Miän Karjalua on äijä: Tihvinän karjalazet

lövvitgo karjalazile mieldykiinnittäjän linkin Internetas

Valvoi: verkomuagari

Käyttäjän avatar
Sinilind
Viestit: 22
Liittyi: 23 08 2017, 10:25

Miän Karjalua on äijä: Tihvinän karjalazet

Viesti Kirjuttai Sinilind » 16 11 2018, 13:23

Čökkäi silmih nengoine ylen hyvä fil’mu Pogostan mošelniekan blogas:

https://www.youtube.com/watch?v=u-9J9pHp2tY

Vuvvennu 2002 luajitus programmas (28 min 55 s) toimittai Ol’ga Ogneva pagizuttelou Tihvinän karjalazii dai filolougien kandiduattua Vladimir R’agojevua. Karjalan kielen tutkii julgai oman Tihvinän karjalan kieliopin «Тихвинский говор карельского языка» vuvvennu 1977.

Ongo tihvinäläzien kieli sen vahnan muinazen karjalaheimon kieldy, kyzyy toimittai. Tutkijan mugah puhtastu sidä vahnan Karjalan, Korelan, kieldy myö lövvä emmo. Sen perindönny la tämä kieli on. Nellisadua vuottu eletäh erikseh, oma kehitys on sil kielel. Kieli säilyi sendäh ku pienes kattilas kiehuttih – toizen muailmanke heil oli vähä yhtevytty.

R’agojevan kieliopin kielinäyttehis nenga saneltah leivän pastandah näh (s. 263):

Panemma vettä taiginah, ka panemma vettä, emmä moista vilua suamo. Ševotamma illalla, emmä ylen što ka šagien šagiekši, nu härkimäh štobi... kiugualla noššamma yökši, štobi hiän muigenis. Huomnekšella otamma tämän taiginan šotemma, štobi hiän šagiemb ois. Šidän ken puodiella paistaa, ku hyvä puoje. Ottaa puodien pyyhkyy tällä havulla, da ka lämbie ku kiuguašša, havulla pyyhkyy, štob ei jäis tuhkakaš puoje. Šie leivät labiella panoo, šinne čokkie leivät kuugloit. A ken protin’n’alla paistaa, ken nytten ruvettii hormissa paistamaa. Kah.

Vastua viestih

Paikalolijat

Käyttäjii lugemas tädä forumulaudua: 1 da 0 gost'ua