Statistiekkua

[Ruisräkäččy]

Nygöi minul on huigei ku en ole ni puaksuh kirjuttanu . Prostikkua minuu gor`arukkua. Tiettäväine kezälomal äijy matkoil olin, vaiku yhten nedälin kois. Nu, tänpiän ruavot allettih i elos ehki mittuzentah ritman suannou, što forumale parembaseh ehtin. Nygöi vai iččie niskaspäi kiinni. Onhäi tämä forumu ylen hyvä da tarbehelline!

[mp]

Älä sudre huijustele, olit yksi nelläs! Ruisräkäccy, hos i sinne tänne lendeli heinykuun, kergei lendelylöin välil toizilegi kerdomah midä nägi.

[mp]

Sanaine foruman tilandehes.

Mennyt vuon foruman hillettyy kyzelin "kandujäzenii" kuduat kirjutettas hos kerran kuus. Se vaikuttigi puolen vuottu - no erähät ollah oldu kaiken aigua aktiivizet. Kuibo nygöi? Nygöine jäzenlugu 17 ozutahes foruman jäzeluvukse aiga suurekse a sit luvus puolet on tyhjiä: Otan iäreh iččeni sivupersounoinke, kolme jäzendy, kuduat ollah läs kolme kuudu kirjuttamattomat zombit, kaksi jäzendy kuduat ei olla kirjutettu kahteh kuuh, da kaksi uuttu jäzendy kuduat vie ei kirjutettu, jällele jiä seiččie hengie, kuduat ollah kirjutettu jälgimäzen kahten kuun aigua hos kerran. Ku yksi kaksi enämbi kirjuttajua läzevys libo matkuas loitos, aiga kuolluh olis forumu. Ku vai löydys kaksi kolme "korrespondentua" KT:n puolel, kuduat silloi toiči kirjutettas, midä omal čupul on tapahtumas, se äijäl kohendas forumua.

[Olói]

Venánkielizel forumal Olemmo karjalazet (venákse vaiku kirjutetah, harvoi karjalakse) on enämbi 600 jäzenii, da sie vie harvembah kirjutetah. Minun mieles tämä on tolkkuforum (pagizemmo dielolois, emmo vetty vala), sendäh on kirjutustugi vähembi. Ice kirjutan kun on dieluo, libo minul pidäy suaha abuu da nevvuo karjalan kielen dielolois. Minun mieles täl forumal on ristikanzoi, kuduat ei ruveta facebookih kirjuttamah joga toine minuuttu:)

[Maria]

Toinah se yhtelaigua on hyvä da huono dielo, kirjuttua vaiku konzu putin dieluo on. Toinah enämbi pidäs sidä-tädä jogapäivästy kirjuttua, kenbo sieneh kävyi, mittumua siendy löydyi, midäbo lapsienke tänäpäi on kižattu, mittumua syömisty kengi luadi, mittumal retseptal, kui pidäs oppie siirdiä vahnua videomaterjualua lentalpäi tiedokonehele konzu suas vehkehet siirrettyy toizeh pertih, mittune umbitöhlö oli bussan šouferi, ni vuottanuh ku istumah pienienke piäzemmö, ga ajamah lähti.

[Olói]

Nenga on! Da minul on oma ”facebook” telefonan kauti. Joga päiviä soitan muamale, karjalakse pagizemmo, sit sanelen kaiken da enämbigi. Konzu puoli čuassuu päiväs pagizet elaigahnäh sit ei jiä ku dieloloi forumale

[mp]

Hyvin sellitättö. Sotsialine meedii on ylen ebästabiilu. Ku kirjutukset da kirjuttajat lizetäh, kirjuttamine roih kebjiembi da raviembi migu ajatus, tolkuttomuksissah. A konzu kirjuttajat da kirjutukset ruvetah vähenemäh, roih jygiekse kirjuttua hos i kui tärgiedy da kiirehellisty sanottavua olis. A ku yksi äijän kirjuttau, sit toizet ruvetah duumaiččemah, anna kirjuttau, en rubie kilbailemah. Sendäh mulloi kyzelin jogakuuhizii kirjuttajii, jatkuvuon da stabiilizuon däh.

[ylläpidäi]

Elokuun statistiekku ozuttau ku keskikezäl peitos olluot kirjuttajat ollah tuldu järilleh mečispäi. Kirjuttajien da kirjutuksien miärät ollah läs samal tazol ku vuozi tagaperin. Päivännouzukarjalastu kirjuttajua vai ei ole.

[ylläpidäi]

Syvyskuun statistiekku http://opastajat.net/forum/viewtopic.php?f=7&t=303 on tazaine, kirjuttajinnu net, ket tässahgi ollah pietty forumua elos.

[ylläpidäi]

Alahpäi menöy forumu: http://opastajat.net/tmp/stats.html - kirjutuksis kaksi kolmattu vuittii ollah perustajan kirjutetut.