Valentina Brendojeva
Voibigo uskuo tovekse: Valentina Brendojeva on mennyh tuonilmazih. Vastevai häi rinnal šeimi. Anus oli hänele kodi kunne häi ainos meni konzu vai oli välliä aigua, siepäi häi i lähti. Konzu hänel kyzyit, kuibo elaigu libo ruado mennäh, häi vastai: "hi'l'l'akkazeh". Se oli hänen taba. Häi oli kui aitan troppazel astui emändy, nägymätöi käzi, kudai šeimi sen mi pidi, logistiekku toimi, et ni kiinnittänyh huomivuo. Kielikursiloil käynnyzile häi oli enzimäine oigei karjalaine, kudai ei peitellyh karjalazuttu a siirdi kieldy edehpäi. Nengozennu sinuu mustammo, Valentina, hyvä ristikanzu.
Valentina Brendojeva tuonilmazih
Valvoi: verkomuagari
- mp
- Viestit: 2108
- Liittyi: 05 08 2008, 19:45
Valentina Brendojeva tuonilmazih
Jälgimäi muutti 1 päivänny mp, muutettu kaikkiedah 18 kerdua
Re: Valentina Brendojeva tuonilmazih
"Nägymätöi käzi", muga oli! I ainos vessel. Ice hänenke vastavuin Jovensuus 2000-luvun allus, kus olin kursiloi pidämäs. Minun karjalazen diedoin kuolendas oli enämbi 25 vuottu, en suannuh kieldy kuulta, a sie Valentina kursin jälles ilmestyi edeh, ylen comasti passiboici karjalakse. Sidä nikonzu ei sua unohtua, läs kyynälet minul silmispäi pakuttih gu häi kielen minul elävytti. Sit hänenke vastavuin Petroskois, koisgi sain karjalakse paista, häi laukois minul tavarat karjalakse nimitti; tual ollah sovat, tual jallacit... Minun karjalan kielen muamattah en maltais nygöi karjalakse kirjuttua. Olgah mua sinul höyhenenny, Valentina!
Re: Valentina Brendojeva tuonilmazih
Ezmäine kerdu oli viime kezä, gu vastavuin Valentinan kel Veškelykses. Häi jiäy minun mieleh ristikanzannu ken oli iloine da avvuttai, tovelline karjalaine. Kaikel hyväl händy mustelen.
Re: Valentina Brendojeva tuonilmazih
Hyvä da lämmin musto jäi Valentinas. Kebiet mullat armahal karjalazel naizel.
- mp
- Viestit: 2108
- Liittyi: 05 08 2008, 19:45
Re: Valentina Brendojeva tuonilmazih
Livvin kezäkursiloil käynnyöt suvaičimmo Valentina Brendojevua. Ken tahtou kävvä kaččomas, kus Valentina nygöi maguau, nenga löydyy:
- Lähte Anukses Sordavalhpäi. Kus Anuksenlinnu lopeh, tien mollembin puolin on rauduaidu, hedi sen jälgeh hural puolel lähtöy (nimetöi) dorogu Kuunilah.
- Puolen kilometrua ajettuu oigiel puolel on kirikkö da kalmoimua.
- Astu dorogua myö nenga sada metrii kirikös siiričči.
- Dorogan vieres oigiel puolel on madal 1941-1945 voinumonumentu suuril noumeroloil.
- Astu vie puolenkymmendy metrua iellehpäi valpahansinizel aijal ymbäröijyn kalman kohtah da kačo loitombi dorogas, nenga 30 metrua, sie nägyy kuvan oigien yläčupun monumentu, valgei vinonellikulmikko, sen yläpuolel kolmen metran piäs on Valentinan kivi.