Kanzalliskirjaston verkokeräilemy

karjalankielizii kniigoi, lehtii, cdromoi, ...

Valvoi: verkomuagari

BUTTON_POST_REPLY
Sinilind
Viestit: 33
Liittyi: 23 08 2017, 10:25

Kanzalliskirjaston verkokeräilemy

Viesti Kirjuttai Sinilind »

Midä mp iel, sidä kanzalliskirjasto jälles. Karjalan tazavallan kanzalliskirjaston Internet-sivuloile on riputettu vahnua da uuttugi karjalankielisty opastuskniigua dai vähäine kaunehliteratuurua rahvahal lugiettavakse. Kanzalliskirjasto ruadau opastuskniigoin digitiiruičenduprojektua yhtes Ven’an tiedoakademien Karjalan tiedokeskuksen kielen, literatuuran da histourien instituutan dai Karjalan tazavallan Opastusministerstvan kel.

Tädä kirjuttajes Elektronnoin opastuskniigoin keräilemäh Karjalan kanzallizil kielil on digitiiruittu 107 kirjua karjalan, vepsän da suomen kielil. Kaikkiedah on vallittu läs 300 v. 1920–1950 painettuu kniigua Internettah riputettavikse. Nygöi jogahine digitiiruittu da kaduomizespäi pellastettu vahnu kniigaine on kallis kui kuldupalaine. Karjalankielizii arifmetiekan, geometrien, algebruan, muantiijon, kazvitiijon, histourien, fiiziekan, eläintiijon da luonnonhistourien opastuskniigoin tukkuu nähtes ei roi nimittumua ebäilysty sit voidanusgo karjalazet kazvua kul’tuururahvahakse da täyzikse yhteiskunnan jäzenikse omal muamankielel, vai suannus karjal eliä opastundan kielenny Nevvostoliitos hätkembi kahtu kolmie vuottu. Kui Martti Penttonen kirjuttau omas Karjalazil očkil -kniigas (s. 50): ”Opastajat da kiändäjät kerrittih kahtes kolmes vuvves luadimah uskomattoman miärän kirjua kul’tuurutazon nostamizekse. Oli neruo, aigua da dengua. Tämä on minun mieles kolmekymmenluvun karjalankielizien opastundukniigoin suuri viesti meile täs aijas eläjile.”

Paiči vahnua kniigua, keräilemäs ongi 16 nygyaigastu opastuskniigua digitualizes muvvos kahtel karjalan murdehel:

Vienankarjala:
  • Pankrat’jeva, J. V. Vienankarjalan oppikirja. 1. luokka, 2007.
  • Pankratjeva, J. V. Vienankarjalan oppikirja. 2. luokka, 2008.
  • Kuz’mič T. J. & Pankratjeva J. V. Vienankarjalan oppikirja. 3 luokka, 2011.
  • Pankratjeva, J. V. Vienankarjalan oppikirja. 4. luokka, 2013.
  • Pankratjeva, J. V. Vienankarjalan oppikirja. 5. luokka, 2014.
Livvinkarjal:
  • Baranova, T. A. Karjalan kieli: 1. kluassu, 2007.
  • Baranova, T. A. Karjalan kieli: 2. kluassu, 2012.
  • Baranova, T. A. Karjalan kieli: 3. kluassu, 2013.
  • Baranova, T. A. Karjalan kieli: 4. kluassu, 2013.
  • Baranova, T. A. Karjalan kieli: 5. kluassu, 2014.
Vie kohtas Kielen opastujien abuh ollah nengomat kirjat:
  • Zarinova, O. L. Pagizemmo karjalakse, 2012.
  • Karlova, O. L. Vienankarjalan alkeiskuršši, 2013.
Kaunehkirjalližuttu sivuloil on setämä palaine. Vahnoih kniigoih näh maksau mainita tverinmurdehizii Grimoin vellekšin šuarnoida vuvvel 1936 dai yhtehizen kirjukielen vuvven 1939 versiele kiännettylöi Aksakovan Alen’koida kukkaista da H. C. Andersenan Suarnoi.

BUTTON_POST_REPLY