KKS:n netturaadivo

[mp]

Karjalan Kielen Seuran kodisivuloile ozutteheh
http://www.karjalankielenseura.fi/radio
on ližätty "nettiradio" ("netturaadivo"), kudual voi kuulta karjalankielisty paginua da muuzikkua. Myöhembi sinne uskaldetah ližätä fil'muagi, ezim. Brendojevan festivualas. Ylen hyvä palvelu, kel vai ollah moizet vehkehet. Livaimes pidäy olla Adobe Flash ližäkeh da 1 Mb/s libo parembi Internet-yhtevys. Tiettäväine pidäy olla moine sobimus Internet-palvelun tariččijanke, kudai ei ripu datan miäräs. Minul ičel on 512 Kb/s yhtevys, kudamanke kudakui voi kuunnella, a vuottua pidäy.

Midä nimie moizes palvelus pidäs käyttiä, kerras en malta sanuo? Tehniekallizesti se on av-palvelin, ei raadivo - klientan pidäy ičen mennä palveluu lad'd'uamah da sil pakičendal se tulou vaiku hänele. Raadivohäi kaiken aigua työndäy ohjelmua olgah kuulijua libo ei. Tiettäväine, ku kai rahvas ruvennou sanomah mustua valgiekse, se pidäy hyväksyö da eččie toine sana valgiele.

[Feda]

Olen olluh ruavos erähäs nettiradivos toimittajannu. Siel häi voi tozo pyörie programmuvirdu kogo ajan da välih voibi mennä pagizemah ajankohtastu dieluo. Muziikin soittamizes pidäü olla sobimus Gramexin ker, libo soittua vai teostovabuatu muziikkii. Ainehestu pidäüs suaha äijül lizeä, muutoi kuulijat harvenuo terväzeh. Hüvät haastattelut tozo ollusi mugavua kuulla, Ylen i Kotuksen arhiivulois on vanhembua evakkoloin paginua, da nygöi vie pidäüs tallendua matkoil kulgies lizeä.

Lükküü da vägie Karjalazel radivol!
Feda

[mp]

Netturaadivon ruadajii en rubie nevvomah. Rahvahallizien yhtistyksien toimindas ainos on se probliemu, ku nevvojua on äijän a ruadajua vähä. Ku vai stuatussu olis kunnos, Yleisradionhäi pidäs ohjelmua työndiä, nygöi ku varaitetah ruveta vägeh keriämäh dengua televizorattomilgipäi.

A terminöinke prähkän. Se ei ole sudre sendäh ku pahoi luajitus sanas kärzitäh kai tulijat kieldy opastujat sugupolvet. Hyvin luajitun sanan kerras opastut da ellendät, a pahoi luajittu sana pidäy ulgomustoh opastuo da sitgi hairehtut. Tänäpäi luvin lehtes ilmoituksen, ku täs tiedokonehes on fläškovalevy - tolkutoi! Vastevai iče ostin uvven tiedokonehen fläš-mustonke murennuon sijah sikse ku ei olis iändy piästäjiä da sähkyö syöjiä kovalevyy. Tft-kuvabutkiegi en tahto. Engo pie hiirenny tädä sormel kosketeldavua pindua näppäimistön vieres. Sananluadijal pidäs vähäzel ellendiä da duumaija, mi virgu on sanal.

Mindähbo tämä "netturaadivo" sana minule luadii piänkivistyksen? On sellitettävy mondu šeikkua:
media: raadivoaldoči libo internetači
juandutaba: virdu libo varasto
signualu: iändy, kuvua libo tekstua
sizäldö: ajankohtastu tapahtumuvirdua libu stuattizii tevoksii
Tavallizes raadivos toimitus työndäy raadivoaldoči iänivirdua enimyölleh ajankohtazis tapahtumis. Nygöi sežo voimmo pyydiä uvvenaigazen bibliotiekan varastospäi klassillizii tevoksii tekstannu. Da kaikkie täl välil, 2x2x3x2=24 kombinatsiedu. Minun mieles "netturaadivo" olis oigei sana tarkoittamah ajankohtastu iäniohjelmuvirdua internetači. Nygöihäi Yle työndäygi ohjelmii täh jyttyh. Heil tiettäväine on ylen äijän muudugi palveluu.

[Maria]

Vahnua dieluo duumaičin. Gu ensimäzen kerran nečidä netturadivuo kaččoin, kummastelin gu ei se ni ollu "radivo", sih tabah gu iče radivon käsitän, vaiku sivu kuhun on iänitiedostoloi tallennettu. Sivu on ylen hyvä, ylen mugavu on kuunella tiedostoloi, vaiku ei radivo ole. Tiettäväine voi radivos tulla ozakse vahnoigi iänityksii, a erinjyttyne sivu pidäs olla što radivokse voizi sanuo.

Da radivosanua duumin, kuibo kirjutetah. Eigö sen "radivo" pie olla "raadivon" sijas, gu Karjalan kielen pitkät vokalit ollah ii, uu, yy, da muut vokalit ei voija olla pitkänny?

[mp]

Passibo nämis kommentois. Rubein jo kyzymäh olengo ainavo čirču sanoin merkičykseh näh, ku minun mieles sanan pidäs juohattua ellendämäh midä se merkiččöy. Sanan "netturaadivo" mollembat puoliškot pidäs työndiä "kieličuppuh" šeikuittavakse, pidäsgo sen olla nettiradivo libo midätahto nämien välil. Toinah "nettu", "kursu" oldas karjalazembat migu "netti", "kursi", yhtelläh jälgimäzii nägöy puaksumbah. Kui sanot, pitkiä aa:du karjas ei ole olluh, yhtelläh sidä nygöi käytetäh uuzis sanois kui "graafiekku", "matemaatiekku". Yhtenjyttyöh e:nke. Allus käytin täl forumalgi "tiemu" sanua, ga vaihtoin sit "teemakse" kudamua puaksumbah muijal näin.