KKS:n vuozikerähmö Jovensuus 24.3.2012 14 čuasul

[Olói]

Suomes on nengomii spetsialistoi dai Karjalasgi. Seura voizi olla den´goin eccijänny da palkan maksajannu. Karjalas eläjäle voizi maksua vähembän. Täs on äijy ruaduo, olizi yhtele kogopäivyruavokse. Minun mieles olizi parembi ku ruadai olizi Venán Karjalaspäi. Internet-aigah karjalazil on hyvii mahtoloi yhtistiä vägilöi. Voi olla Karjalan opastusministerstvugi tulizi yhteisruadoh. Ongo Karjalan kielen seural yhtesruadosobimustu Karjalan opastusministerstvan kel?

[Maria]

Da eihäi sidä pahal pie ottua eigo tuskevuo, en minä sidä sano ku kerras tuliel vuvvel pidäs olla kai dielot karjalazet. Ga voishäi se olla moine monen vuvven pluanu, hos kymmenen, vähin vähäzin. (Eigo sil nimidä välii pidäs olla kus riävys kengi istuu, olizinhäi minägi voinuh hos enzimäzes istuo, ga duumaičin Juulinke tulen, parembi tagan istummo)

[mp]

Allus kai on pahoi päi. Ei roi opastujua, ku ei ole ruaduo. Ei roi ruaduo ku ei ole ruadajua. Suuri zobottu on ku ei ole pädeviä ruadajua sih libo täh ruadoh, a kielen häviendy ei ole probliemu, se roih ičekseh perindehen väil. Libo voisgo tämän ellendiä toizin päin. Ruadajale on mahtuo hos mih.

P.S. vie sanaine KKS:n libo mintahto seuran toimindas. KKS eihäi ole valdivonvirrasto kudai on vastuolline hallindonalas, a omatahtozien ristikanzoin liitto. Kel on ideju da tahto ruadua, voi ruadua KKS: levon al da tartuttua himon ruadua toizihgi. Käskie voi, a ei voi panna käskyö vägeh. Sendäh parembi käskie vaiku iccie.

[Maria]

Da se vie, ku moizien kerähmöbumuagoinkehäi on sendäh hyvä, ku kerran net ollah luajittu, sit ollah pohjannu tulijoile kerähmölöile. Tiettäväine voi olla vähäzeh midätah uvvessah kirjutettavakse, ga erähät paginat niilöis ollah samat joga vuozi.