ELDIA-kyzely

[mp]

Tänäpäi poštu toi sangien kirjazen, kudamas oli ELDIA (European Language DIversity for All) projektan kyzelyankietat. Vähäzen muheloitutti, ku kirjazes oli ankiettu suomen, vienan da suojärven kielel.Ei ole hädiä, maltanhäi vastata, suomeksegi.Toine muheloituttai šeikku oli, ku minut buite oli lövvetty Karjalan Liiton libo pidäiseuroin jäzenluvettelois, ga enbo ole niilöis jäzen. Yhtelläh lövvettih.

Kirjazes kyzeldih tiedäygo ken 18-40 vuodehizii karjalan pagizijoi. Johäi aijembigi sidä tiä kyzelin da löydyigi, a löydyygo vie? Pagizutandat alletah jo tuliel nedälil da vikse erähii meisgi forumal kävijöis on kučuttu. Ven'an Karjalaspäigi kuulin, ku jo oli kyzeldy. Toivotammo lykkyy da ozua ELDIAle, ylen tärgei ruado.

[Olói]

Viego piäzöy täh kyzelyh? En ole kirjuttanuh ni kel, Olói

[mp]

Vie kergiey. Suomen karjalazekse minägi voin sinut ilmiandua. A ku tahtonet Ven'an karjalazien kyzelyh, sit pidäs kyzyö Nina Zaitseval libo Natalja Antonoval.

[Olói]

Ilmianna Suomen karjalazekse, Natoin saital luvin, što Petroskois eläijii karjalazii ečitäh

[mp]

Tänäpäi kävyin ELDIA-pagizutandas. Hyvä oli tavata projektan vedäi da karjalan kielen "aktivistoi" kudamii en enne nähnyh. Pikkaraine hyvä uudine: jo yli nellisadua Suomen karjalastu ollah työnnetty järilleh tutkijoile täytetyt kyzelyankietat.

[Maria]

Tänäpäi olin minä pagizutandas. A johäi oli jygei karjalua paista konzu kameru vieres filmuau, pagizin yhtelläh A jygei on oppie normualisti paista moizes tilandehes

[Gagarin]

Mie olin piätenčän.

[Pedrunnybly]

Mugai minut ilmiannettih, a en ni piässyh, ruavos pidi olla.

[Pekoi]

Itše kävyin pagizemah tuhukuun keskes Nurmeksel.En jo ellendännyh kamerua varata,a putin paginua eulluh,enämbi vai toine toizen peräh sanelimmo kyzymyksih näh.Rakkahal uuzii karjalazii vai tunnustin.
Kuib'ollou ,ken suau kyzelyn,ken paginan?
Annetahgo tieduo järilleh?
Nagrettavakse:I minä pakitšendan työnin postah Saksah(Germuanieh),što minä Ladal enembi kolmiesadua kilometrie Nurmeksel kävyin da äijy benzinua menetin,andakkua minul hos erähii jeuroloi jengua! A gu midätahto postua minul työndetäh,minä hyväsmieles teile kirjutan.

[mp]

Kuib'ollou ,ken suau kyzelyn,ken paginan?
Annetahgo tieduo järilleh?

Kui tämän čiepin viestilöisgi voi ellendiä, kyzelyankietat on lähetetetty tuhandele satunnazesti vallitule Karjalan liiton, pidäiseuroin da muuloin seuroin luvettelois lövvettylöile nimile. A pagizutettavat ečittih kyzelemäl, minägi moizen kyzelyn riputin forumale da ilmoitin ELDIAle. ELDIA jatkuu vuodeh 2013 suate da pagizutandan jälgeh algau nägymätöi vaihe. Kai net fil'mat purretah, kudamil olemmo tiähtinny. Tiettäväine tuloksii jullatah, ku ollou midä jullattavua da tiä forumalgi opimmo ozuttua, midä on jullattu. Ga sidä tahton vie terendiä, ku minul ičel ni midä dieuo ei ole ELDIAn ke, hos olengi heile kiändänyh tekstoi da andanuh tiedoloi.