Nikui en voi ellendiä mostu toruandua ku "paginois ei kuulta kaikkii murdehii oigielois suhtehis", parembigo sit nämien toruajien mieles on moine ku ei voidane paginoi kaikil murdehil pidiä sit paistah kai suomekse
Engo ellendä ku paistah sih näh pidäsgo ottua kirjukielen pohjakse livvi libo viena, onhäi toiziigi. Ku toratah sih näh ku vienas on mie da livvis minä, nikui ei voi suaha yhty kirjukieldy. Ottakkah hos lyydispäi miä, sithäi on vähäzeh livvii dai vienua, da lopekkah toruandu
Seminuaru minuugi himoitti, aku piettäneh kai paginat suomekse, sit ei enämbiä muga äijy himoita. Ga yhtelläh enhäi ollus piässyh, moizel čuasul vie ruan, engo tiijä olizingo muitegi piässyh ajelemah Helsinkissah.
Enhäi sanonuh ku kaikin paistah suomekse: Ga ei tämä ole enzimäine kerdu ku murrehtoran däh kentahto vaihtau kielen suomekse libo ven'akse. Eigo se murrehtora ole vaiku viena vai livvi libo viena da livvi, prizmitähhäi suvikarjalazetgi omua kieldy. Dai lyydiläzis on niidy kudamien mieles on parembi kuolta migu sevoittuo, hos pagizijua on ei mondu sadua.
Jälgimäi muutti 1 päivänny mp, muutettu kaikkiedah 29 kerdua
Ga sit pahoi luvin, oligi muga ku net toruajat kačottih parembakse iče paista suomekse migu karjalakse? Ezmäi luvin ku toizet paginanpidäjät vihazien viestilöin periä piätettih nimittumal murdehel paista.
Tarkendan sen verran, ku kaksi ristikanzua, ELDIAn ruadajien puolel, sai vihazii viestilöi sit ku pagizinois ei ole tazapuolizesti karjalan murdehii. Sendäh toine nämis piätti paista suomekse, muite olis voinnuh paista karjalakse.
Minun yleine zobottu oli tämä: Agresiivizen toruandan däh net, kuduat muite voidasgi paista karjalakse, kačotah parembakse paista ven'akse libo suomekse. Se on prestiižan menetys karjalan kielele: karjal ei ole pädevy aziellizis azielois pagizendah.
Samua ilmivyö on paginas Päivännouzu-Suomen yliopiston karjalan kielen opastukses. Suvikarjalazet protestiiruijah sidä, ku viena da livvi on muga kui nostettu virallizikse kielikse a hyö ollah jiädy bokkah. Minun muamanmurreh kuuluu suvikarjalah da sendäh ellendängi suvikarjalazien pahan mielen. Ga yliopiston toimialua ei ole rajoitettu yhteh libo toizeh murdeheh, sen alah kuulutah kai karjalan murdehet, hos Austraalies paistut. Arbuan ku laitoksen johtai ei olis sidä vastah ku hyö suadas virgu tverinkarjalazele, lyydiläzele, keskikarjalazele i m.i. opastajale, a kusbo ottua net jengat.
Murreh/kirjukieli paginas olen huoles "darwinistizes" argumentas kudamua kuulou silloi toiči: anna heikombat murdehet kuollah. Konzu jiä vaiku yksi, se on yhtehine kirjukieli. Kyzymys on, jiägo ni yhty. Samah tukkuh luven "status quo" argumentan: emmo tahto keinotegostu kirjukieldy, tahtommo pidiä oman murdehen.
Minun kandu on tämä: Anna kaikin paistah da kirjutetah sil murdehel kudamua maltetah, olgah tazapainuo libo ei. A viivyttelemättäh pidäy kehittiä yhtehisty neutrualistu kirjukieldy. Kyzymys ei ole livvi vai viena, vai suvikarjal, vai tver, vai lyydi, vai keskikarjal, vai ... Yhtistynnyöl joukol toinah olis vägie viijä karjalan kieldy tulieh aigah. Ku suazimmo karjalan kazvatuksen, tervehyönhuollon, meedien, suvvon da kul'turan kielekse.
Gagarin kirjutti:
Iče i olen dumaičennuh kui 30-luvun varzinkarjalan kirjakieli kudamal Ryssänkarjalas suakkunakniigaloi kirjutettih ("Kolme Počin poigua" i.m.i.) ihan hyvä da oigie oli da en i mie ellennä mindäh nečidä kehnoks sanottih.
Kävyin seminuaras, a lumenpanendan däh kergein paikale hedi sen jälgeh ku karjal-tutkijat loppiettih paginan, no oli vie panielu. Kirjutan huomivoloi lähiaijal. No minul ollah prezentatsiimaterjualat dai vie julguamatoi pitky raportu. Lyhyömbi karjalankielinegi versii piäzöy ilmah tulien vuvven allus. Estounii prezentatiet sain kuulta. Mieldykiinnittäi yksityiskohtu oli, midäh estounielazes suomes ollah muga hil'l'ah. Heidy on kudakui saman verran kui ven'alazii, a ven'alazil on lehtet da radivot, da heijän oigevuksiigi prizmitäh valdivollizel tazol. Äijän oli karjalan kielen tutkijoi da maltajii paikal, nenga 70?
