Karjalankielizii ozuttimii Karjalas

[Olói]

Karjalan päämies andoi käskyn sellittiä kuibo voi Karjalas luadie virrastoloin nimien ozuttimii karjalan kielel. Nygöi Karjalas on eri mielii: livvin murdehen pagizijat sanotah gu rajonois pidäy luadie omal murdehel, a Petroskois livvin murdehel. Vienan Karjalan karjalazet tahtotah gu Petroskois ozuttimet oldas heijän murdehel libo kahtel (livvi da vienan karjala). Oli pagin sih nähgi, sto ozuttimet voizi oppie luadimah yhtenäzel kielel ja nenga algavuu karjalan kniigukielen kehittämine.
Midä mieldy olet?

[mp]

Karjalan Sivistysseuran "Karjalan Heimo" lehten noumeras 2011/1-2 oli suomenkieline raportu Tverin karjalazien ligakuus pietys konferensies. Kiännän täh palazen tekstua:

Toizennu päivänny käydih mieldykiinnittäi da hälykäs pagin karjalazien yhtehizes kirjukieles. Kyzymyksen ezitti Anatoli Golovkin da professoru Pekka Zaikov sellitti kyzymyksen tagaperii da otti selgiesti pozitsiedu kyzymykseh.

Hänen mieles nygöi on mahtotoi suaha karjalua ven'an rinnale hos i Karjalan Tazavallas, da sendäh on parembi ku karjalan eri kielimuodoloin pagizijat käytettäs omua kieldy suullizesti da kirjallizesti, eigo kiirehtettäs yhtehizen kirjukielen luajindua. Ven'an karjalazet ollah kaksikielizet, da on kebjei hyllätä vähembistökieli, ku tutkijat ruvetanneh pakoittamah käyttiä keinotegostu kirjukieldy. "Ei pie rekie panna ennen hepoista". Niken konferensiirahvahas ei vastustannuh Zaikovan mieldy.

Jatkan hebovertavustu. Hyvä olis ku hebozet opittas hos lekahuttua regie, libo työndäjen libo vedäjen. Sen jälgeh olis hyvä ku hebozet ruvettas vedämäh yhteh suundah, ei eri suundih. Eri suundih vedämine on syy sih, ku karjal ei ole virralline kieli da školakieli. Ga toinah pidäy vie vuottua yhten ekspertusugupolven kuolendua da uuttu sugupolvie karjalan kielen nostajakse.

[Maikki]

Mie olen sitä mieltä, jotta Petroskoissa pitäy suaha nimitykset mihnih yhtehiseh muotoh. Mielestäni, se on mahollista. Eikä täh ruatoh tarvice kymmenie vuosie. Tarviccou vain hermoja sopimah keskenäh.

[Olói]

Hyvin ellendämmö toine tostu Maikin kel, hot murdehet ollah erit:), olen samua mieldy Maikin da Martin kel, pidäy suaha regi lekahuttamah

[Pekoi]

Karjalan päämies andoi käskyn sellittiä kuibo voi Karjalas luadie virrastoloin nimien ozuttimii karjalan kielel. Nygöi Karjalas on eri mielii: livvin murdehen pagizijat sanotah gu rajonois pidäy luadie omal murdehel, a Petroskois livvin murdehel. Vienan Karjalan karjalazet tahtotah gu Petroskois ozuttimet oldas heijän murdehel libo kahtel (livvi da vienan karjala). Oli pagin sih nähgi, sto ozuttimet voizi oppie luadimah yhtenäzel kielel ja nenga algavuu karjalan kniigukielen kehittämine.
Midä mieldy olet?

Ozuttimiin luajindas,duumuan ei kniigukielen kehittämine taki lähte alguh vai yksikai niidy pidäy luadie!
Moine kerähmö pidäy nostua mis piätetäh karjalaine nimi (ven'alazen rinnal).Net kai todevutetah,mis on yksimielizys.Kiistua mis ollou,työndiä bokkah.Kolmie,nel'liä ozutindu ei pie!
Konzu kai Karjalan virgupaikoin,kyliin i m.i. yhtes priimityt ozuttimet ollah putillizet da kaikin lugiettavat,pidäy bokkah työnetyt ottua uvvessah ruattavakse!(Tiettäväine vähäizen jenguagi pidäy gu suazimmo net ozuttimet kohtilleh!)

[Maria]

Karjalan päämies andoi käskyn sellittiä kuibo voi Karjalas luadie virrastoloin nimien ozuttimii karjalan kielel. Nygöi Karjalas on eri mielii: livvin murdehen pagizijat sanotah gu rajonois pidäy luadie omal murdehel, a Petroskois livvin murdehel. Vienan Karjalan karjalazet tahtotah gu Petroskois ozuttimet oldas heijän murdehel libo kahtel (livvi da vienan karjala). Oli pagin sih nähgi, sto ozuttimet voizi oppie luadimah yhtenäzel kielel ja nenga algavuu karjalan kniigukielen kehittämine.
Midä mieldy olet?

Ozuttimiin luajindas,duumuan ei kniigukielen kehittämine taki lähte alguh vai yksikai niidy pidäy luadie!

Toinah ei ozuttumien luajindal kniigukieldy kehitetä, a toinah tämä ozutindielo ozuttau konkriettizennu ezimerkinny sen problieman, kudai rodieu konzu on vaiku eri murdehii, ei yhtehisty kirjukieldy. Tämä vois avvuttua rahvastu ellendämäh, ku eihäi voi prižmie ku kai dielot moneh kerdah kirjutettas. Minun mieles ollus tolkutoi dielo kirjuttua ozuttimii monel murdehel, yksimielizyöh pidäs oppie piästä nimilöis (ezim. Pekoin duuman mugah). Da sen jälles vois ruveta duumaiččemah sidä yhtehisty kirjukieldygi, konzu huomatah ku voihäi sidä yksimielizyöh piästä.