Opastummo lugemah da pagizemah karjalakse

karjalankielizii kniigoi, lehtii, cdromoi, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Opastummo lugemah da pagizemah karjalakse

Viesti Kirjuttai mp »

Leena Kushtshenko, Teija Mertaranta:
Opastummo lugemah da pagizemah karjalakse
karjalakse kiändi Natalia Giloeva
Karjalan Kielen Seura 2015, 171 s.
Kuva
Tädä opastundukirjua äijän suvaičen! Se on kiini täs muailmas da täs aijas, toizin kui erähät rajantagazet opastundukirjat, kudamat ollah kui etnogruafizes vitrinas otetut da tullah pölyle. Tämä on luvendukniigu kudai tuttavuttau suomelazeh yhteiskundah, kus on muahmuuttannuzii vähembistölöigi. Ei ole karjalan kielen opastundukirju hos opastaugi argielokses hyövyllisty sanastuo. Toizin kui rubriekas ozutahes, tämä ei ole vaiku kiännös, a täs on äijän karjalazii lizävyksii. Oigiehkirjutus on jälgimäzen petroskoilazen norman mugahine, täs kirjutetah "policii". Kiännös on erinomaine ga erähis kohtis nägyy kiändäjän ven'alazus: Suomen karjalazele ovvot ollah elättilöin nimet Šarka da Murka, da iče parembi kirjuttazin UNESCO da Europpu migu Junesko da Jevroppu - suomen karjalazet otammo sanat suorah, emmo kierrätä Moskovan kauti, emmohäi kirjuta juksi, libo levgu da ravdu.

Maria

Re: Opastummo lugemah da pagizemah karjalakse

Viesti Kirjuttai Maria »

Tämä kirju on ylen hyvä, no minul sidä lugijes vähä silmäh čökkiäy liigu pozitiivizus: kaikin dielot mennäh hyvin, kaikin ollah ruadajat, školas dielot mennäh hyvin, nikedä kluasas ei abeija, i m.i. :P Ga sehäi probliemu on jo alguperäzes kirjas, eihäi sidä kiändäjes voi ruveta liigua tekstoi muuttamah. Minun mieles parembi moizes kirjas olis olla tekstaine sih näh, midäbo ruadua, sanommo, ku nähnöy ku kedätah abeijah libo kentah ehtottau midätah mostu, kudamua iče ei tahto ruadua. Nu, voibihäi nämmii dieloloi sit urokoil paista, eihäi kirjanke tiettäväine ruata muga, ku vaiku sivu sivul ielleh luvettas, ga kaikenmostu sih tiemah näh voibi muudugi ruadua.

BUTTON_POST_REPLY