Karjalankieline forumu

Foruman tarkoitus, registriiruičendu, näppäimistöazetukset

Valvoi: verkomuagari

Manutar

Re: Karjalankieline forumu

Viesti Kirjuttai Manutar »

Kinnermäil vuozi tagaperin kävin, ylen on coma hieru.
Karjalaksegi sai paista. Äijän on sie ruattu da aigah suatu.

Olói

Re: Karjalankieline forumu

Viesti Kirjuttai Olói »

Passibot, Manutar, hyvis sanolois.
Minun muamo on rodinnuhes Kinnermäl. Vaigu iče olen rodinnuhes Petroskois, pien Kinnermyä roindupaikannu.
Konzu kävyin Venán mual, esimerkikse Moskovan al, ovvostin, što en ole venálaine, nygöi Suomes eläjes vie parembah tunnen omii karjalazii juurii.
Kinnermyä akkiloijah kui suomelazet arhitektorat, muga i oma rahvas. Jogahine kandau oman rikan suabrah.
Joga vuottu luajimmo midä tahto uuttu, nenga kymmenes vuvves rodieu hyvii tuloksii.
Terveh tulgua Kinnermäl!
Olói

Käyttäjän avatar
mp
Viestit: 2104
Liittyi: 05 08 2008, 19:45

Re: Karjalankieline forumu

Viesti Kirjuttai mp »

Passibo Olói ystävällizis sanois täs da toizisgi viestilöis. Omua Muady ičegi olen oppinuh levitellä, irdonoumeroloilla da tiluamalgi, ga nägöjäh ei ole ylen tartučču olluh eigo levinnyh epideemiekse. Lehtel on 700 tiluajua, a karjalazien luguh verraten tiluajumiäryhäi vois olla monikymmenkerdahine. Suomes enne oli 70 tiluajua, a konzu tilavuksien myöndy siirdyi Suomalaizel Kirjakaupalpäi Ruslaniale da hindy jyrkäh nouzi, se vähendi tilavuksii. Ruslanian kauti nygöi vikse menöy kymmene-kaksikymmendy tilavustu. KKS rubei jagamah lehtie kerran kuus huogiembal hinnal, niidy tilavuksii on nellikymmendy da se lugu hil'l'akkazeh kazvau. Suomen karjalazet vikse vähäzen ovvostetah, ku se on vierahan valdivon lehti kudamas erähiči kuuluu izändän iäni: silloi toiči tazavallan tata pagizou da šovinistizii kirjutuksii 1941-1945 izänmuallizes voinas čomendetah medaliryhdähizet starikat. Olis vai kolmekymmentuhattu tiluajua, da lehtigi vois olla valdivos rippumattomambi. Yhtelläh se on minun mieles tärgevimii karjalan kieldy ylläpidäjii da kehittäjii institutsieloi nygözel aijal.

Olói

Re: Karjalankieline forumu

Viesti Kirjuttai Olói »

Sen täh minägi tiluan Oma Mua-lehtie, gu lehti olis rippumatoi valdivos da virguniekat nähtäs, što karjalazet tarvitah omakielisty lehtie. Yhtelläh Oma Mua-lehti on enämbäl rippumatoi muih venánkielizih lehtih nähte. Nygyaijal ei voi ni duumaija, gu venánkielizis lehtis olis kirjutustu Karjalan histouries 20-luvul.
On hyvä dielo, ku Oma Mua-lehteh kirjutetah kui Ven´an muga i Suomen karjalazet. Vähin vähizin karjalazet ellendetäh, što pidäs vältämättäh suaha yhtehizen kirjukielen da yhtistiä omii vägilöi. On hyvä olla karjalaine, gu karjalazet ollah optimistoi ;)

BUTTON_POST_REPLY