Piämiehen paginat

kuulitgo uudizen, tulijoi tapahtumii, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Piämiehen paginat

Viesti Kirjuttai mp »

Työnin Omah Muah nengoman kirjutuksen
Piämiehen paginat

Enzimäine talvikuudu Rossija1 kanualal "Natsional'nii interes" ohjelmas tazavallan piämiehel kyzyttih Periodikan ozas. Sih häi ei vastannuh, a plakkai, ku "Ven'as eläy 65 tuhattu karjalastu - Suomes 250 tuhattu. A midäbo sie on? Nigo omii lehtilöi, nigo kniigoi, nigo kirjaimikkuo. A meile kai tämä on." En iče olluh ohjelmua kuundelemas engo tiijä, menigo se sanatarkah nenga, ga ajatus vikse oli moine.

Suomes Pohjas-Karjal da Suvi-Karjal nimizis muakunnis eläygi nenga 300 tuhattu rahvastu, a heijän kieli ammui muutui suomekse. Yhtenjyttyöh Savos, Pohjas-Pohjanmual da Kainuus ammui paistih karjalakse, sit nenga čotaijen "karjalazii" olisgi 1,18 miljonua. Rodn'at mugahlugijen puolel suomelazis on karjalastu juurdu. A mugahäi on Karjalan tazavallasgi. Onhäi "ven'alazisgi" suuri vuitti kielen vaihtannuzii suomelas-ugrilazii rahvahii.

Arbailah, ku Suomes nenga viizituhattu ristikanzua kudakui pagizou mälliä karjalakse da nenga kaksikymmen tuhattu ellendäy da čökkiä paginan segah sanan kaksi karjalakse. Hyö ollah enimyölleh jälgimäzen voinan pagolazet Vienaspäi da Raja-Karjalaspäi da heijän jälgeläzet. Nenga kahtelkymmenel paikkukunnal karjalan kieldy nygöi voi opastuo ruavahien opistos da Päivännouzu-Suomen yliopistos on karjalan kielen professuuru.

Karjalan Kielen Seura julguau "Karjal Žurnualu" nimisty lehtie karjalan kielel. Karjalan Sivistysseuran "Karjalan Heimo" lehtesgi on kirjutuksii karjalakse. KKS rubieu julguamah sežo "Nuori Karjala" žurnualua karjalakse. Suomes piäzöy ilmah nenga 5-10 uuttu kniigua vuvves karjalakse. Enimän julguau KKS a KSS da muutgi silloi toiči jullatah. (Liitän luvettelon KKS:n julgavolois, ku syndynöy). Internetači piämies voi lugie Suomelas-Ugrilazen Seuran 3600-sivuhistu "Karjalan kielen sanakirjua" ozuttehes http://kaino.kotus.fi/kks.

Kirjaimikonnu Suomen karjalazet nygöi enimyölleh käytetäh samua kui Ven'an karjalazetgi, ga erähät tahtotah kirjuttua č kirjaimen paikale tš. Moizis normois piättäjes pidäsgi kuulta azientundijoi da rahvahii paiči omas muas, toizisgi mualois, kus karjalazet eletäh. Sit ne yhtenäzembi hyväksyttäs.

Vuonnu 2009 prezidentan ukuazal karjalan kieli kirjaimellizesti lizättih niilöin kielien luvetteloh, kudamien kehitysty Suomes Europan Nevvosto kaččou - onhäi karjal Suomes kodoperäine kieli. Karjalazet Suomes, kui Karjalan tazavallasgi, vuotammo valdivospäi abuu kielen elävyttämizeh. Valdivo on meijän kieldy täh tilah alendanuh, sendäh valdivo avvuttakkah nouzendasgi.

Martti Penttonen
Kuopio

Olói

Re: Piämiehen paginat

Viesti Kirjuttai Olói »

Voi olla Karjalan Piämies ei ni tiijä karjalan kielen kehityksen histouriedu. Hos häi tahtosgi kehittiä da Ven´al se on jygei ruado. Piämies andoi luvan kirjuttua tiedoloi oigevuksien ministerstvan bumuagoih karjalan kielel da kerras Zhirinovskin puoleveh sanoi händy rahvallizien dieloloin kuhkuttajakse. Ven´al minun mieles segai mennäh nengomat dielot kui natsionalizmu da oigevukisen puolistamine. Suomes venánkielizil nygöi on parembat oigevukset ku karjalazil omal mual. Varuan ku karjalazet nikonzu ei suaha nengomua elaigua midä venálazil jo nygöi on Suomes.

Käyttäjän avatar
mp
Viestit: 2108
Liittyi: 05 08 2008, 19:45

Re: Piämiehen paginat

Viesti Kirjuttai mp »

Sanotah, "hyvä tsuari, pahat pajarit". Eihäi natsionalizmugi ičessäh ole ni hyvä ni paha. Konzu pieni rahvas iččiedäh kunnivoiččou da oigevuksii prizmiy, se on ihan hyviä natsionalizmua. A konzu valdurahvas rubieu sidä segregatsiekse sanomah da vägeh assimiliiruimah, se jo on pahua natsionalizmua. Zinaida Dubininan kirjutuksis suvaičen sidä kui häi sanou: "Emmo ole muidu huonommat": Ga samas syys en suvaiče pajuo: "Karjalan mua on kaikkii paras".

Olói

Re: Piämiehen paginat

Viesti Kirjuttai Olói »

Mugahäi on, meilegi pidäs KKK:n kehittämizen myöte mennä Piämiehen tazole prizhmimäh omii oigevuksii. Karjalan kielele pidäy suaha toizen virallizen kielen stuatussan Karjalas, muite ei karjalan kieli kehity. Puaksuh duumaicen ku nämä dielot ollah enämbi tolerantnosti-dieluo. Karjalazii on vähä, heis ei ole nimidä varavuo Karjalas nikele. Hos kui meijän politikat sanotas tädä varattavakse natsionalizmakse. Ven´al tolerantosti ei ole kehittynyh nimis kyzymyksis. Pidäy olla terveh hetero venálaine, sit dielot ollah hyvin. Ku olet hos karjalaine libo komilaine, libo homo libo niistii sit sinuu niken ei kyzy midä sinä tahtot, piätetäh kaiken sinun puoles.

Käyttäjän avatar
mp
Viestit: 2108
Liittyi: 05 08 2008, 19:45

Re: Piämiehen paginat

Viesti Kirjuttai mp »

Lehtes oli täytetty kogonaine sivu täl kirjutuksel. Toimittajile kirjutin, tulgua käymäh!

BUTTON_POST_REPLY