Karjalan kielen professoru Jovensuun yliopistoh 1.1.2009

[mp]

Jovensuun yliopiston humanistine tiedokundu piätti 24.9.2008 luadie virguehtotuksen filolougien douhturi Petr Zaikovan nimittämizekse karjalan kielen da kul'tuuran professoran virgah 1.1.2009 algajen. Zaikov nygöi on Petroskoin valdivonyliopiston karjalan kielen professoru.

Virgu on ainavo karjalan kielen professuuru Suomes. Virgusellityksen mugah virran ruadoloih kuulutah karjalan kielen da kul'tuuran tutkimus da tutkimuksen koordinoindu, karjalan kielen opastamine da kielen säilymisty kannattai yhteiskunnalline toimindu. Professoran pidäy kannattua alan jatko-opastundua.

Professoran vuotetah kehittiä alan tutkimustu monitiijollises yhteisruavos Jovensuun yliopiston Karjalan tutkimuslaitoksen da toizien (kui Petroskoin) yliopistoloin suomen da sugukielien laitoksien da kodimaizien kielien tutkimuskeskuksen kel.

Tiedokundu käytti azientundijoinnu prof. Matti Larjavuarua (Helsingin yliopisto) da emer. prof. Seppo Suhostu (Helsingin yliopisto).

Tiedokundu työndäy virguehtotuksen yliopiston rektoran hyväksyttäväkse.

[ozakas]

Tozi hyva, gu Suomes roihes karjalan kielen professuuru, vaigu ei tiija roihesgo se hyva Karjalan karjalazile, gu meijan ainavo karjalan kielen professor pagieu Suomeh? Kuibo Karjalas rubieu kehittymah hanettah vienankarjalan murdeh? Eihai karjalazet iga kai sudre sanottu: Kala ecciy syvembia da ristikanzu parembua. Toinah hai Suomesgi luadiu aijan hyvia karjalan kielen hyvakse, kuigi Karjalas. A myo tia handy rubiemmo ilomielin vuottamah iares, myo hai ylen suvaicemmo da kunnivoicemmo meijan professorua da Karjalan rahvahan liiton johtajua.

[Pekoi]

A,kuibo nygöi Petroskoin Yliopistos?Avavuugo virgu?Onnuako kai suomelazet pättävät karjalniekat ruadoh pyrritäh!

[ozakas]

Karjalan Tazavallas on karjalan kielen dohtorakse vaitellyh vaiku yksi Pekka Zaikov, muudu pahakse mielekse, meile tal hetkel ei ole, ga tiijan gu aijoin mendyy ihan varmah roihes. A karjalan kielen laitostu Petroskoin valdivon yliopistos varmah rubieu ohjuamah kentah hanen opastujis.

[sarikku]

Tänäpäi meijän uuzi karjalan kielen da kulttuuran professoru pidi paginua tiä Jovensuun yliopistos. Enzmäi oli kuccuttu lehtilöin, radivon da sit vie televiizoran toimittajii. Erikzeh oli toine pagin yliopiston rahvahale, opastajile, tutkijoile da opastujile. Professouru pidi paginua mittumat ollah pluanat karjalan kielen opastukses, vie ei kai ole valmehet. Enzmäzet kurssat, Karjalan kielen peruskursu da Karjalan kulttuuran peruskursu, alletah kevätkuul.
Voibi olla gu televiizoras (Ylen uudiziz) ehtäl ozutetah professorua da i muidagi rahvahii. Da sit huomei voi olla meijän Karjalainen-gazetas paginua i professoras i Suomen kielipezädielois.

[sarikku]

Piätniccan 27.2.09 Jovensuun yliopiston Karjalan kielen da kulttuuran professoru Pekka Zaikov pidäy paginan "Karjalan kielen nykytilandeh". Luvendo on 14.15-16.00, Jovensuun yliopiston zualas AG100. Luvendole voibi tulla ken tahtou! Tulgua terveh!