opastajat.net/forum

Statistiekan (tämän čiepin ezmäzes viestis) da pačasdiagraman http://opastajat.net/tmp/stats.html lizäkse ezmästy kerdua luajiin pačasdiagraman http://opastajat.net/tmp/vuozistats.html vuozikeskiarvolois. Vuozitazol selgieh nägöy, gu luvendu lizenöy, ga se ei kazvata kirjuttajien da kirjutuksien miäriä - net vähetäh. Uuttu kirjuttajua ei tule. A ku kirjuttajat da kirjutukset kogonah hävitänneh, sit vahnoi tekstoigo rubiemmo lugemah?

Pakkaskuun statistiekku nägyy jo nygöi. Tuhukuu on lyhyt, siirrin puoli päiviä pakkaskuuspäi tuhukuuh. (On toinegi syy, kuun vaihtujes da nygöigi dorogal)

Statistiekoin mugah forumua lugietah kymmene tuhattu kerdua kuukavves, se olis kolmesadua kerdua päiväs. Päivystatistiekan mugah kävijiä on puolensadua-sada, a yksittäzien viestilöin mugah nenga kymmen. Kui voi sellittiä? Suurimua luguo toinah sellitetäh eččokonehien robotat kudamii ei čotaija päivystatistiekkoih. Päivystatistiekois suuri vuitti toinah ollah net kriminualat, kuduat opitah val'l'astua forumoi omih hyökkävysverkoloih - yli suan kävijän luvut toinah tarkoitetah mostu valdahottoyričysty. Tovellizii lugijoi, viestilöin luvendas piätellen, on nenga kymmene päiväs, joukos moiziigi kuduat nikonzu ei olla oldu jäzenet. Jäzenlugu on nenga viizitostu. Täs luvus on kymmene, kuduat silloi-toiči kirjutetah, puolenkymmendy vaihtujua, kuduat kannatetah forumua liittymäl, ga ei kirjuteta. Foruman käytändön mugah kirjuttamattomat pakutah kolmes kuus, ga tulou uuttu jäzendy, da kirjuttajuagi, sen verran kui endisty kirjuttajua häviey. Nenga menöy elaigu muailman suurimal karjalankielizel forumal.

Tuhukuun 2013 statistiekku kačottavannu tämän čiepin allus

2013/03 lizätty taulukkoh da pačasdiagrammah. Kirjuttajua on vähä.

2013/04 statistiekat taulukko da pačasdiagrammu päivitetty. 13 jäzenes 2 on pakunduvaravos.

Statistiekat da pačasdiagrammu päivitetty 2013/05 sah.

Hos kirjutuksien miäry ei ole kazvanuh da kaccomizen miäry on kazvanuh, sit opastajat.net kiinnitetäh mieldy

Kezäl forumale tulou viizi vuottu. Jo ezmäzen vuvven jälgeh ozutihes ku tämä ei kazva forumakse. Libo karjalazet ei malteta paista, ei malteta kirjuttua libo ylläpidäi haižou pahale. Hos i luvendoin lugu on kazvanuh, kirjuttajien lugu vähenöy, ts. tämä meedii loittonou forumas da lähenöy blogua. Forumuhäi on paikku, kus rahvas julgizesti ezittäy omii azieloi. Toinah luvendoin lizenemine kazvattaugi kynnysty ruveta kirjuttamah. Toinah muite voisgi muuttua blogakse, ga täs forumuohjelmas on se edu, ku täh voi hyvin luokitella aziet da niilöi voi kačella jälgehpäigi. Kirjuttajien lugu, ku ylläpidäjiä sivurouliloinke ei čotaija, on nenga puoli d'uužinua, jäzenluvettelos pyzytäh net ket kirjutetah hos kaksi sanua joga nelländesvuozi, ku ei pakutah, olgah ministru, artistu libo muu kuuluzus. Ken sanou kaheksa sanua vuvves karjalakse, vie ei täytä muailmua karjalan kielel.

Hos ei kirjuttajua, ga on lugijua, kusgo moine lugu, ga ihan pöllästyin kaččojes tieduo ku 36 gost'ua forumal yhtelaigua.