Statistiekkua

[ylläpidäi]

Vuvven allus kirjutin, ku nelländenny roindupäivänny elokuus pidänöy loppie forumu ku käyttö ei ruvenne lizenemäh. Statistiekan http://opastajat.net/forum/viewtopic.php?f=7&t=303 libo http://opastajat.net/tmp/stats.html (pačasdiagrammannu) mugah, eibo ole ruvennuh. Ylläpidäjän/mp:n lizäkse on nenga kaksi kolme kirjuttajua, sidä voinnougo sanuo forumakse? Elokuuh on kaksi kuudu aigua, astunougo häkki hamarah?

[Olói]

Minun mieles tämän foruman dielot ei mennä pahoi. Kacoin vedlozero.ru - saitan statistiekkua, sie päiväs kävyy enämbi ku 1000 lugijua, a uuzii kirjutuksii forumah tulou harvembah ku yksi kuus. Yksikai rahvas lugou kirjutuksii da mielii.

[Pekoi]

Eigo sua Petroskoin yliopistoh libo Lönnrotan školah urokoil erähänmostu tuttavundua forumah?

[mp]

Sulakuus opingi kuččuo Petroskoin yliopiston opastujii forumale - eibo tartunuh.

[ylläpidäi]

Lizäin 2012/07 statistiekan.Kaksi kolme kerdua foruman nellivuodizen histourien aijannu olen ruvennuh ebäilemäh foruman hengispyzyndiä, jälgimäi tämän vuvven allus. Kyzyin, olisgo foruman nelläs roindupäivy samal muahpanendupäivy. Moizen kyzelyn jälgeh forumu kodvazekse elävöidyy, kuni uvvelleh rubeiu väzymäh. Heinykuun statistiekku ei ole huonombi eigo parembi migu pakkaskuun statistiekku. En rubie vie salbuamah, toinah vie löydyy kirjuttajua. Ga duumaičen, rubien iče kodvazekse kirjutandulakkoh (-zabastouhkah) da salbuan mp:ngi suun. Kačommo, ongo foruman tarviččijua, t.s. kirjuttajua.

[Pedrunnybly]

Hyvä! Opimmo kirjuttua.

[ylläpidäi]

Kačoin kaksi nedälii forumua bokaspäi. Passibot Mariale, Olóile da Pedrunnybläle kirjuttelus. Da D'el'alegi. Täl aktiivizuol forumu ei uppuo. Ga vähä meidy on. Voimattumine libo matkoil olo kerras nävytäh. Vois duumaija, ku kymmenis tuhanzis karjalazis löydys enämbi kymmendy, kudamil on midä tahto sanottavua joga kolmas kuu libo puaksumbah.

Gu kačon tuaksepäi, midä da kui forumale on kirjutettu, olen hyväs mieles, ku kirjutukset ollah oldu aziellizet da foruman teeman mugahizet. Vaiku yksi libo kaksi kirjutustu kaikkiedah on otettu iäre - netgi kielen periä - tämä forumuhäi on umbikarjalaine. Toizien abeitustu vouse ei ole olluh. Forumu jatkukkah - ga statistiekat joga kuun lopus kačommo.

[sarikku]

Uraa!

[Pedrunnybly]

Uraa minusgipäi!

[mp]

Hedi ku mp uvvessah rubei kirjuttamah, toizet kerras häivyttih. Sudre käin huondespezol.