Kirjalline kyzymys parluamentas

[mp]

Deputuattu Jacob Söderman i toizet ollah jätetty halličuksele kirjalline kyzymys (KK 860/2010) kielizakonas, eriže karjalan kieles.Kyzymysty voi kaččuo täs ozuttehes:
http://www.eduskunta.fi/faktatmp/utatmp ... 10_p.shtml
Ministru ei ole vie vastannuh.

[Pekoi]

Tädä Juakoidu ylen pättävänny starikannu pien,ammui jo Helsinkis vastavuimmo,nu häi ruotšinkieline roindah näh on ga tiedäy gu erähät vie riehkitäh ven'an da ruotšinkielen vaihtamizeh päivännouzusuomen skolis.E'ule tolkuu!
Pidäy mustua: Suomi on kaksikieline valdivo.Net kielet ollah suomi da ruottši.
Sen jälgeh.....
Karjalan kielen stuatussu.Hyvät ollah net nimet hallitšuspuolovehisgi,vai... vualit ollah jo keviäl...

[mp]

Tovengi, Suomi on kaksikieline mua. Suomi pädöy ezimerkikse, ku vähembistökielelgi voi olla tovellizii oigevuksii. Olen virguniekan kielitestas käynnyh da Turku/Åbos eläjes tilain da luvin Åbo Underrettelser lehtie, Suomen vahnindu sanomulehtie. Ga jälgiaijal olen ruvennuh kyzelemäh, mindäh paistah kaksikielizyös, da mindäh Suomes on kaksi "kanzalliskieldy". Jogahizel on roindumua da muamankieli. Kielelgi on roindupaikku, kus sidä kieldy pidäy voija paista. Sendäh Karjalas minun pidäs voija vuadie palveluu karjalakse, a Suvi-Amerikas mostu minun vuadimustu ei tarviče ottua vagavasti. Suomen kodoiperäzet kielet ollah saame, suomi, karjal da ruočči - jälgimäzel kielel on suurembigi puolistai Ruočči. Minungi mieles "ruočči vai ven'a?" on tolkutoi kyzymys. Muamankielen säilyttämizen däh školaopastukses pidäy säilyttiä "toine kodimaine kieli" , a levendäzin merkičysty muga, ku "enzimäine" da "toine" otetah joukos {suomi, ruočči, saame, karjal}.Toinah äijät Suomes ei vallittas "toizekse" saamie libo karjalua, a konzu on kyzyjiä, se opastus pidäs andua. Täs kontekstas rahvas toinah parembi ellendettäs, mindäh ven'a ei ole vaihtoehto ruočile. Kodimaizien kielien lizäkse školas pidäs opastuo yhty libo kahtu ulgomuan kieldy. Libo kui?

[mp]

Ministru nygöi on vastannuh kyzymykseh da vastavus on "ei". Pitkembän versien voi lugie täs linkis:
http://www.parliament.fi/faktatmp/utatm ... ml#VASTAUS

[Maria]

Vastavus on ei, a loppuh on kirjutettu yksi virkeh, kudai andau positiivizen kuvan dielos, gu suatas rahvas iložannu piettyy, kui hyviä piätösty luajitah..

[mp]

Tiettäväine jälgimästy virkehty valličenduilmoitukses, kui i virkehty "Oikeusministeriö suhtautui myönteisesti kyseisen asetuksen muutokseen" voi pidiä pozitiivizinnu simvoloinnu, hos i vastavuksen algu andau ellendiä, ku ukuazan muutos muu->karjal+muu nimidä ei muuttanuh. Piälolijat linkit nägöjäh jo ollah hapattu, a tekstu löydyy google ečol "KK 860/2010"

[mp]

Kirjutin uudizen kirjallizes kyzymykses Omah Muah niškoi. Eskiizu tiä: http://opastajat.net/luvekkua/penttonen/kkys.html
Ongo ellendettävy?

[Olói]

Tekstu on ellendettävy da hyvä, aina Karjalasgi tietäh karjalan kielen dielolois Suomes.
Tämä tiedo liziäy voimii Karjalan karjalazile.
Olói

[Gagarin]

Jogahini vuozi vähembi da vähembi Suomes eletäh karjalazie.
Kaksikymmendä vuotta aigažembah kui netädä ruaduo aloittanizimma ga sid i enämbi vastakaiguo suanuzimma.
A nygöin enie eule toivuo jotta karjalan kieli Suomes rahvahan kielen säilynnös. Toinah vai universitan bibliotekas.
Viäräs vai ollen ga muga parembi!

[mp]

Kuuzikymmen libo kaksikymmen vuottu aijembi kielen elävyttämine olis ollu kebjiembi migu nygöi, a nygöi se on äijiä kebjiembi migu kahtenkymmenen vuvven peräs. On tyhjy itketellä endizie aigoi, ruadua voimmo vaiku täs aijas. A ku meis ei olle ruadajikse,toinah kahteskymmenes vuvves kazvau vaigevuksii varuamatoi sugupolvi, kudai tartuu ruadoh.