Karjalaiset heimojuhlat Nurmeksen Bomballa

[Pekoi]

Dogadin,što suovattan pietäh karjalankieline ehtyšluuzbu da pyhänpiän liturgii!!!
Se jo on uudine!Net ollah 24. da 25. päivy heinykuudu.Ken tiedännöy enembi,kirjutakkah.

[mp]

Tämän nedälin Omas Muas (2010/22) oli ohjelmu. Kopiruičen:

Heimopäivät Nurmekses
Suomes Nurmes-linnas 23.-25. heinykuudu pietäh karjalaine heimopruazniekku.

23.07.2010, piätteniččy
11.00 ­ seminuaru "Karjalan kieli da kultuuru" Nurmes-talois.
13.30 ­ paginua pidämäh ruvetah arhijepiskoppu Leo, Pekka Zaikov, Tapio Hämynen, L'udmila Markianova, Raija Pyöli, Matti Jeskanen, Marja Torikka da Annika Pasanen.
19.00 ­ spektakli "Karjalazien doroga", Nurmes-taloi.

24.07.2010, Suovattu
9.00 ­ Bomban torin avajazet, toril päivän aigua roih kaikenmostu piduo.
9.30 ­ Bomban časounal mustellah sodavangiloi.
10.00 ­ Gr'uuhat Nurmeksen keskuskentäl.
10.30 ­ Seuroin vuozikerähmöt.
15.00 ­ Suojärven pitäjäseuran vuozikerähmö.
18.00 ­ Karjalankieline sluužbu Pedrun da Puavilan kirikös.
19.00 ­ Koivu da tiähti -ezitys Bomban kezäteatras.
21.00 ­ Čuajut Bomban talois.

25.07.2010, pyhäpäivy
9.00 ­ Karjalankieline liturgii Pedrun da Puavilan kirikös.
10.00 ­ Messut Nurmeksen l'uterilazes kirikös.
11.15 ­ Mustelendupido Karjalah jiännyzien mustopaččahal.
12.00 ­ Pruazniekkustola.
13.30 ­ Kukkien panendu da virzi Ogoin runonpajattajan mustopaččahal.
13.55 ­ Lippukulgendu pruazniekan piendykohtah.
14.00 ­ Pruazniekku Bomban kezäteatras.

Kučummo mollembien puolien karjalazii yhtehizeh heimopruazniekkah.

[AnneMari]

Minun pidäy lizätä täh, gu Santtu Karhu & Talvisovat ozuttelou estruadal piätenčynny 21.00. Tulgua kuundelemah karjalazii pajoloi!

[mp]

Tiedäygo ken täs midä?

[Manutar]

Minä olin Nurmekses suovattan, kirikös kävin palvelukses ehtäl da liturgiis pyhäpiän. Karjalakse piettih mollembat. Ylen oli komie kuulta Viktor Jetsun Sanan luvendua. Oza pajolois pajatettih karjalakse da Arhiepiskouppu pidi proupovedin myös karjalakse. Hyväl mielel sain lähtie kirikös.
Muuh ohjelmah ei minul olluh mahto ottua ozua.

[Kirilä]

Täh minun on pidänyh kirjuttua jo aijembah, prostikkua!! Äijän on passiboitu pruazniekkua, sih näh hyväs mieles olemmo järjestäjinny.

Kieliseminuaras oli monenjyttyh pagizijua. Ičel mieleh jäi gu oli huoldu varzinkarjalan kirjutuksis. Livvin murdehel on äijiä kirjuttajia gu läs kai Ven'an puolen karjalazet kirjuttajat kirjutetah livvikse, on oma lehti da radivo dmi. Varzinkarjalan pagizijua on äijän vai kirjutuksii ei ole kus voibi opastuo sih näh. Miulgi varzinkarjalazet juuret ollah vai kieli libuu livvikse da samal köyhtyy ku kai matrejualat ollah livvikse. Toine dielo jäi seminuaras mieleh oli Annika Pasasen pagin kielipezis da kielen elavuttamiseh näh. Nareko luullah da toivotah gu kirjutukset da pruazniekkapaginat elavutettas karjalan kieli. Ainavo taba elavuttua karjalan kieles vie jogapäiväine kieli da kazvattua uuzi karjalan kieldä malttava sugupolvi on kielipezät.

Santtu Karhun keikka oli ylen hyvä. Rahvasta kuundelemas oli nenga 140. Rokki-illačuis eziintyi Timo Munnegi, kudai oli illan izändä.

Da tiettävän'i sluuzbat oldih hyvät kohtat hiljendyö da kuulla molimizet da muutgi tekstat karjalakse.

[Gagarin]

Mie i muga duumaitshen kui Kirilä netshis kirjutti, jotta mindäh ei suvikarjalaks ylen äijä nävy kirjutuksie?
Voinan jälgeh kui karjalaset tänne "Ruottshih" tuldih ga enämbi jo sih aigah taki suvikarjalan pagizijie heis oli.
A nygöin livvi on roinnuh erähänmoizeks kniigakieleks kaigil, kudamat karjalaks kirjutetah.
Eihäi se paha dielo ole, jotta vähä vähäzel jogahini rubieu yhteh luaduh kirjuttamah - mugahai kniigakielet roitah,
a karjalan kohal vai vienan murreh da livvi vesma loitol ollah toini toizes i sendäh nesthemmoini suvikarjalan paginluadu
ehkis paras silda "kahen kielen" kesses oliz. Karjalan kieli on pikkaraini kieli i emmä sua monie kniigakielilöi luadie.
Emmä i sua zavodie toruamah kessenäh mibä murreh paras liennou.
A jygie on ellendiä livvin vägevyttä. Mäntie suvikarjalua ei enie alguperäzil sijoil ylen äijä paissa i sendäh livvi on roinnuh
kniigakieleks kui Anukses vie enämbi karjalan hieruloi on jäl'l'el.