Opastajien sivut allus oldih vaiku Petroskoin yliopiston palvelimel. Erähičči, konzu oli erähii tehnillizii vaigevuksii da tila rubei täydymäh da himoittu forumu perustua, rubein vuogruamah tilua suomelazel palvelimel - yliopisto ei tahto phpbb-ohjelmua omal konehel. Oli mostu probliemua:
- kui kirjuttua karjalazet kirjaimet. Html-koodat ollah jygiet kirjuttua, a utf-8 koodat pahoi nävyttih opastajat.karelia.ru palvelimel - kirjaimikko-oletukset oldih erilazet. Jälgimäi maltoin lizätä sivuston tyveh .htaccess tiijoston, kudamah on kirjutettu AddDefaultCharset UTF-8. Nygöi utf-8:l kirjutetun tekstan pidäs oigein nägyö, ku ei livain olle pahoi azetettu.
- Algujah sain vaiku 10 MB. Sivuston kogo kazvoi. Opastusohjelmat nygöi tarvitah 20 MB, školaezittelyt 10 MB,... Nygöi sain liziä tilua, passibo vararektoru Ruzanovale - hyö tahtotah pidiä opastajien sivuloi Petroskoin yliopiston palvelimel. Nygöi kai sivut sinne synnytäh.
- Erähii kuukauzii tagaperin minun internet-operuattoru vaihtoi omua ip-ozutehtu. Tädä en ni tiennyh, da sentäh yliopiston palvelin minuu ei laskenuh sivuloi päivittämäh. Nygöi syy selgii da uvvessah piäzen palvelimele.
- Luvatoindu kopiruiččijuagi varain. Jo duumaičin jiägäh kopiruiččii vahnenijoin sivuloin ke. A toinah nygöi net kopiet lopullizesti hävitäh.
Nygöi, täs nedälis algajen tilandeh on se, ku mollembat sivustot: opastajat.net da opastajat.karelia.ru ollah yhtenjyttymät (ku en unohtanne päivitysty) Sendäh kirjutin sivuston ezisivulegi mollembat nimet. Forumu on vaiku suomelazel palvelimel, ga linki forumale nägyy ven'alazelgi ezisivul.
opastajat.net ~ opastajat.karelia.ru
Valvoi: verkomuagari