Ezittäydymine

Foruman tarkoitus, registriiruičendu, näppäimistöazetukset

Valvoi: verkomuagari

Sinilind
Viestit: 33
Liittyi: 23 08 2017, 10:25

Re: Ezittäydymine

Viesti Kirjuttai Sinilind »

Tule terveh, kat’t’i!

Ei pie tyhjiä varata kirjuttua karjalakse. Karjalakse kirjuttamal pahimillehgi vaiku opastuu kirjuttamah karjalakse. Oma kielimalto kohenou vaiku käyttämäl. Ristikanzu kerras ei opastu ni astumah, ni pagizemah, a vältämättäh pidäy kodvan öntästellä da mukkii kiändiä, ku parembi rubies harjavumah.

Kieli eläy vaiku sen käyttäjis. Sendäh, minuu myö, ni yksi karjalakse sanottu libo kirjutettu sanaine ei mene sudre. Kirjuta vai kat’t’i tänne rohkieh!

Da työ toizet, ket tädä luvetto ga viegi etto registriiruinnuhes käyttäjikse forumale, ruvekkua sežo tänne kirjuttamah, omua maltuo kohendamah.

Sinilind
Viestit: 33
Liittyi: 23 08 2017, 10:25

Re: Ezittäydymine

Viesti Kirjuttai Sinilind »

Kobrah näh vie sanozin, ku sanakniigua ihan hyvin pädöy pidiä hos käis, hos kobras (minul tavan mugah on yskäs). Kui pajatettih karjalazet, kokol on kovat kobrat, minul on kolmie kovembat... Ga tuulastajan tuldu älä rubie kädeh ottamah, vaiku pie kobras.

Ongo sinul, kat’t’i, tuttavu Kotusan sivuloile riputettu Karjalan kielen sanakniigan verkoversii? Eččosanoin keksimine voi olla jygei kuni ei musta niilöin mugavutusprintsippoi, ga sitpäi hyvin suau ezimerkii mittumis kontekstois midägi sanua vois käyttiä: http://kaino.kotus.fi/cgi-bin/kks/karjala.cgi?a=kopra

kat't'i

Re: Ezittäydymine

Viesti Kirjuttai kat't'i »

Da, Kotusan kn'iigua olen tiijustannuh, ga alus en malttanuh eččie sanoi suomespäi karjalah - nygöi olen opastunnuh. Minul on "oigies bumuagas" luajitunnu sežo Salmin murdehen sanakn'iigu da ven'a-karjal-sanakn'iigu, kudamat tuldih died'oilpäi. Ga nygyaijjan sanua sie ei n'i ole. Uuzii sanoi olen opastunnuh uudizis, kudamii työndäy Yle.

BUTTON_POST_REPLY