Pidäygo karjalankielisty forumua?

[ylläpidäi]

2010 tuhukuus opastajat.net
- forumua lugiettih 1026 kerdua
- forumale kirjutettih 43 kerdua
- kirjuttajua Suomes da Ven'al 5+1, 2+2 ei tävvy!
Muite hyvä, a "forumu yhteh liittäy" ei päi ku Ven'an puolen kirjuttajua on vaiku yksi. Pidänöy lugie Dessoilaspäi opastajat.net sivustole tulluot ozutukset forumukirjutuksien jatkokse, ku 2+2 täydys. Nenga piäzemmö kuukavvel edehpäi. Tuhukuun "moločču" on Maria, kudai työndi ylen mieldykiinnittäjiä viestii!

[ylläpidäi]

2010 kevätkuus
- forumua lugiettih 1338 kerdua
- forumale kirjutettih 52 kerdua
- forumale kirjutti Suomes da Ven'al 6+0 hengie
Hyvät uudizet ollah, ku forumua lugiettih enämbi migu nikonzu da uuttu kirjutustugi suittui. Huono uudine on se, ku Ven'an karjalazien vuitti käyttäjis pienenöy da kirjutustu siepäi ei tulluh ni yhty! Yksi foruman piätavoittehis on olluh yhtistiä karjalazii yli rajan - täs kohtas forumu ebäonnistuu täyzin. Yhtelkerdua vähenöy motiivu kirjuttua karjalakse, karjalazien yhtehizel kielel. Kävyn Petroskois sulakuus. Löydänengo kedä kenel himoittas kirjuttua sen čuran kuulumizis forumale?

[ylläpidäi]

2010 sulakuun statistiekku:
- forumua lugiettih 1143 kerdua
- forumale kirjutettih 40 kerdua
- kirjuttajua Suomes (minuttah) da Ven'al 5+3
Noumerot ollah tovellizuttu čomembat: Ven'an puolel kirjutukset roittih urokal - ilmai niidy Ven'an Karjalaspäi ei ni yhty.

Forumalpäi pakutah, ket ei olla kirjutettu kahteh kuukaudeh, ga tiettäväine voijah uvvessah registriiruijakseh, endizel nimelgi ku niken ei olle ottanuh sidä nimie sil välil. Kirjuttamattah uuzi registriiruicendu pädöy tulien kuun loppussah.

[ylläpidäi]

Arvon oraskuus forumale kirjuttajien kesken (Suomes libo Karjalan tazavallas) "Oma Pajo" karel'skij narodnyi horan cd-diskan kudaman ohjelmu on kuvas:

Juohtuu mieleh Natalja Antonovan kerdomus opastunduaijal. Heidy vikse oli pyvvetty kirjuttamah, midä kuuluzua on kenengi kodikyläl. Häi kirjutti: ... "sit meil vie on kanzalline huora"

[Kirilä]

Vai kanzalline huora? Moine onnuako oli ammui Anukses. Mužikat kyzyttih hindua da eräs vastai Matfeile: "A sinä ylen čoma briha olet. Sinule ei maksa ni midä" Prostikkua minuu riähkätukkuu ku moizii kirjutan! Hyvä diskua arvotah, pidäy ristikanzat kirjuttua forumale! Dai vie kerduo dovariššoil gu kirjutettas hyögi!

[ylläpidäi]

Oraskuun statistiekku:
forumua lugiettu 1328 kerdua
forumale kirjutettu 28 kerdua
kirjuttajua (minuttah) Suomes da Ven'al 5+0
Arvonnas Oman Pajon cd puutui Mariale, kudamal enimbän arbulippuziigi oli. Fortun-akkazennu ruadoi Pythonan randomint(). Työnnän cd:n nedälin peräs matkan jälgeh.

[Maria]

Arvonnas Oman Pajon cd puutui Mariale, kudamal enimbän arbulippuziigi oli. Fortun-akkazennu ruadoi Pythonan randomint(). Työnnän cd:n nedälin peräs matkan jälgeh.

Oi, äijäl passibuo sinule, da Pythonale tiettäväine Voin uskaldua gu hora meijän kois ylen äijäl pajattau

[ylläpidäi]

Sain Petroskois kävves kirjuttajan käispäi liijan palan P. Sem'onovan "Vallittuloi kerdomuksii" (Rodinjärvi). Se kirju minul jo oli, sendäh arvon sen kezäkuus forumale kirjuttajien kesken.

Elokuus forumale tulou kaksi vuottu. Vuozi tagaperin rubein kaččomah, min verdu tänne kirjutetah. Azetin tavoittehen: ku joga kuus Suomes da Ven'al ollou hos 2+2 kirjuttajua, piemmö foruman. Tänä vuon jo mondu kerdua tämä tavoiteh ei täydynyh, ei tule viestii Ven'alpäi, eigo Suomen puolelgi kirjuttajii ole liigua - suuret passibot heile, ket ollah kirjutettu. Lugijoin miäry toinah on ližävynnyh, a forumuhäi ei ole blogi libo lehti, foruman tarkoitus on vuorovaikutukselline. Täs ei roinnuh Suomen da Ven'an karjalazien yhtehisty karjalankielisty forumua. Käytin slouganua "ainavo kogonah karjalankieline forumu" ga vikse yksigi on liigua. Ku ei "kukki ruvenne munimah", salbuammo foruman elokuus. Elokuuh on vie läs kaksi kuudu aigua - ongo kel vaihtoehtozii idejoi?

[sarikku]

Hyvä Ylläpidäi,
älä sinä ainos cotaice äijygo hengii forumale on kirjutannuh. Sit vaigu cakkuat, pahas mieles olemmo myö pikkuvähäzetgi kirjuttajat.
Onhäi kaikil meil i muudugi ruaduo, anna hot myö vähin vähäzin kirjuttelemmo.

[ylläpidäi]

opastajat.net/forum salbavuu 1.8.2010 kirjuttajien vähyön däh.

Forumu voi jatkuo ku löydynöy kumbazelgi puolel rajua kolme "kandujäzendy", kuduat uskaldetah kirjuttua (iče libo dovarišoinke) forumale hos kerran kuus. Tiettäväine, sih menöy toinah 3 vuvven 8760 čuasus, muamankielen hyväkse. Ku ken joudanou, voi ilmoittauduo kandujäzenekse forumači libo työndämäl poštua täl lippuzel http://opastajat.net/tmp/ozuteh.jpg löydyjäh ozutteheh.