Pajoloi internetas

[Maria]

Eccin midä karjalastu pajuo Youtubes löydyy. Heli Keinosen pajattamannu lövvin Ajettih ciganaiset, Laskettakkua brihat hebot da Muamoni minuo cakkai. Laittakkua muudugi kudamua voi netas kuunella!

Da silmäh cökkäi Yesterday-pajo Vepsän kielel, kusbohäi löydys sanat kuibo neces pajattau?

[Manutar]

Minul moine pajo gu "SMIETTIZIN VAI, KULDOI, TULET"
on ylen tärgiekse tulluh. Vähäizen olen icegi sidä opastunnuh pajattamah,
Vladimir Brendojevin sanat ollah da sävel M Gavrilov.

Smiettisin vai, kuldoi, tulet
virstan vastah viiputtazin,
varustazin sanat sulat..
Smiettisin vai, kuldoi, tulet.

Tiedäzin vai, kus sa astut,
jallantiehyön pyhkildäzin,
kuivailizin vilun kastien..
Tiedäzin vai, kus sa astut.

Smiettisin vai, kuldoi, tulet
päivyöt ruskiet virittäzin,
kuudamozen sijah kulun..
Smiettisin vai, kuldoi tulet

Monet horat tädä pajattau, kerran vai olen kirjastos yhten cd:n löytännyh,
en vai musta, mi hora oli. Opin löydiä sen uvvelleh.

[mp]

Passibo täs linkis. "Muamoni minuo čakkai" hillendäy minut. Ijätöi teemu, yksinkerdaine, kaunis ezitys.

[mp]

YLEn karjalazes heinykuus oli äijy mieldykiinnittäjiä ohjelmua Karjalas, erähis kuului karjalan kieligi. Täs linkis,
http://areena.yle.fi/audio/1175576
kohtas 12:02 algajen pajattau tyttöine karjalakse kaunehel iänel da puhtahal intonatsiel "Kallis mua" pajon. Ylen čoma.

[mp]

Piälmainitus linkis pajon algu ei kuulu. Kirjutan täh sanat, kuduat kuulutah:

???
... mua
tiäl kylmäs pohjazes

(ei notkelmua ei nouzelmua
ei lahtie randua lauhkiembua
kui kodimuas täs kuldazes
muas tuatan armahas) * 2

da sendäh kerran korvesta
se nouzou kallis mua

(kui syväimelgi palamah
suau vellen kera rinnakka
kui meid ei rajat ruasta jua
kui yks on kallis mua) * 2

[Pedrunnybly]

Tyttöine vikse pajattau: muamon mua. Enne sidä liennöy viizi tavuu i muamon iel voibi olla tuaton. Arbuan, enhäi tiijä.

[Pedrunnybly]

Santtu Karhu pajattau täs livvikse Karjalazen regipajon: http://www.youtube.com/watch?v=eHD4N3ODH08

[Gagarin]

Ga netshis Hannu Brfelo:

http://www.youtube.com/watch?v=sMBP-qT0UFA

[Ruisräkäččy]

Ylen čoma on pajoloi karjalan kielel kuulta. Vai, kenbo tiediä kerduo cd.n mis on pajo "Smiettizin vai kuldoi tulet". Kaksi kerdua olen sen suanu kuulta `livenä`, da ylen, ylen čoma i herky on tämä pajo.

[mp]

CD:dy eččijes kuundele Volod'an paginua: http://opastajat.net/tmp/kuldoi.mp3