Re: Tämän foruman tarkoitus
Työnnetty: 19 08 2013, 15:30
erähät 20-vuodihizet ollah ku 80-vuodihizet, da erähät 80-vuodihizet ruatah kui nuoret da ehtitäh joga kohtah, nengomii tiettäväine ei ole äijy. Igä ei ole piäkriterii. Yksikai on lapsii, nuorii, keski-igähizii da ruavastu rahvastu. Kielen kehittämizes pidäs ottua kaikenigähizet huomivoh, Nygöi minun mieles lapset jiähäh bokkah läs kogonah. Nämmii dieloloi duumaicen KKK:n täh. Karjalan kielen aktivistat tiettäväine maltetah lugie da kirjuttua, lövvetäh tieduo icegi. Kuibo suammo karjalankielizii palvelui, kudamat kehitetäh, primieräkse, 15-vuodehizen brihan karjalan kieldy, kudai ellendäy karjalakse da ice ei pagize? Kuibo suammo 60-vuodehizen muzikan stolan tagan opastumah lugemah? Kuibo suammo Igä elä, igä opastu-printsipan leviembäh käyttöh? Nygöi erähät 60-vuodehizet duumaijah ku hyö ollah jo vahnat, da heil ei maksa ruveta opastumah nimidä uuttu. Minuu mielyttäy sanondu: ei ole pahoi opastujii, on malttamattomii opastajii. Näen kui omat tyttäret juostah toizen opastajan urokale, toizen opastujan uroka ei tahtota mennä nivouse. Kuibo suammo KKK:h nengoman atmosferan, kudai tuou rahvahan? Äijy on kyzymyksii, kolmen vuvven peräs olemmo viizahambat