaman säilyttämisty se on vellalline puolistamah, kuni rahvas iče sidä tahtou. Valdivo voi tappua vähembistökielen, a ken iče tahtou kuolta, sidä ni valdivo ei voi elävyttiä. Kanzallisvaldivoloin vähembistökielipoliitiekku juohattau mieleh tämän šuutkan: Hendoine akkaine soudau jogie myö vastuvirdah, ukko istuu peräs da melal ohjailou. Rannal mužikku kaččou da kirguu: "Eigo ole huigei istuo peräs da kaččuo, ku akku soudau riuhtou?" Peränpidäi mužikku vastuau: "Enne sidä vähä huigiedugi tirpau migu soudau". Sen jälgeh voi ruveta vähembistölöin oigevuksii kannattamah, ku ezmäi on omat vähembistöt hävitetty.

BUTTON_POST_REPLY