Jeuropan Nevvosto

lövvitgo karjalazile mieldykiinnittäjän linkin Internetas

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Jeuropan Nevvosto

Viesti Kirjuttai mp »

Jeuropan Nevvostospäi voi eččie zakonallistu tugie kielen puolistamizeh. Vähembistökielien peruskirju on täs ozuttehes: http://www.coe.int/T/E/Com/Files/Themes ... efault.asp
Suomi on tämän kirjan lujannuh da soveldaugi, Ven'a on allekirjuttanuh ga ei vie lujannuh.

Toine Jeuropan Nevvoston dokumentu on "Ramkusobimus vähembistölöin oigevuksien suojelemizeksi"
http://www.coe.int/t/dghl/monitorings/m ... xts_en.asp
Tämän sobimuksen Ven'a da Suomi ollah allekirjutettu ga ei vie lujattu.

On olemas moine "Foundation of Endangered Languages" (Varavonalazien kielien fondu) nimine ei-valdivolline organizatsii
http://www.ogmios.org/home.htm
kudai valdivolois rippumattah oppiu puolistua varavonalazii kielii.

Käyttäjän avatar
mp
Viestit: 2108
Liittyi: 05 08 2008, 19:45

Re: Jeuropan Nevvosto

Viesti Kirjuttai mp »

Ihan fundumentualizen tärgei forumu vähembistölöin oigevuksien todevuttamizes on Europan Nevvosto, kudaman toimindas tieduo suau verkosivustol http://www.coe.int da ielleh valličemal menus "What we do" angliekse libo puolel d'uužinal muul kielel. Sie on kaksi kohtua,
vähembistökielien peruskirju, da vähembistölöin suojelun ramkusobimus, kudamas voi lugie vuoropaginua EN:n da valdivoloin välil.

Mennyt ligakuul EN:n tiedäjien nevvosto julgai kolmannen kerran mielet Suomen eistymizes vähembistölöin suojelendas, da 13.4.2011 Suomen halličus vastai täh raportah.

Nämis dokumentois on 41 da 16 sivuu. Tärgevimiksi nostih saamelazien muanomistusoigevuot, saamelazien kielioigevuot, da ylejäh vähembistölöin kuulendumenettely. Karjalazis azientundijat oldih huomattu, ku Suomi lizäi karjalan kielen niilöin kielilöin joukkoh, kudamih soveldetah vähembistökielien peruskirjua. Hyö sežo passiboidih sidä, ku Päivännouzu-Suomen yliopistoh oli perustettu, Karjalan kielen seuran (tekstas Karelian Society) alallizien pakičeksien jälgeh, karjalan kielen professuuru. Hyö iellehgi kuhkutettih Suomen valdivuo kannattamah da rahoittamah karjalan kielen opastustu.

Ylen äijäl karjalazet da karjalan kieli ei nävytä nämis dokumentois, sih näh, min verdu karjalazii Suomes on. Vikse karjalazet olemmo vaikkani omas olendas.Da Suomen karjalazet vikse ollah Suomen valdivole vaiku yksi suomen murreh/heimo, libo yksi lugemattomis kielivähembistölöis, kenbo niidy kaikkie tiedäy. Ylen äijän enämbi zobottua täs dokumentas on saamelazis, ruočinkielizis, ven'alazis da čiganois. Tiettäväine hyvä ku heijän aziedu sheikuijah.

Pekoi
Viestit: 356
Liittyi: 18 09 2008, 20:54

Re: Jeuropan Nevvosto

Viesti Kirjuttai Pekoi »

A,nygöi azutah Suomeh hallitšustu.Suannougo heidy "kuhkuttua" ottua Karjalan kielen akkiloitšus tulien hallitšuksen programmah? :roll:

Käyttäjän avatar
mp
Viestit: 2108
Liittyi: 05 08 2008, 19:45

Re: Jeuropan Nevvosto

Viesti Kirjuttai mp »

KKS:n johtajat vikse pietähgi paginua deputuatoinke, da ministroinke konzu rubiemmo tiedämäh kenes roitah uvven halličuksen ministrat, enne kaikkie oigevusministru, opastusministru da ulgoministru, piäministran lizäkse. Ministratgi, hos heil i ollou karjalastu rod'nua, voijah olla tiedämättömät karjalazis, karjalan kieles, ristikanzan oigevuksis da kanzoinvälizien sobimuksien vellallizuksis, da sendäh jogahistu deputuattu- da ministrusugupolvie pidäs nevvuo nämis dielolois.

Maria

Re: Jeuropan Nevvosto

Viesti Kirjuttai Maria »

A voi voi ku mustetah lehtet kirjuttua midä Europan nevvoston dokumentat sanellah ruoččin kieleh näh, a toizet kielet jiähäh bokkah..

Käyttäjän avatar
mp
Viestit: 2108
Liittyi: 05 08 2008, 19:45

Re: Jeuropan Nevvosto

Viesti Kirjuttai mp »

Rubein vähembistö- da alovehellizien kielien peruskirjua karjalakse kiändämäh sendäh ku se on ihan fundamentu pienien kielien puolistamizes. Ga tiezinhäi enne hommah tartumistu, ku se hommu ei rubie ravieh edenemäh. Erähičči pidäy uuttu sanua luadie, da konzu olet kaksi kolme rivii kiändänyh, rubiet kaččomah ymbärile eigo pertii pidäs kabrastua hos i segi ei ole himoruado.

Olói

Re: Jeuropan Nevvosto

Viesti Kirjuttai Olói »

Minulgi oli hyvin kabrastettu pertti yliopistos opastujes:)

BUTTON_POST_REPLY