Vuvven pahin uudine

[mp]

Minun mieles karjalan kielen tärgevimät institutsiet ollah Oma Mua lehti, yliopisto-opastus da kielipezät. Mennyt vuon pedagoguyliopistoh jo ei tulluh karjalan kielen opastujua, tänä vuon yliopistohgi ei tulluh ni yhty karjalan kielen opastujua, Suomesgi suuri vuitti karjalan kielen opastujis vikse ollah terstavuttu. Pahembua uudistu jo ei voi tulla, pidäy ruveta vuottamah parembua.

[Olói]

Karjalan kieli ei ole kunnivos Karjalas, Suomes iče karjalazet ei tietä, ku hyö ollah karjalazet. Ruaduo ei ole sit niken ei mene opastumah. Olen samua mieldy, rubiemmo vuottamah parembii uudizii. Täl nedälil Kinnermäl pietäh kielipezien opastajien luageri. Nenga rubieu karjalan kieligi elämäh. Vie pidäs duumaija kuibo voizimmo suaha ruadopaikkoi, ezim., projektoin kauti.

[mp]

Terveh Olói, kolmen kuun jälgeh jo duumaičin puutut "zombikse" (forumah näh). Karjalazien rezervuattua ei pie. Ei olegi tolkuu opastua karjalan kieldy vaiku karjalan kielen opastajile, sidä pidäs opastua sivuainehennu liägärilöile, juristoile, šouferiloile, inženieroile, voimattomienhoidajile i m.i. Olis kieli leiväs kiini.

[Olói]

Tiettäväine pidäy suaha karjalan kielel virallizen kielen stuatussu. Kielen opastundu on ezmäine askel, ilmai sidä ei voi kehittiä karjalan kieldy. Kielen opastundua pidäy olla joga školas. Karjalan kielen opastajat ollah ezmäzet, kuduat nostetah kielen stuatussan. Sit vaste voimmo paista karjalan kielen opastukses kaikile omannu kielenny tai toizennu virallizennu kielenny. Kielei ei ole den´gas kiinni, da palkan maksamine ozuttau sengi ku kielel on parembi stuatussu.

[mp]

Nämmä ollah muna-kana kyzymykset, vaigei sanuo kudai tulou ezmäi: prestiižu, oigevus, opastus, toimehtulo. Kai voijah mennä alahpäi libo ylähpäi yhtelaigua. Europan Nevvoston vähembistökielien peruskirju hyvin kerdou, midä pidäy prizmie. Školaopastus (mugahlugijen kielipezä da yliopisto) minule ollah muga kui sinounimu kielen hengihjiändäle.

[Olói]

Opastujii on vähä sentähgi ku tämänigähizii on vähä, korgieh skolah ei ole äijy pyrgijöi

[mp]

Igäluokkien pienenemine vois sellittiä mindäh opastujien lugu on pienennyh kahteskymmenes kaheksahtostu a ei sidä mindäh se pakkuu nul'ah. Minus tunduu ku KT:s on piässyh valdah perpektiivittömys da apatii karjalan kieleh näh. Karjalan kielen opastajan ammatti ei tariče mahtuo rikastuo ravieh linnas. Opastajan paikkua on vähä da kylis, kudamis kyzelläh ongo vie dengua kahteh karjalan kielen čuasuh tuliennu vuonnu. L'udmila Markianova sanoi ku Nevvostoliiton sorruttuu kielidielo kiehui – häi ičegi maltoi tartuttua kybenyön. Toinah vie Suurenmäin Leenagi maltoi, a sen jälgeh, enbo tiijä. Kielipezä-metodas mainitah terminy "ideolougine sellittämine", mindäh pidäs maltua omua kieldy. Minun mieles "pidäs puaksumbah mustella omuadu mamua da tatua" ei äijäl nostata hengie. Nuoret parembi ellendetäh universualizii arvoloi, kui taza-arvon. Karjalazile pidäy karjal sendäh ku ollah karjalazet da ei huonombat toizii da sendäh hävitettävät. Yhtelläh pidäs olla mitahto elinkeino. Ku valdivo ei sordas vähembistökielii, sit voishäi olla muudugi kul'tuururuaduo ku kielenopastai. A nygözes tilandehes karjalankieline ruado pidäs ičen luadie, a moine pioneruhengi nygöi vikse on vähenemäh päi. Minun mieles karjalan kieli sivuainehennu pidäs karjalan kielen hengis da piäaineh andas leivän, toinah karjalankielizengi.

[Olói]

Tottu pagizet, da urokoin miäry pienenöy vaiku. En tiijä kuibo voizin Karjalas eläjile karjalazile, kuduat vie maltetah karjalan kieldy, sto kieli pidäs säilyttiä. Ice pagizen joga kohtas, minun kielinero ei ole ylen hyvä, sit allus sanon: minä tahton opastuo karjalan kieleh, paiskua minun kel karjalakse. Yksin en voi äijiä ruadua, da opin yksikai:)