ELDIA-projektan eistymine

kuulitgo uudizen, tulijoi tapahtumii, ...

Valvoi: verkomuagari

Gagarin

Re: ELDIA-projektan eistymine

Viesti Kirjuttai Gagarin »

Ga miul kiireh rodih sendäh kui aigataulu oli jo vähäzel pitkittynnyh.
Olin jo aivoimbah sanonnuh Annelil, jotta en sua jiähä panelin jälgeh enie kohtal.

Käyttäjän avatar
mp
Viestit: 2108
Liittyi: 05 08 2008, 19:45

Huomivoloi ELDIA seminuaras

Viesti Kirjuttai mp »

Estounienkieli Suomes panielas diivuittih sidä mindäh estounienkielizet Suomes ollah nägymättömät da kuululumattomat, ku samal lugumiäräl ven'ankielizil on lehtie, raadivuo da silloi toiči Ven'an valdivo da Europan Liitto nostatetah häly ven'ankielizien oigevuksis Suomes.

Oigevusministran sijahine ministerstvan tavan mugah kiitteli Suomen erinomastu konstitutsiedu, kudaman mugah kaikil rahvahil nimie mainiččemattah on luba käyttiä da kehittiä omua kieldy, ilmai luvettelemattah. Yhtelläh kodvastu myöhembi häi rubei sanelemah kielien oigevuksis nimenomah konstitutsien luvettelon mugah, muga kui oigevukset miärätäh juuri sen luvettelon mugah. Konstitutsien kieliluvettelo on viärys karjalankieldy kohtah. Parembi olis ku konstitutsies ei olis nimittumua luvetteluo, vaiku enimistön kieli da vähembistölöin kielet. Kodoperäzien vähembistökielien oigevuksis sanelou EN vähembistökielien peruskirju, kudamua Suomi on vellalline novvattamah.

Käyttäjän avatar
mp
Viestit: 2108
Liittyi: 05 08 2008, 19:45

ELDIAn uudiskirjaine

Viesti Kirjuttai mp »

ELDIAn uvves uudiskirjazes sellitetäh ruavon fuazua: on ruattu kontekstuanualizu, tiijonkeriändän planiruičendu, kentyruado, data-anualizu. Monisadasivuzet kielikohtazet dokluadat ollah ruattavannu da niilöin lyhennelmäthäi vie kiännetäh nämile kielile. Karjalan kieli Suomes tutkimustu ozuteltih Helsinkis 30.11.2012. Karjalan kieli Ven'al tutkimustu huavatah ozutella Petroskois 16.1.2013. Ga pidäy vie luadie uskaldettu EuLaViBar, barometru, kudamal miärätä kielen tilua. Projektan pidäs olla valmis elokuus 2013. Uudiskirjazii da kaikkii projektan dokumentoi voi eččie http://www.eldia-project.org sivustol.

EuLaViBar barometrua kuvatah radaran näyttimel. Se kaččou nelläh suundah: kielituottehet, malto, mahto da tahto. Midä loitombi nämih suundih nägyy, sidä parembi on kielen tila. Joga dokluadah liitetäh tämän kielen barometru, da sit kaikkien 13 ozaprojektan tuloksii verdaillah da verdailun tuloksennu rodieu lopulline EuLaViBar.

Uudiskirjazes viizahasti sanotah, ku barometrua ei pie käyttiä sen ennustamizeh, midä kielele tapahtuu libo kannattaugo kieldy elävyttiä. "Kielele voi tapahtuo midätahto, sen mugah, midä rahvas piättäy, iče kielenpagizijat, piättäjät, muut." Tämä on hyvä pidiä mieles, onhäi douhturiloingi, professoroin da nengomien ammattitaudi ruveta kaikentiedäjikse, kaikkien aloin auktoritietoikse, hos oma tiijolline tiedo on vaiku kiärbäzen šittu tiijon meres, da tiijollinegi tiedo voi hairavuo. Oli aigu, konzu suomen kieldy (kui mad'ariigi) piettih häviejänny kielenny. Nygöi suomi on muuttunuh "tapettavas kieles" "tappaikielekse" kanzallisvaldivos. Ga sit rahvas ottavui kieliruadoh da histourii andoi mahton nostua kieli.

Käyttäjän avatar
mp
Viestit: 2108
Liittyi: 05 08 2008, 19:45

Re: ELDIA-projektan eistymine

Viesti Kirjuttai mp »

Karjalan kieli / Karjalan Tazavaldu seminuaru pietäh 23.1.2013 Petroskois. Tarkembua tieduo aijas, paikas libo ohjelmas minul ei vie ole. ELDIAn dokluadois löydyy tämä https://fedora.phaidra.univie.ac.at/fed ... Asset/view Klementjevan Zamjatinan da Kovalevan anglienkieline kirjutus.

Olói

Re: ELDIA-projektan eistymine

Viesti Kirjuttai Olói »

Kuuluugo karjalan kieldy siegi?

Pekoi
Viestit: 356
Liittyi: 18 09 2008, 20:54

Re: ELDIA-projektan eistymine

Viesti Kirjuttai Pekoi »

Taki nygöi on seminuaru loppennuh,lövvin ohjelman:Karjalan da vepsän kieldy Ven'al da Eldian merkicysty sih näh.Nägyy on NuorenKarjalan rahvastugi sie,vuotammovai reportua. ;)

Käyttäjän avatar
mp
Viestit: 2108
Liittyi: 05 08 2008, 19:45

Re: ELDIA-projektan eistymine

Viesti Kirjuttai mp »

Ohjelmu oli kirjutettu ven'akse, paginois toinah kolme nellätty vuittii ven'akse, viijes vuitti suomekse, vähembi viitty protsentua (paginoin allut, ezimerkit) karjalakse libo vepsäkse. Moizes teemas kielen valličendugi on viesti. Minuu yllätti, ku vastavusankiettoi oli suadu kolme sadua livvikse da kolme sadua vepsäkse, vikse oli aktiivizesti kyzeldy. Tuloksii parembi analiziiruija da johtopiätöksii luadie, konzu net ollah piästy ilmah, karjalaksegi. Hyvä dielo ku nengomua kyzelytieduo on. Varrastan täh ezimerkikse kuvan Ulriikka Puuran ezityksespäi, puaksuhgo livvii käytetäh:
Kuva

Olói

Re: ELDIA-projektan eistymine

Viesti Kirjuttai Olói »

Hyvä on meil välly aagentu, passibot raportas!

Käyttäjän avatar
mp
Viestit: 2108
Liittyi: 05 08 2008, 19:45

Re: ELDIA-projektan eistymine

Viesti Kirjuttai mp »

Täs vie kuva seminuarurahvahas loppupanielan aigah
Kuva
da Natalja Antonovan anualizua kyzelyn tuloksis:
Kuva
Kuva
Kuva
Kuva
Toinah se muga ongi. En vai tiijä, mih juaššiekkah iče kuulun, vikse olen "erilaine nuori".

Käyttäjän avatar
mp
Viestit: 2108
Liittyi: 05 08 2008, 19:45

Re: ELDIA-projektan eistymine

Viesti Kirjuttai mp »

ELDIAn Helsinkin seminuaras otettuloi videoloi voi kaččuo tämän linkin kauti - linkit videoloih sivun alareunas

BUTTON_POST_REPLY