Tiedoturvudieluo

Foruman tarkoitus, registriiruičendu, näppäimistöazetukset

Valvoi: verkomuagari

BUTTON_POST_REPLY
Käyttäjän avatar
mp
Viestit: 2104
Liittyi: 05 08 2008, 19:45

Tiedoturvudieluo

Viesti Kirjuttai mp »

opastajat.net:as forumanke, kui i minun luajittulois da ylläpiettylöis karjalankielenkodi.net da karjalankieliopit.net sivustolois on nygöi mahto käyttiä sll-protokollua, ts. sertifikuattii da peittokirjutustu, ku vai livaimele kirjutetah https://opastajat.net i m.i. Oligo muutos tarbehelline vai ei, en tiijä, a erähät livaimet ollah ruvettu jasattamah http:n käytös. Minun tiedämiä tovellistu varavuo nikonzu ei olluh. Ihan allus erähät robotat opittih työndiä mainoksii forumah, a se loppih ottamal käyttöh karjalankieline antibot-kyzymys. Toizel kerral linki erähäle NPLD sivule salbai foruman - se sivu oli meile mieldykiinittäi a vikse sinne oli tungiettu midälienne varattavua, palvelin sen huomai da salbai foruman ku haittuohjelmu ei levies. Nygöi suurien tiedokoneh- da internettufirmoin, kui Microsoft da Google, ohjelmat ruvetah tundumah haittuohjelmil, ku net peitoči kerätäh meis tieduo da myvväh ielleh, da varuamattah livain tahtou säilyttiä bankučottua da toizii peitettävii tiedoloi tiedokonehel.

Käyttäjän avatar
mp
Viestit: 2104
Liittyi: 05 08 2008, 19:45

Re: Tiedoturvudieluo

Viesti Kirjuttai mp »

Lukku-ikonaine adressi-ikkunas ozuttau, ongo suojattu yhtevys käytös vai ei. Erähät livaimet automuattizesti käytetäh, libo net voi käskie käyttämäh suojattuu siirduo, toizis pidäy adresin edeh kirjuttua https://, toinah on vie nengomiigi livaimii kuduat ei tundieta https siirduo.

Erähät (tiähtel merkityt) opastajat.net sivustot (ezim. riputandupačas, kielioppi) oldih hätken salvas, ku uvvembat javat/livaimet ei hyväksytty java-ohjelmii ilmai sertifikuattoi. Ottavuin kaččomah uuzil javoil da livaimil, voibigo net sivustot suaha ruadamah nämienke. https://opastajat.net sivuston algusivul (tiähten tagan) on linki, kus nevvotah, kui net voi suaha ruadamah Linuxas da Windowsas. Toinah net ohjelmat pidäs kogonah uvvelleh kirjuttua, ku nengomii virityksii ei tarvittas.

P.S. Ollahhäi net opastusohjelmat kaiken aigua toimittu vahnoil javoil, turvallizesti ilmai internettua, Tiedotehniekku cdromal, kudamua on täl forumal muijal ezitelty. Ga sidä ei ole kyzelty.

BUTTON_POST_REPLY