Sordavalan pajopruazniekku Suomen televiizoras

[Pedrunnybly]

Suomen TV1 tänäpäi 11.7. 21:05 čuassun aigah, A-studio. Voibi Internetasgi kaččuo myöhembäh http://areena.yle.fi/tv/1513902. Vähäzel jo pruazniekkah näh paistihgi televiizoran uudizis, a karjalazis ei paistu nimidä. Kenen liennöy olluh kogo pruazniekku...

[mp]

Vähäzel jo pruazniekkah näh paistihgi televiizoran uudizis, a karjalazis ei paistu nimidä. Kenen liennöy olluh kogo pruazniekku...

Kui iče yksityzesti ilmoitit, se oli pyhänpiän 8.7. tv-uudizis. Muite olis minul, televiizorattomal, jiännyh nägemättäh kui Pekoi da Manutar pajatetah karjalakse tv:n piäuudizis. Se rippuu vie läs kaksi nedälii täs linkas:
http://areena.yle.fi/tv/1610041

[Pedrunnybly]

Saimmo ehki karjalastu pajuo kuulta - se oli hyvä. Suomelazet uudizien luadijat tahtottih enämbi ven'alastu da čakattih hommailendua.

[Maria]

Egläzes A-studios enämbi pajopruazniekkua, http://areena.yle.fi/tv/1576630 (kohtas 22:37 algajen)

[mp]

Kačoin A-stuudiengi, hos telefonanker sih meni puolentostu čuassuu.

Toimittai allus sanoi ku hyö luajittih ohjelmua revonhändy kainalos. Juumorua libo ei, karjalazil očkil kaččojen sie ei olluh karjalazen pajon pruazniekku, a Suomi-Ven'a borču karjalazil luuloil. Minun ellendyksen mugah Sordavalan linnu perustettih Luadogan Karjalan liittämizekse Ruočin valdakundah - sen suomelastamizekse. Suomen iččenäzyön aigah suomelastamine vie enämbän ravevui da 30-luvun pajopruazniekku ilmendi tädä - se Karjal oli Suomen heimo, kudaman pidi vaihtua kieli da kul'tuuru suomelazekse.

Mindäh lienne tämän pruazniekan uudizoindas unohtettih 1990-luvun pajopruazniekku, kudai oli vägi suuri tapahtumu. Vastevai Nevvostoliiton hajuondan jälgeh matku sinne oli kui matku Marsah. Pitkäl junal ajoimmo Jovensuuspäi pajutuhjoloin läbi, silloi vie ristimätöi Pedrunnyblygi. Se keräi monenjyttymiä rahvastu: Karjal-nostalgikot dai kul'tuururahvahan, Nevvostoliitto-nostalgikotgi. Vakkosalmen "pajostaadii" oli täyzi. Sidä pruazniekkua tiettäväine ei järjestetty 30-luvun suomelas-natsionalistizes henges, oli tarbehekse radikualistu nähtä Sordavalas rajan tagua, toizel planietal tulluzii.

Mibo ollou hengi tulies pruazniekas Petroskois? Samah aigah 20 da 30-luvul, konzu Suomen Karjalas täytty vägie meni karjalazien suomelastamine, Ven'an Karjalas meni --- karjalazien suomelastamine --- oldihhäi vallas ruskiet fennomanat. Heijän musto viegi eläy da on niidy ket igävöijäh Gyllingan aigua. Se ollougo ven'alastetun Karjalan pruazniekku.

[Pedrunnybly]

Sanelkua työ, kudamat olitto Sordavalas: mittuine oli sie hengi? Minul sanottih, ku kul'tuuruminstru pidi paginua karjalakse da vedäit paistih kolmel kielel.

[Pekoi]

Mustelen,što 1990-luvun pruasniekku azuttih Jovensuun-Sordavalan yhtehizekse da duumaittih pidiä vuoroin periä.Ga sit ei eniä olluh jengua...
Tämän vuvven tärgevin azie oli ku pruasniekku piettih! Rahvastu oli kahten puolen rajua.Myö kaikin suammo piättiä tulougo uuttu brieguu da midä programmua pidäy. Tahtonemmo liziä karjalastu/karjalankielisty programmua a ...!!
Taki Konosen mužikku sen sanoi:tädä pruasniekkua ei laittu suurel jengal.Ruadajat,karjalazet rahvas sen luadi!
Ollemmo karjalaine ruadajat rahvas,uvven,vie paremban pruasniekan luajimmo!

[Pekoi]

Vie dogadin erähän hairehen;eulluh Pekoidu televiizoras.

[mp]

Vie dogadin erähän hairehen; eulluh Pekoidu televiizoras.

Kačo vie, Pekoi&Manutar duetto vie nygöigi pajattau pyhänpiän uudislähetykses "Kaunis Karjala" pajuo. http://areena.yle.fi/tv/1610041

[Pekoi]

Katšoin da näin,en minä ole moine parduniekku! En ehki malta pajattua,tiä vai tyhjiä šokkua piestäh.