opastajat.net/forum

Passibo nämis uudizis, hyvä on tiediä. Yhtelläh en tirpa olla sanomattah allergielois kudamat minule ollah kehitytty. Yksi on allergii jyrkäh oigeioppizeh toruandah mi on oigiedu karjalazuttu libo oigiedu karjalan kieldy, toruandu kudai menöy suomen libo ven'an kielel. Toine allergii on fereziallergii, libo midä niidy sobii ongi, etnogruafine čomendelu ilmai kieldy. Parembi kuundelizin paginua koin nostandas libo internetan käytös, karjalakse argisovis. En usko karjalan kielen hengihjiändäh ku sil ollou vaiku čomendelun rouli. Kuolluonnugi kieli voi elättiä näppizen tutkijoi da kanzallisvaldivoloin johtajat voijah leyhkiä moizen monikul'tuurallizuon kannatuksel, a kieli rubieu loittonemah nygyaijas. Ylistämäl alistamine. Ku kieli eläs, meijän pidäs voija eliä nygyaigastu argielaigua senke muailmankanzalazinnu. Tiettäväine kymmendy muudugi kieldy pidäs maltua, ga omua kieldy ezmäi. Tavoittehet, kielipoliitiekku da toimindu pidäs sovittua täh näh.

Kui sanotah, "andakkua tuhanzii kukkazii kukkie", toizil ferezit, toizil kompjuuterat.

riäpöi kirjutti: Kui sanotah, "andakkua tuhanzii kukkazii kukkie", toizil ferezit, toizil kompjuuterat.

Olisgi tuhanzii. Ei ole viga ferezilöis a sit ku ei ole muudu. Kyzyn tuhattu luaduu leibyvil'l'ua, ku karjalan kieli kalkattas. Eigo vältämättäh tiedokonehii, a midätahto mi pidäs kiini leiväs.

"Midä työ huolitto sobii? Kačokkua niityn kukkazii, kui net kazvetah: eigo ruata, eigo kezrätä. Minä sanon teile: ni iče Solomon kaikes omas čomuos ei olluh muga hyvin sellinnyh, kui kudaitahto niilöis. Ku Jumal nenga hyvin sellittäy niityn heinäzen, kudai tänäpäi kazvau, a huomei se lykätäh päččih, ga eigo vie äijiä enämbäl sellitä teidy, työ vähäuskozet!"

Vastevai käin kaččelemas niityn da mečän kukkazii da kuundelemas rannan linduzii (nygöi olen 64 lajis tänä vuon). Sit kiännin erähän sivun tekstua karjalakse da liččain leibiä kulkuh. Päččih puutundua vie vuotan.

Minägi ainos keviäl ezmäzii kukkazii kačomah mänen.