Jeuropan Nevvosto on 7.10.2010 hyväksynyh raportan varavonalazis kielis. Anglienkieline raportu löydyy tiä:
http://assembly.coe.int/Mainf.asp?link= ... C12423.htm
Raportan mugah 96%:a muailman 7000 kieles pagizou vaiku 6% muailman rahvasluvus. Jeuropas paistah 234 kieldy. Raportu sellittäy midä hyviä JN vähembistökielien peruskirju on luadinuh da mis se ei ole ozavunnuh.Karjal mainitah ylen varavonalazien kielien joukos, kui i vepsä i lyydi. Kui lienne, liivin raportan luadii luvettelou kuis suomelas-ugrilazennu, muga i indojeuroppalazennu kielenny!? Sidägi en ellendä, mindäh häi mainiččou karjalan kielenny, kudamanke on suadu pozitiivizii tuloksii - mittumii, sidä häi ei mainiče. Vähä kummalline on suomelazen rahvahan eeposan Kalevalan mainičenda. Yhtelläh, piäaziet on ylen selgieh sanottu. Hos olgah muailmankielii da valdivonkielii, niidy ei pie ličata vähembistökielien sijah, nämmä ollah Jeuropangi kul'tuuran fundamentu.Tärgevimii valdivon vellallizuksii vähembistökielih näh on on organiziiruija nämil kielil kazvatus joga tazol nänniniekas starikkassah. Mieldykiinnittäi huomivo on tämägi: Valdivolois taritah opastukses susiedumualoin kielii a onohtetah oman muan vähembistökielet.
Jeuropan Nevvoston raportu varavonalazis kielis
Valvoi: verkomuagari