Brendojevan festivuali 6.9.2010

[mp]

Täl tieduo tämän vuodine Brendojevan festivuali pietäh Anukses ezmässargen 6.9.2010. Enämbiä en vie tiijä.

[AnneMari]

Ezmässargen! A voi voi, ylen huono dielo. Nedälinloppu olis parembi aigu.

[mp]

Päivy da paikku ollah kui sanottu. Ohjelmua vie ei ole luajittu.

[mp]

Tiä meijän kieli eläy kaikes
karjalazen kirjallizuon festivuali
Muuzikkuškola, Uritskoin uuličču 3, Anus
6.9.2010

Ohjelmu (muutoksenalaine)

8:30- 9:00 Registriiruičendu
9:00-10:00 V.E. Brendojevan kalmoil käyndy

10:00 "Tiä meijän kieli eläy kaikes" tiijollis-praktikallizen konferensien avuandu
10:15 Festivualan 10 vuottu. G.I. Černobrovkin, kirjaston johtai
10:30 Rahvahallizen poliitiekan ministerstvan paginat, teema tarkenduu
10:40 Karjalan kielen opastus algukursoil. S.V. Rudakova, PVY, karjalan kielen laitos
10:50 Karjalan kielen opastamine lapsile. T. Ščerbakova
11:00 Lapsien ruavot "Kipinä" žurnualas. N.V. Denisova, "Kipinän" piätoimittai
11:10 "Oma Mua" egläi, tänäpäi, huomei. "Oman Muan" toimitus
11:20 Karjalakse kirjuttajien tuotanduo koskii seminuaru, käytännöllizii kyzymyksii. Periodika
11:30 Karjalaine kirjallizus: kirjuttai, lugii, toimitus. Periodika
11:40 Tverin karjalazien alovehellizen kul'tuuruautonoumien ruado. N.A. Turičev
11:50 Karjalazien yhtistyksien yhteisruado V.V. Lukin

12:00 koufeipauzu

12:20 "Heliäy runoine omal kielel..." Brendojev CD:n ezittely. P.G. Mikšijev
12:50 Siämärveläzen paginan žemčugu-kerrostumat. O.V. Ivanova
13:00 Karjalan kieli Suomes. Timo Munne, Karjalan Kielen Seura
13:10 Kielen elävyttämine - kenen dielo? Sanna-Riikka Knuuttila. UEF
13:20 Karjalan rahvahan perindehellizet instrumentat. I.B. Semakova
13:30 Anuksen muzei. (teema tarkenduu)
13:40 Vahnat kirjat opastetah. Martti Penttonen
??:?? G. Makarov - Sammatuksen kuulužu tiodomies. Ks. Tel'nova
??:?? Anuksen linnan pihat da mustomerkit. I. Savin

14:00 Murgin

15:00 Ozutelmu "Armahus da kyyhköit". Tilkuzet, ohjuaju R.F. Kudžijeva

Kiännös ven'aspäi ilmai sanakniigua, voi olla hairehii / mp

[Pedrunnybly]

"Karjalazien yhtistyksien yhteisruado (???) V.V. Lukin"

Mindähbo täs on sinul kolme kyzymysmerkii?

[mp]

Sen kohtan vikse kudakui oigei kiännin, hos lyhendäjen.Toizii rubriekkoi kohendelin. Net viegi lizetäh da sendäh aijat muututah.

[mp]

Festivualih tuli vajuat sada hengie, enimät KT:späi, nelli hengie Tverispäi da kuuzi Suomespäi. Täl kerdua paginat mendih enämbi ven'akse migu jälgivuozinnu - paginois nelläs vuitti piettih karjalakse - suomelazien gostien lizäkse vaiku Tamara Ščerbakova, Valentina Libertsova da Ivan Savin paistih karjalakse. Tavan mugah kaikin sanottih karjalakse "Terveh hyvä rahvas" da sit muutettih kieli ven'akse, kengo sikse ku oli ičele kebjiembi, kengo sikse ko olis kuulijoile kebjiembi, ga minule enimät paginat jiädih ellendämättäh. Ihan varmu ei ole jatkuugo jogavuodine festivuali da ku jatkunnou, kus? Yhtelläh, hyvä oli paista karjalazien ystävienke da videleläzien Tilkuzien karjalankieline teatruezitys oli erinomaine.

[Pekoi]

Turistannu piäzin itšegi festivualii kuundelemah,a en jo kogo aigua olluh paikal.
Syväimeh kävyi gu runoniekan kalmal karjalazet tuatat Boris da Puavil sluužittih da riskanzat tuohukset kalman piäl lykättih.
I festivualizualas Tamara Štšerbakovan "karjal heläi"!

[mp]

Riputin oman konferensiipaginan täh ozutteheh: http://opastajat.net/luvekkua/penttonen ... irjat.html
Tekstunäyttehii sie en kerrinnyh lugemah.