Muamankielen muuttamine

[mp]

Konzu Suomen valdivol ollou sinule aziedu, hyvätabazennu häi tahtou ottua huomivoh sinun muamankielen. Ku se tiedo rahvasregistrukeskukses/magistruatas pahoi ollou, sen voi internetačigi (libo magistruatas) kohendua. Täs ozuttehes
http://suomi.fi/suomifi/suomi/asioi_ver ... index.html
on pdf-ankiettu, kudaman voi täyttiä da työndiä magistruattah. Samas ozuttehes löydyy i linki sähközeh ankiettah, kudamal muutoksen voi ilmoittua. Lomakkehen suandas da allekirjuttamizes tarvitah bankutunnuksii.

On vai pikkaraine probliemu. Sähközen ankietan kieliluvettelos ei ole karjalan kieldy da magistruatoilegi on tässah opastettu, ku karjal on murreh, ei kieli. Karjalan Kielen Seura on tänäpäi rahvasregistrukeskuksen ke sobinuh, ku se haireh kohendetah.Kuni se on kohendettu ankiettoih, pidäy ankietan koodu kohtah (kunne toizet kirjutetah fi, sv, en libo ru) kirjuttua koodakse 98 da sen al tekstannu "karjala". Sähközes ankietas koodumen'us ei ole karjalua eiga iče voi kirjuttua 98, ga toinah vaihtoehto "tuntematon" kelbuau, ga al pidäy kirjuttua "karjala".

Tämähäi se on olluh Suomen valdivolgi vaigevus piättiä, ongo karjal suomen murreh libo tundematoi kieli.

P.S. Probliemu on nägöjäh moine. Kielen registriiruičendas on käytetty kaksikirjaimistu ISO 639-1 koodua (Suomi fi, Ruočči sv i m.i.) Karjalale sidä nägöjäh ei ole miäritelty. (Kolmikirjaimine ISO 639-2 nägöjäh olis: krl) Pättävät kirjanpuarat jo on varattu: kr=kanuri, kl=kallaallisut, ka=georgia, kj=kuanyama. Rahvahan nägöjäh pidäs vaihtua nimie, muite ei voi registriiruija muamankielekse.

[mp]

Täs nägöjäh on olluh kahtenlastu probliemua:
1) hallindo on olluh tiedämätöi, ku karjal on kieli
2) kielikoodan miäriämine on jiännyh puolitieh

Enzimäine probliemu on koskenuh ankietan jättäjii. Ga sih ankiettahgi olis pidänyh kirjuttua olematoi kielikoodu, kudaman sijah nygöi on nevvottu kirjuttua 98, kudai ei ole oigei kielikoodu.

Toine probliemu on ozakse tehnilline, ozakse piättämättömytty. Kolmikirjaimine ISO 639-2 kielikoodu karjalal on, "krl" ga ei kaksikirjaimistu ISO 639-1 kielikoodua, kudamua ankietas da kielenmuuttosivun men'us kyzytäh.

Kačommo ISO 639-1 koodoin luvetteluo. Sanas "karelian" vois johtua koodat ka, kr, ke, kl, ki, kn. Nämis kai muut paiči "ke" on varattu toizile kielile, a segi on Kenian muakoodu (ISO 3166). Sanas "carelian" suas koodat ca, cr, ce, cl, ci, cn. Nämis toizii paiči cl, ci, cn käytetäh kielikoodannu, ga jälgehmainittuloigi käytetän muakoodoinnu. Eigo ni sanas "karjalaine" lövvy käyttämätöindy koodua.

Vikse pidäy luobuo karjalan elavuttamizes, ku karjal nikui ei synny ISO kielikoodoih. Myöhä tulimmo juandupaikale kui Minervan tuukkai.

Pidänöygo tädä ottua huomivoh: Ku kymmene hakkerua muuttanou karjalan muamankielekse da ministrat ruvetah kaččomah karjalazien luguo rahvasregistrukeskuksen mittaris, midä hyö piätelläh?

[mp]

TARKENDUS ENZIMÄZEH VIESTIH

Kui enzimäzes viestis sanotah, muamankielen voi täs ozuttehes
http://suomi.fi/suomifi/suomi/asioi_ver ... index.html
muuttua bankutunnuksienke. Kui sanottu, piäl sellitettylöis syylöis kielenvalličendumen'us ei ole karjalan kieldy, a men'us enzimäzenny on kohtu kirjoitettuna alla. Valliče se da kirjuta alolijah juaššiekkah karjala. KKS:n puoles passibot rahvasregistrukeskuksele ezimerkillizes palvelus.

[Olói]

Muutettu on! Passibo hyväs nevvos! Olói

[Pekoi]

Nygöi i minuu tiijetäh karjalazekse!